Luk 10:27 - Yesus Aqa Anjam Bole

²⁷ Onaqa tamo dena minjej, “Moses a nami dal anjam endegsi neŋgreŋyej, ‘Ni ino Tamo Koba Qotei tulaŋ qalaqalaiyime. Qalaqalaiysim ino are miligi ti ino qunuŋ ti ino siŋgila ti ino areqalo ti kalil yekritime. Osim ino segi jejamu gereiyeqnum dego kere ino was naŋgi dego geregereinjrime.’”

Luk 10:27 ပူးပေါင်းရင်းမြစ်များ

Matyu 19:19

Ni ino ai wo abu wo naŋgo sorgomq di geregere sosimqa naŋgo anjam dauryoqne. Ni ino segi jejamu gereiyeqnum dego kere ni ino was naŋgi dego degsim geregereinjroqne.’”

Luk 10:26

Onaqa Yesus na kamba minjej, “Ni Moses aqa dal anjam qalie. Ni gaigai sisiyeqnum. Deqa ŋambile gaigai sqajqa gam di ni segi na mare.”

Rom 13:9

Iga qalie, dal anjam a endegsi marqo, “Niŋgi tamo uŋgasari naŋgi ñumsib moiotnjraib. Niŋgi bajiŋaib. Niŋgi was bei aqa iŋgi iŋgi qa mamaulŋgaiq. Niŋgi was bei aqa uŋa jejamu ojetaib.” Ariya anjam bei dego unu. Anjam agiende, “Ni ino segi jejamu gereiyeqnum dego kere ni ino was naŋgi dego degsim geregereinjroqne.” O was qu, anjam qujai dena dal anjam kalil kabutejunu.

Galesia 5:13

O was qu, Kristus a na niŋgi eleŋej deqa dal anjam na niŋgi olo bunu taqatŋgwasai. Qotei a deqa are qalsiq niŋgi metŋgej. Ariya niŋgi endegsib are qalaib, “Iga dal anjam aqa sorgomq di sosai deqa uŋgum, iga olo gago areqalo namij dauryosim kumbra uge uge yoqnqom.” Niŋgi degsib are qalaib. Niŋgi nuŋgo Kristen was naŋgo kaŋgal tamo bul sosib naŋgi qalaqalainjroqniye.

Hibru 8:10

Ariya anjam bunuj agiende. Bati bei brantimqa e na ijo dal anjam kalil osiy Israel tamo uŋgasari naŋgo areqaloq di atsiy siŋgilatqai. Osiy naŋgo are miligiq di dego neŋgreŋyqai. Deqa e naŋgo Qotei soqnit naŋgi ijo segi tamo uŋgasari sqab.

Jems 2:8

Qotei a gago Mandor Koba unu. Aqa dal anjam bei nami endegsib neŋgreŋyeb unu, “Niŋgi nuŋgo segi jejamu gereiyeqnub dego kere nuŋgo was qu dego degsib gereinjroqniye.” O was qu, niŋgi dal anjam di dauryqab di niŋgi kumbra tulaŋ boledamu yqab.

1 Jon 3:18

O ijo aŋgro kalil, niŋgi quiye. Iga laŋa anjam maro na segi Kristen tamo naŋgi qalaqalainjrqom di keresai. Iga naŋgi bole qalaqalainjrsim kumbra bole bole enjroqnqom.