Kolosi 4:18 - Yesus Aqa Anjam Bole

¹⁸ E Pol. Ijo anjam bosiq endi koboqo. Deqa e ijo segi baŋ na kaiye anjam endi neŋgreŋyosim niŋgi qa qariŋyonum. E tonto talq endi unum deqa niŋgi e uratbaib. Niŋgi e qa are qalsib soqniye. O was qu, Qotei a niŋgi qa are boleiyeme.

Kolosi 4:18 ပူးပေါင်းရင်းမြစ်များ

Rom 16:20

Qotei a na iga so bole ti lawo kumbra ti egeqnu. Sokiñala a na Satan ojsim osi bosim nuŋgo siŋgaq di atim niŋgi na sosqab. Gago Tamo Koba Yesus a niŋgi qa are boleiyeme.

Rom 16:22

Ijo ñam Tertius. E Pol aqa medabuq na anjam endi osim ijo segi baŋ na neŋgreŋyonum. E segi dego Tamo Koba Yesus aqa ñam na niŋgi kaiyeiŋgonum.

Rom 16:23

Gaius a na dego niŋgi kaiyeiŋgwo. A na e osiqa aqa segi talq dia e geregereibeqnu. Osiqa Kristen tamo uŋgasari kalil endia unub qaji naŋgi dego geregereinjreqnu. Erastus wo gago was Kwartus wo naŋgi aiyel dego niŋgi kaiyeiŋgonub. Erastus a na Korin qure naŋgo silali taqateqnu.

1 Korin 16:21

E Pol. E ijo segi baŋ na kaiye anjam endi neŋgreŋyosim niŋgi qa qariŋyonum.

Filipai 1:7

Niŋgi ijo are miligiq di unub deqa e kere niŋgi qa degsim are qaleqnum. E tonto talq endi sqai kio e Kristus aqa anjam bole siŋgilatoqnsiy laqnqai kio di uŋgum. Qotei a e qa are tulaŋ boleiyosiq wau ebej deqa niŋgi kalil e beterbosib e ti koba na Qotei aqa wau ojeqnum.

Kolosi 4:3

Niŋgi iga qa dego Qotei pailyoqniye. Niŋgi endegsib pailyoqniye, “O Abu, ni na Pol aqa wau qujai naŋgi ti gam waqtetnjroqnimqa naŋgi medabu waqtoqnsib Kristus aqa anjam nami uliesoqnej qaji di marsib laqnqab.” O was qu, jeu tamo naŋgi Kristus aqa anjam di quqwa asginjreqnu deqa naŋgi e ojsib tonto talq endia waibeb unum.

2 Tesalonaika 3:17

E Pol. E ijo segi baŋ na kaiye anjam endi neŋgreŋyosim niŋgi qa qariŋyonum. E ijo anjam kobotoqnsim qariŋyqa laqnsimqa e degyeqnum. Di ijo kumbra.

1 Timoti 6:21

Naŋgi mareqnub, “Iga powo ti unum.” Di sai. Naŋgi Kristus qoreiyoqnsib a qa naŋgo areqalo siŋgilatqa urateqnub. O was qu, Qotei a niŋgi kalil qa are boleiyeme.

2 Timoti 1:8

Deqa ni gago Tamo Koba Yesus aqa anjam marsim laqajqa jemaimaiq. E segi Yesus aqa anjam marsim laqnem deqa jeu tamo naŋgi na e ojsib tonto talq endia e waibeb unum. Deqa ni e qa dego jemaimaiq. Ni Qotei aqa siŋgila osim Yesus aqa anjam bole marsim laqne. Osim dena ni e ombla gulube oqnsim sqom.

2 Timoti 4:22

Tamo Koba Yesus a na ino qunuŋ geregere taqateme. Osim niŋgi kalil qa are boleiyeme.

Taitus 3:15

Tamo uŋgasari kalil e koba na endi unum qaji naŋgi na ni kaiyeimonub. Deqa ni na tamo uŋgasari iga tulaŋ qalaqala-igeqnub qaji naŋgi kamba gago kaiye anjam endi minjrime. Tamo uŋgasari naŋgi di Yesus qa naŋgo areqalo siŋgilateqnub. O was qu, Qotei a niŋgi kalil qa are boleiyeme.

Hibru 13:25

Qotei a niŋgi kalil qa are tulaŋ boleiyeme.

Hibru 13:3

Ariya Qotei aqa tamo uŋgasari qudei naŋgi tonto talq di unub. Deqa niŋgi naŋgi uratnjraib. Niŋgi naŋgi qa are qaloqnsib koba na tonto talq di sobulosib naŋgi geregereinjroqniye. Ariya jeu tamo naŋgi na Kristen tamo qudei naŋgi ugeugeinjroqnsib jaqatiŋ enjreqnub. Deqa niŋgi naŋgi qa dego are qaloqnsib koba na jaqatiŋ obuloqnsib naŋgi geregereinjroqniye. Di kiyaqa? Niŋgi naŋgi ti Kristen was qu deqa. Niŋgi qalie, niŋgi mandamq endi sonabqa jeu tamo naŋgi na niŋgi dego ugeugeiŋgeqnub.