Kolosi 4:1 - Yesus Aqa Anjam Bole

¹ O wau qa gate, niŋgi dego nuŋgo kaŋgal tamo naŋgi kumbra bole enjroqniye. Niŋgi qalie, nuŋgo Gate dego unu. Agi a laŋ goge di unu.

Kolosi 4:1 ပူးပေါင်းရင်းမြစ်များ

Matyu 20:4

‘Niŋgi dego gilsib ijo wauq di wauoiye. Wauab kere dego awai eŋgwai.’

Luk 19:15

Degsi minjrnab qusibqa naŋgo anjam uratosib tamo di mandor koba ateb. Onaqa bunuqna tamo di a olo puluosiq aqa segi qureq aisiqa wau tamo 10-pela naŋgi wau qa silali enjrej qaji naŋgi metnjrej. Metnjrnaqa naŋgi aqa areq bonabqa a na minjrej, ‘E nami silali eŋgem qaji dena waueb olo silali di osorbiye.’

Jems 2:13

Tamo bei a tamo naŋgi qa dulqasai di mondoŋ tamo peginjro batiamqa Qotei a kamba tamo deqa dulqasai. Ariya tamo bei a tamo naŋgi qa dulqas di mondoŋ tamo peginjro batiamqa Qotei a tamo deqa kamba dulosim aqa une kobotetqas.

Jems 5:4

Niŋgi quiye. Nuŋgo wau tamo naŋgi nuŋgo wau miligiq dena iŋgi meli gentosib nuŋgo baŋq di ateqnab niŋgi na kamba olo naŋgi gisaŋnjroqnsib awai oto nuŋgo segi qa getentoqnsib oto segi naŋgi enjreqnub. Deqa naŋgi endegsib Qotei pailyeqnub, “O Tamo Koba Qotei, naŋgi iga kumbra uge degsib egeqnub deqa ni na kamba naŋgi awai uge enjrime.” Yeqnaqa Qotei siŋgila koba ti unu qaji a naŋgo pail di queqnu.

Uli Anjam 17:14

Osib Kaja Du qa ŋiriŋosib qoto itqab. Amqa Kaja Du a qoto siŋgilaosimqa naŋgi ñumqas. Kaja Du a tamo kokba kalil naŋgo Tamo Koba. A mandor kokba kalil naŋgo Mandor Koba. Tamo kalil a ombla unub qaji naŋgi a ti qoto siŋgilaqab. Naŋgi di Kaja Du na metnjrsiq aqa segi tamo uŋgasari sqajqa giltnjrej qaji. Deqa naŋgi aqa anjam bole dauryeqnub.”

Uli Anjam 19:16

Kristus aqa gara olekobaqsi aqa qaloqsi ñam endegsib neŋgreŋyeb unu, “Mandor kokba kalil naŋgo Mandor Koba. Tamo kokba kalil naŋgo Tamo Koba.”