Kolosi 4:12 - Yesus Aqa Anjam Bole

¹² Epafras a na dego niŋgi kaiyeiŋgwo. A nuŋgo leŋ. A Kristus Yesus aqa wau tamo. A gaigai siŋgila na niŋgi qa endegsi Qotei pailyeqnu, “O Abu, ni na Kolosi Kristen naŋgi aqaryainjrimqa naŋgi siŋgila na tigeloqnsib naŋgi Kristen tamo tulaŋ boledamu sosib ino kumbra bole keretosib ino areqalo kalil geregere qalieqab.”

Kolosi 4:12 ပူးပေါင်းရင်းမြစ်များ

Matyu 5:48

Nuŋgo Abu laŋ qureq di unu qaji a gaigai kumbra bole tiŋtiŋ keretsiq yeqnu dego kere niŋgi nuŋgo Abu aqa kumbra di dauryosib kumbra bole tiŋtiŋ keretsib yoqniye.”

Luk 1:1

O Tamo Koba Tiofilus, nami kumbra kalil Qotei a gago ambleq di yoqnej qaji di aqa wau tamo naŋgi unoqnsib iga saigoqneb. Deqa tamo gargekoba naŋgi qusib neŋgreŋyeleŋeb.

Jon 12:26

Tamo bei a ijo wau yqa osimqa a e daurbem. Yimqa qure e sqai qaji di ijo wau tamo a dego e ombla sqas. Tamo bei a ijo wau yoqnqas di ijo Abu na a ñam kobaquja yqas.”

Rom 15:14

O was qu, ijo are miligiq di e qalieonum, niŋgi kumbra bole gaigai yeqnub. Niŋgi tulaŋ powo koba ti unub deqa niŋgi segi segi na Qotei aqa tamo uŋgasari naŋgi gam bole osornjreqnub.

Rom 15:30

O was qu, niŋgi gago Tamo Koba Yesus Kristus a qa ti qalaqalaiyo kumbra Qotei aqa Mondor na iga osorgeqnu qaji deqa ti are qalsibqa e ombla na Qotei pailyqajqa waukobaoqniye. Osib niŋgi e qa dego Qotei pailyoqniye.

1 Korin 14:20

O was qu, niŋgi aŋgro kiñilala naŋgi bulosib nanariosib walwelaib. Niŋgi tamo bole bole naŋgi bulosib areqalo bole na walweloqniye. Niŋgi qalie, aŋgro mom naŋgi kumbra uge qa poinjrosaieqnu. Deqa niŋgi kumbra uge kalil qa aŋgro mom naŋgi bulosib nanariosib soqniye.

1 Korin 2:6

Bole, tamo naŋgi Qotei aqa kumbra qa tulaŋ siŋgilaeqnub qaji naŋgi iga na anjam minjreqnam quoqnsib dena naŋgi powo bole ejunub. Ariya powo di mandam qaji tamo naŋgo powo sai. Powo di mandam qaji tamo kokba padalqa gamq di unub qaji naŋgo powo sai.

2 Korin 13:11

Ariya was qu, e ijo anjam getentqai. Niŋgi kalil kaiye. Niŋgi torei Kristen tamo uŋgasari boledamu sqajqa siŋgilaoqniye. Niŋgi ijo anjam quoqnsib dauryoqniye. Niŋgi kalil areqalo qujaitosib soqniye. Yim Qotei a niŋgi ti sqas. Agi a na niŋgi tulaŋ qalaqalaiŋgoqnsiq lawo kumbra eŋgeqnu.

Galesia 1:10

Niŋgi kiersib are qaleqnub? E anjam endi neŋgreŋyonum di mandam tamo naŋgi e qa boleqajqa kio Qotei a e qa boleqajqa kio deqa neŋgreŋyonum e? Mandam tamo naŋgi e qa boleqajqa deqa e waueqnum e? Niŋgi quiye. Mandam tamo naŋgi e qa boleqajqa deqa e waueqnum qamu e Kristus aqa wau tamo bolesai qamu.

Galesia 4:19

O ijo aŋgro, niŋgi quiye. Uŋa aŋgrotqa osiq jaqatiŋyeqnu dego kere e niŋgi qa are jaqatiŋbeqnu. Di kiyaqa? Ijo areqalo agiende. Kristus a Qotei aqa aŋgro tiŋtiŋ unu dego kere niŋgi dego Qotei aqa aŋgro tiŋtiŋ soqniye.

Kolosi 1:22

Ariya bunuqna Yesus a ŋamburbasq di moiej aqa kumbra dena Qotei na jeu kobotosiqa niŋgi olo eleŋej. A degyej. Di kiyaqa? A na niŋgi aqa areq joqsim bamqa niŋgi aqa segi kumbra boleq di sosib aqa ŋamgalaq di tamo tiŋtiŋo une saiqoji sqajqa deqa.

Kolosi 1:28

Kristus aqa anjam bole di iga na tamo kalil naŋgi minjreqnum. Iga areqalo bole ti powo ti sosim deqa iga na anjam di siŋgila na minjreqnum. Di kiyaqa? Naŋgi gago anjam di qusib Kristen tamo tulaŋ boledamu brantib iga na naŋgi joqsim Qotei aqa areq di atqajqa deqa.

Kolosi 1:29

Deqa Kristus aqa siŋgila kobaquja Qotei na e ebej qaji dena e wau koba yoqnsim unum.

Kolosi 1:7

Kristus aqa anjam bole di Epafras a na niŋgi merŋgnaq qusib poiŋgej. Epafras a iga ti Kristus aqa wau tamo. Iga Epafras tulaŋ qalaqalaiyeqnum. A siŋgila na niŋgi aqaryaiŋgoqnsiqa Kristus aqa wau bole ojeqnu.

Kolosi 1:9

Iga nuŋgo kumbra bole deqa qusimqa bati deqa iga niŋgi qa pailyqa osim utru atem. Deqa bini iga gaigai niŋgi qa Qotei pailyoqnsim unum. Iga endegsi pailyeqnum, “O Abu, ni na Kolosi Kristen naŋgi aqaryainjrimqa naŋgi ino areqalo geregere poinjrqas. Yimqa ino Mondor na naŋgi powo enjroqnimqa naŋgi ino anjam kalil geregere qalieosib dauryoqnqab.

Kolosi 4:9

E na Onesimus dego qariŋyonum a Tikikus ombla na niŋgi qa bonub. A dego gago Kristen was bole. A nuŋgo leŋ. Naŋgi aiyel niŋgi qa bosib gago kumbra kalil qa niŋgi saiŋgwab.

1 Tesalonaika 5:23

Qotei a are lawo qa utru. A na nuŋgo areqalo tigeltetŋgimqa niŋgi nuŋgo segi jejamu osib a yekritosib aqa segi kumbra boleq di sosib dauryoqniye. Qotei a na nuŋgo mondor ti nuŋgo qunuŋ ti nuŋgo jejamu ti kalil taqatesoqnimqa niŋgi so bole sqab. Sosib mondoŋ gago Tamo Koba Yesus Kristus a olo bqas bati deqa niŋgi torei une saiqoji sqab.

Filemon 1:23

Aqo Epafras wo ombla tonto talq endia unum. A dego Kristus Yesus aqa wau tamo deqa jeu tamo naŋgi na a ojsib tonto talq endia waiyeb unu. A na ni kaiyeimqo.

Hibru 5:14

Ariya tamo naŋgi kokbaonub qaji naŋgi iŋgi siŋgila uyeqnub. Naŋgi bati gargekoba Qotei aqa anjam dauryoqneb deqa naŋgi kumbra bole ti kumbra uge ti geregere peginjreqnub.

Hibru 5:7

O was qu, Yesus a mandamq endi sosiqa a siŋga pulutoqnsiqa Qotei pailyoqnej. A qalie, Qotei na a oqa kere. Yim a moiqasai. Deqa a siŋgila na Qotei pailyoqnej. A leleŋ ti akam ti pailyoqnej. A aqa segi areqalo uratoqnsiqa Qotei aqa sorgomq di soqnej. Deqa Qotei a aqa pail quetoqnej.

Jems 1:1

E Jems. E Qotei wo Tamo Koba Yesus Kristus wo naŋgo wau tamo. Niŋgi Israel naŋgo moma utru 12-pela naŋgo leŋ deqaji. Niŋgi nuŋgo segi segi qure utru uratosib jaraiosib sawa sawa kalil keretosib di unub. Deqa e na anjam endi neŋgreŋyosim niŋgi qa qariŋyonum. O was niŋgi kaiye.

Jems 1:4

Ariya niŋgi bati gaigai siŋgila na tigeloqnsib gulube qoboiyoqniye. Yimqa nuŋgo kumbra di tulaŋ kobaoqnimqa niŋgi Qotei aqa kumbra bei qa truquqasai. Niŋgi aqa kumbra kalil qa tulaŋ kere na sqab.

Jems 5:16

Deqa was qu, niŋgi nuŋgo segi segi une palontosib Kristen was qu naŋgi minjroqniye. Osib niŋgi segi segi qa pailyoqniye. Yim Qotei a na niŋgi boletŋgwas. Tamo naŋgi kumbra tiŋtiŋ yeqnub qaji naŋgo pail siŋgila koba. Deqa naŋgi pailyeqnab Qotei a quoqnsiqa naŋgi aqaryainjreqnu.

2 Pita 1:1

E Saimon Pita. E Yesus Kristus aqa wau tamo. A na e qariŋbej deqa e aqa anjam marsim laqnum. Kristus a gago Qotei. A na iga padalo sawaq dena eleŋej. Niŋgi ti iga ti gago areqalo qujai. Agi iga kalil Yesus qa gago areqalo siŋgilateqnum. Yesus Kristus a kumbra tiŋtiŋ yeqnu qaji tamo. Aqa kumbra dena niŋgi a qa nuŋgo areqalo siŋgilateqnub. Agi iga a qa gago areqalo siŋgilateqnum dego kere.

Jut 1:24

O was qu, Qotei a na niŋgi taqatŋgoqneme. Yim niŋgi uloŋqasai. Mondoŋ a na niŋgi joqsim laŋ qureq osi oqimqa niŋgi aqa riaŋ unsib une saiqoji sosib tulaŋ areboleboleiŋgim sqab.