Kolosi 3:22 - Yesus Aqa Anjam Bole

²² O kaŋgal tamo, niŋgi gaigai nuŋgo wau qa gate naŋgo anjam dauryoqniye. Niŋgi gisaŋosib nuŋgo wau qa gate naŋgo ŋamdamuq di laŋa wau bole yobulaib. Niŋgi Tamo Koba Kristus qa ulaosib deqa gaigai are bole na wau bole yoqniye.

Kolosi 3:22 ပူးပေါင်းရင်းမြစ်များ

Matyu 6:22

Osiqa Yesus a olo anjam endegsi minjrej, “Ino ŋamdamu di ino jejamu qa puloŋ bul. Deqa ino ŋamdamu boleqas ino jejamu kalil suwaŋesqas.

Matyu 8:9

E degsi ni mermonum. Di kiyaqa? E dego tamo kokba qudei naŋgo sorgomq di unum. Ijo qaja tamo naŋgi ijo sorgomq di unub. E bei minjqai, ‘Ni gile.’ Yimqa a gilqas. Bei minjqai, ‘Ni au.’ Yimqa a bqas. Ijo kaŋgal tamo bei minjqai, ‘Wau di ye.’ Degsi minjitqa a ijo anjam dauryqas. Dego kere ni endia sosim anjam segi marimqa ijo kaŋgal tamo a boleqas.”

Luk 6:46

Osiqa Yesus a olo anjam endegsi minjrej, “Kiyaqa niŋgi endegsib merbeqnub, ‘O Tamo Koba, O Tamo Koba’ degsib merboqnsib ijo anjam dauryosaieqnub?

Luk 7:8

E dego tamo kokba qudei naŋgo sorgomq di unum. Ijo qaja tamo naŋgi ijo sorgomq di unub. E bei minjqai, “Ni gile.” Yimqa a gilqas. Bei minjqai, “Ni au.” Yimqa a bqas. Ijo kaŋgal tamo bei minjqai, “Wau di ye.” Degsi minjitqa a ijo anjam dauryqas.’”

Aposel 2:46

Naŋgi bati gaigai naŋgo areqalo qujaitosib sosibqa Juda naŋgo atra tal miligiq dia korooqnsib louoqneb. Naŋgo segi segi talq dia dego korooqnsibqa bem gentosib uyoqneb. Naŋgi kalil arebolebole ti lawo na sosibqa Qotei aqa ñam soqtoqnsib koba na iŋgi uyoqneb. Degyeqnabqa tamo kalil naŋgi Yesus aqa tamo uŋgasari naŋgo kumbra di unoqnsibqa naŋgi qa tulaŋ areboleboleinjroqnej. Bati gaigai tamo uŋgasari qudei naŋgi are bulyeqnab Tamo Koba Qotei na naŋgi eleŋeqnaqa naŋgi boqnsib tamo nami Yesus qa naŋgo areqalo siŋgilateb qaji naŋgo miligiq aioqnsib koba na soqneb.

2 Korin 7:1

O ijo was bole, iŋgi bole kalil di Qotei a nami iga egwa marej. Agi a na bini iga egeqnu. Deqa iga kumbra jigat kalil gago jejamu ti gago are miligi ti di unub qaji di torei uratekritqom. Osim dena iga Qotei aqa ŋamgalaq di une saiqoji sosim a qa ulaoqnsim gago jejamu ti gago are miligi ti torei Qotei yekritosim aqa segi kumbra boleq di sosim dauryoqnqom.

Galesia 1:10

Niŋgi kiersib are qaleqnub? E anjam endi neŋgreŋyonum di mandam tamo naŋgi e qa boleqajqa kio Qotei a e qa boleqajqa kio deqa neŋgreŋyonum e? Mandam tamo naŋgi e qa boleqajqa deqa e waueqnum e? Niŋgi quiye. Mandam tamo naŋgi e qa boleqajqa deqa e waueqnum qamu e Kristus aqa wau tamo bolesai qamu.

Kolosi 3:20

O aŋgro, niŋgi gaigai nuŋgo ai wo abu wo naŋgo anjam dauryoqniye. Niŋgi degyqab di Tamo Koba Yesus a niŋgi qa tulaŋ areboleboleiyqas.

1 Tesalonaika 2:4

Qotei a segi gago are miligi peleiyoqnsiq une bei unosai deqa a na iga wau egsiqa mergej. “Niŋgi ijo anjam bole mare mare laqniye.” Deqa iga endegsi are qalosaioqnem, “Iga Qotei aqa anjam maroqnimqa tamo naŋgi na iga nugoqnsib gago ñam soqtetgoqnqab.” Iga degsi are qalosaioqnem. Gago areqalo agiende. Qotei a segi na gago are miligi peleiyoqnsim gago wau qa areboleboleiyoqnqajqa deqa are qalem.

Filemon 1:16

Onesimus a kaŋgal tamo laŋaj ni degsi are qalaim. Bole, a ino kaŋgal tamo. Ariya bini a ino Kristen was dego. Deqa ni a tulaŋ qalaqalaiyoqne. E a unonum, a ijo Kristen was bole. Deqa e a tulaŋ qalaqalai-yeqnum. Ariya e qalieonum, ni a olo tulaŋ qalaqalaiyoqnqam. Kristus na aqa are bulyetej deqa a ino kaŋgal tamo boledamu sqas. Soqnim ni a unsim marqam, “Bole, a ijo Kristen was bole.” Osim ni a tulaŋ qalaqalaiyoqnqam.