Kolosi 3:8 - Yesus Aqa Anjam Bole

⁸ Ariya bini niŋgi kumbra uge kalil di uratekritiye. Ŋiriŋ ti minjiŋ ti are uge ti yomu anjam ti anjam jiga ti di kalil uratekritiye.

Kolosi 3:8 ပူးပေါင်းရင်းမြစ်များ

Matyu 5:22

Ariya e na dal anjam di buŋyosiy niŋgi endegsi merŋgwai. Tamo bei na aqa was laŋa ŋiriŋtqas di a une ti sqas. Tamo bei na aqa was laŋa misiliŋyqas di a une kobaquja yqas. Deqa a ojsib Juda gate kokba naŋgo ulatamuq di tigeltosib aqa une ubtetqab di kere. Ariya tamo bei na aqa was laŋa minjqas, ‘Ni tulaŋ nanari, areqalo saiqoji,’ degyqas aqa une deqa Qotei na a osim ŋamyuoq waiyqas.

Mak 7:22

was aqa ŋauŋ anjamyoqa, was bei aqa ñoro qa maulyoqa, kumbra uge uge yoqa, gisaŋoqa, laŋa laŋa laoqa, was bei qa ugeoqa, was yomuiyoqa, naŋgo segi ñam soqtoqa, nanari kumbra yoqa.

Rom 13:13

Tamo a qanam walweleqnu dego kere iga kumbra bole tiŋtiŋ na walweloqnqom. Deqa iga diqoqnsim alaŋkobaoqnsim ya uge uyoqnsim nanarioqnqasai. Iga sambala kumbra dego yoqnqajqa are pruggoqnim kumbra uge jigat yoqnqasai. Iga laŋa laŋa ŋiriŋoqnsim tamo qudei naŋgi qa are ugegoqnqasai.

1 Korin 3:3

Di kiyaqa? Niŋgi nuŋgo areqalo namij dauryeqnub deqa. Agi niŋgi nuŋgo was naŋgi qa are ugeiŋgeqnaqa ombla anjam na qotoqnsib laqnub. Nuŋgo kumbra di jejamu qa kumbra uge. Di mandam qaji tamo naŋgo kumbra.

2 Korin 12:20

Di kiyaqa? E niŋgi qa ulaeqnum. E niŋgi qa bosiy nuŋgo kumbra unsiy e niŋgi qa areboleboleibqas kio sai kio? Niŋgi dego ijo kumbra unsib niŋgi e qa areboleboleiŋgwas kio sai kio? E deqa ulaeqnum. E niŋgi qa bosiy nuŋgo kumbra endegsi unqai kio? Niŋgi anjam na qoteqnub. Niŋgi nuŋgo was naŋgi qa are ugeiŋgeqnu. Niŋgi minjiŋ oqeqnu. Niŋgi pupoeqnub. Niŋgi nuŋgo was qudei naŋgi misiliŋnjreqnub. Niŋgi yomueqnub. Niŋgi diqeqnub. Niŋgi Qotei aqa wau ugeugeiyeqnub. E degsi unqai kio?

Galesia 5:15

Ariya niŋgi segi segi ŋiriŋoqnsib qotoqnaib. Qotoqnqab di niŋgi koba na uneq aisib padalqab.

Galesia 5:20

gisaŋ qotei qa louoqa, gumaniŋoqa, was bei jeutoqa, ŋiriŋoqa, was bei aqa iŋgi iŋgi qa maulyoqa, minjiŋ oqoqa, are ugeoqa, ino segi jejamu qa are qalsim anjam na qotoqa, was naŋgi potoaiyeltnjroqa,

Galesia 5:26

Iga gago segi ñam laŋa soqtqasai. Iga Kristen tamo qudei naŋgo are ugetetnjroqnsim qotoqnqasai. Iga gago was iŋgi koba ti unub qaji naŋgi qa are ugeigwasai dego.

Efesus 4:22

Nami niŋgi dego so namijq di sosib walweloqneb. So namij dena niŋgi gisa gisaŋgeqnaqa niŋgi kumbra uge uge yqajqa are prugŋgoqnej. Nuŋgo kumbra dena niŋgi padalqa gamq di soqneb. Ariya bini niŋgi so namij di torei uratosib

Efesus 4:25

Deqa niŋgi gisaŋ kumbra kalil uratekritosib anjam bole segi Kristen tamo uŋgasari naŋgi minjroqniye. Niŋgi kalil Kristus aqa jejamu qujai deqa niŋgi kumbra degyoqniye.

Efesus 4:26

Niŋgi minjiŋ oqimqa ariya niŋgi geregere ŋam atiye. Niŋgi olo une ato uge. Niŋgi urur minjiŋ kobotiye. Niŋgi minjiŋ ti soqnib seŋ aiaiq.

Efesus 4:29

Niŋgi nuŋgo medabu waqtoqnsib anjam uge uge maroqnaib. Niŋgi anjam bole segi maroqnsib dena tamo naŋgi gulube ti unub qaji naŋgi olo siŋgilatnjroqniye. Yoqnim naŋgi nuŋgo anjam di quoqnib dena Qotei a naŋgi qa are tulaŋ boleiyoqnsim kumbra bole bole enjroqnqas.

Efesus 5:4

Anjam jiga ti nanari anjam ti alaŋ anjam ti di dego niŋgi maroqnaib. Iga anjam deqaji maroqnqasai. Niŋgi anjam bei marqa oqnsib Qotei biŋiyoqniye.

Kolosi 3:5

Deqa niŋgi mandam qaji kumbra kalil nuŋgo are miligiq di unu qaji di moiotiye. Mandam qaji kumbra agi ubtsiy merŋgwai. Sambala kumbra ti kumbra jiga ti kumbra uge uge yqajqa are prugŋgoqa, mandam qa iŋgi iŋgi qa maulŋgoqa. Tamo naŋgi mandam qa iŋgi iŋgi qa mamaulnjreqnu qaji naŋgi gisaŋ qotei naŋgi qa louobuleqnub.

Kolosi 3:9

Niŋgi nuŋgo areqalo namij aqa kumbra uge kalil urateb deqa niŋgi olo nuŋgo Kristen was naŋgi gisaŋ anjam minjroqnaib.

1 Timoti 1:13

Bole, nami e Yesus aqa ñam misiliŋyoqnsim a jeutoqnsim a qa anjam uge maroqnem. Ariya e qalie, e nanari tamo sosim a qa ijo areqalo siŋgilatosaioqnem deqa e kumbra di yoqnem. Deqa bati di a e qa olo dulej.

1 Timoti 1:20

Agi Himeneus wo Aleksander wo naŋgi aiyel kumbra uge degsib yeqnub. Deqa e na naŋgi aiyel Satan aqa baŋq di atem. Yim dena naŋgi endegsib qalieqab, “Bole, iga olo Qotei misiliŋyqasai.”

Hibru 12:1

Tamo nami soqneb qaji naŋgi di Qotei qa naŋgo areqalo siŋgilatoqneb. Naŋgi laŋbi bul iga agutgesonab iga naŋgo kumbra di uneqnum. Qotei na iga giltgej deqa iga siŋgila na gurguroqnqom. Gurguroqnimqa iŋgi iŋgi qudei na iga Qotei aqa kumbra dauryqa gam getentetgwa laqnimqa iga iŋgi iŋgi di olo gotraŋyoqnqom. Une kalil gagoq di beterqajqa laqnu qaji di dego iga gotraŋyoqnsim Qotei aqa kumbra dauryqajqa siŋgilaoqnqom.

Jems 2:7

Qotei na aqa Ŋiri Kristus aqa ñam boledamu nuŋgoq di atej unu. Ariya tamo yai naŋgi na ñam di olo misiliŋyeqnub? Silali tamo naŋgi segi na degyeqnub.

1 Pita 2:1

Niŋgi ŋambile bunuj eb deqa niŋgi kumbra uge kalil uratiye. Gisaŋ anjam ti maqu kumbra ti are uge ti yomu anjam ti kalil di niŋgi torei uratekritiye.

2 Pita 2:18

Tamo naŋgi di naŋgo segi medabu waqtoqnsib diqoqnsib anjam uge uge mareqnub. Naŋgi na tamo qudei naŋgi walawalainjreqnab naŋgi sambala kumbra yoqnsib naŋgo segi jejamu aqa kumbra uge uge dauryeqnub. Tamo naŋgi di ya ya endi are bulyosib tamo uge naŋgo kumbra urateb. Ariya tamo uge naŋgi na olo naŋgi titnjreqnab naŋgi kumbra uge uge dauryeqnub.

2 Pita 2:7

Ariya Lot a kumbra tiŋtiŋ dauryo qaji tamo. Deqa a Sodom qureq di sosiqa tamo uge uge naŋgi kumbra ugeteqnabqa di unoqnsiqa are gulubekobaiyoqnej. Deqa Qotei na Lot olo osiqa sawa boleq di atnaqa a padalosai.

Jut 1:13

Jagwa na yuwal tigelteqnaqa yuwal korkorteqnaqa mormaŋ aieqnu dego kere tamo naŋgi di kumbra uge uge babteleŋoqnsib naŋgi naŋgo kumbra uge deqa jemainjrosaieqnu. Naŋgi bongar bul laŋ goge dia naŋgo gam grotoqnsib laŋa laŋa laqnub dego kere. Deqa mondoŋ Qotei na tamo naŋgi di breinjrim sawa ambruq aieleŋosib bati gaigai dia sqab. Sawa ambru di Qotei na nami naŋgi gereiyetnjrej unu.

Jut 1:8

Ariya jeu tamo naŋgi di kumbra endeqaji yeqnub. Naŋgi ŋeiobilqeioqnsib dena naŋgo are tigeltetnjreqnaqa naŋgi naŋgo segi jejamu qa arebolebole-injreqnaqa kumbra uge uge yeqnub. Osib Qotei a naŋgo Tamo Koba unu deqa are qalqajqa uratoqnsib olo diqoqnsib Qotei aqa laŋ aŋgro kokba naŋgi misiliŋnjreqnub.

Uli Anjam 16:9

Seŋ aqa ŋamyuo di tulaŋ kaŋkaŋosiq tamo naŋgo jejamu koitetnjrej. Deqa naŋgi Qotei aqa ñam misiliŋyoqneb. Qotei a na gulube di qariŋyej deqa naŋgi aqa ñam misiliŋyoqnsib aqa ñam soqtqa urateb. Uratosib naŋgo are bulyosai.