Luk 10:15 - Yesus Aqa Anjam Bole

¹⁵ O Kaperneam tamo uŋgasari, niŋgi laŋ qureq oqwa kere e? Keresai. Qotei na niŋgi breiŋgimqa moio qureq aiqab.”

Luk 10:15 ပူးပေါင်းရင်းမြစ်များ

Matyu 10:28

Niŋgi jeu tamo naŋgi ulainjraib. Naŋgi nuŋgo jejamu segi qalsib moiotqa kere. Naŋgi nuŋgo qunuŋ moiotqa keresai. Deqa niŋgi naŋgi ulainjraib. Qotei a segi ulaiyiye. A na tamo naŋgo qunuŋ ti jejamu ti padaltnjrsim naŋgi ŋamyuoq breinjrqa kere.

Matyu 11:23

O Kaperneam tamo uŋgasari, niŋgi laŋ qureq oqwa kere e? Keresai. Niŋgi moio qureq aiqab. Tamo bei a Sodom qureq gilsiq maŋwa e nuŋgoq di yoqnem qaji di Sodom qure naŋgoq di yo qamu naŋgi nami are bulyosib bini unub qamu. Naŋgi padalosai qamu.

Matyu 4:13

Aisiq Nasaret qureq di brantej. Dena walwelosiqa Kaperneam qureq gilsiq di soqnej. Kaperneam qure agi Galili ya agu qalaqsi unu. Ya agu jojomq dia sawa aiyel unub. Sawa aiyel di naŋgo ñam Sebulun ti Naptali ti. Kaperneam qure a sawa aiyel di naŋgo ambleqsi unu.

Luk 13:28

A na niŋgi degsim merŋgsim niŋgi qalaq di breiŋgwas. Yimqa Abraham na Aisak na Jekop na Qotei aqa medabu o qaji tamo kalil naŋgi ti Qotei na taqatnjrsim naŋgo Mandor Koba soqnimqa niŋgi naŋgi unjrsibqa akamkobayoqnsib pailoqnsib nuŋgo jaqatiŋ qa qalagei anjam atoqnqas.

Luk 16:23

Subq atnabqa aqa qunuŋ aisiq moio qureq di soqnej. Sosiqa jaqatiŋ kobaiyeqnaqa tarosiqa Abraham isaq di sonaq unej. Lasarus a Abraham aqa areq di awesonaq unsiqa tulaŋ koba maosiqa Abraham minjej, ‘O Abu Abraham, e ŋamyuoq endi sosimqa tulaŋ kaŋkaŋoqnsim jaqatiŋ koba eqnum. Deqa ni e qa are ugeimimqa Lasarus minjim aqa baŋ gei yaq di tuqtosimqa bosim ijo meŋq di atimqa kiñala ulilibqas.’

2 Pita 2:4

Niŋgi qalie, nami laŋ aŋgro qudei naŋgi une ateb. Onaqa Qotei a na naŋgi uratnjrosai. A naŋgi osiqa tontnjrsiqa sub guma kobaq di breinjrej di unub. Sub di ambru koba. Sub dia ŋamyuo unu. Ariya laŋ aŋgro uge naŋgi di subq dia tariŋesoqnibqa mondoŋ Qotei a naŋgo une qa peginjrsim awai uge enjrqas.