Kolosi 3:16 - Yesus Aqa Anjam Bole

¹⁶ Osib niŋgi Kristus aqa anjam osib nuŋgo are miligiq di siŋgilatib soqnem. Osib niŋgi na nuŋgo Kristen was qu naŋgi areqalo bole ti powo ti osornjroqniye. Yim naŋgi kumbra bole bole yoqnqajqa deqa. Niŋgi nuŋgo are miligiq di Qotei biŋiyoqnsib a qa louoqniye. Lou qudei neŋgreŋq di unu qaji dena ti lou qudei Qotei aqa Mondor na nuŋgo are miligiq di ateqnu qaji dena ti niŋgi Qotei qa louoqniye.

Kolosi 3:16 ပူးပေါင်းရင်းမြစ်များ

Matyu 26:30

Yesus a na aqa aŋgro naŋgi anjam degsi minjrsiqa naŋgi koba na louosib koboonaqa tal uratosib Oliv manaq oqeb.

Luk 2:51

Onaqa Yesus a tigelosiqa aqa ai wo abu wo naŋgi daurnjrsiqa Nasaret qureq gileb. Gilsib dia a naŋgo aiyel anjam geregere dauryoqnsiqa naŋgo sorgomq di soqnej. Onaqa aqa aniqali na aqa kumbra di unsiqa tulaŋ arearetonaqa aqa areqaloq di atnaq soqnej.

Jon 15:7

“Niŋgi e beterbesosib ijo anjam nuŋgoq di soqnimqa niŋgi iŋgi bei qa osib Qotei pailyqab di a na iŋgi di eŋgwas.

Rom 10:17

Ariya was qu, iga qalie, iga Qotei aqa anjam di quoqnsim gago areqaloq di siŋgilateqnum. Anjam iga queqnum qaji di Kristus aqa medabuq na branteqnu.

Rom 15:14

O was qu, ijo are miligiq di e qalieonum, niŋgi kumbra bole gaigai yeqnub. Niŋgi tulaŋ powo koba ti unub deqa niŋgi segi segi na Qotei aqa tamo uŋgasari naŋgi gam bole osornjreqnub.

1 Korin 14:15

Deqa e endegyqai. E ijo mondor ti ijo areqalo ti turtsiy pailyoqnqai. E ijo mondor ti ijo areqalo ti turtsiy louoqnqai dego.

1 Korin 14:26

Deqa was qu, niŋgi Qotei louqa korooqnsibqa niŋgi endegyoqniye. Niŋgi kalil segi segi wau ti deqa niŋgi qudei louoqniye. Niŋgi qudei Qotei aqa anjam plaltoqniye. Niŋgi qudei Qotei aqa uli anjam ubtoqniye. Niŋgi qudei meŋ bulyosib qure utru segi segi naŋgo anjam maroqniye. Niŋgi qudei qure utru segi segi naŋgo anjam aqa damu poiŋgim bulyosib palontoqniye. O was qu, nuŋgo wau segi segi dena niŋgi na Kristen tamo uŋgasari naŋgi siŋgilatnjroqniye.

Efesus 1:17

A gago Tamo Koba Yesus Kristus aqa Qotei. A gago Abu riaŋ koba ti siŋgila ti unu qaji. Deqa e niŋgi qa endegsi pailyeqnum, “O Abu, ni na Efesus naŋgi areqalo bole enjrimqa naŋgi ino anjam aqa utru geregere poinjrim ni qa bole qalieoqnqab.”

Efesus 5:17

Niŋgi nanari kumbra yoqnaib. Niŋgi Tamo Koba Qotei aqa areqalo geregere qalieosib dauryoqniye.

Efesus 5:19

Niŋgi Qotei aqa tamo uŋgasari naŋgi koba na anjam maroqnsib bati deqa niŋgi Qotei qa louoqniye. Lou qudei neŋgreŋq di unu qaji de ti lou qudei Qotei aqa Mondor na nuŋgo are miligiq di tigelteqnu qaji de na ti niŋgi Qotei qa louoqniye. Osib nuŋgo medabu na ti nuŋgo are miligi na ti Tamo Koba Yesus qa louoqniye.

Efesus 5:26

Kristus a ya na ti aqa segi anjam na ti iga yansgej deqa iga aqa ŋamgalaq di tamo bole une saiqoji unum. Kumbra dena iga Kristus aqa segi tamo uŋgasari tiŋtiŋ unum.

Kolosi 1:28

Kristus aqa anjam bole di iga na tamo kalil naŋgi minjreqnum. Iga areqalo bole ti powo ti sosim deqa iga na anjam di siŋgila na minjreqnum. Di kiyaqa? Naŋgi gago anjam di qusib Kristen tamo tulaŋ boledamu brantib iga na naŋgi joqsim Qotei aqa areq di atqajqa deqa.

Kolosi 1:9

Iga nuŋgo kumbra bole deqa qusimqa bati deqa iga niŋgi qa pailyqa osim utru atem. Deqa bini iga gaigai niŋgi qa Qotei pailyoqnsim unum. Iga endegsi pailyeqnum, “O Abu, ni na Kolosi Kristen naŋgi aqaryainjrimqa naŋgi ino areqalo geregere poinjrqas. Yimqa ino Mondor na naŋgi powo enjroqnimqa naŋgi ino anjam kalil geregere qalieosib dauryoqnqab.

Kolosi 4:6

Niŋgi anjam bole segi gaigai maroqniye. Yim nuŋgo anjam dena tamo naŋgo are siŋgilatetnjroqnqas. Tamo naŋgi na niŋgi anjam bei nenemŋgibqa niŋgi kamba anjam bei minjrqa oqnsib geregere are qaloqnsib minjroqniye.

1 Tesalonaika 1:8

Agi niŋgi Tamo Koba Kristus aqa anjam marsib laqnab anjam di gilsiq Masedonia sawa ti Akaia sawa ti dia brantej. Sawa dia segi sai. Sawa sawa kalilq dia dego niŋgi Qotei qa nuŋgo areqalo siŋgilateqnub anjam di tamo uŋgasari naŋgi quekriteb. Deqa uŋgum, iga olo aitentosim naŋgi minjrqasai.

1 Tesalonaika 4:18

Deqa niŋgi na anjam di Qotei aqa tamo uŋgasari naŋgi minjroqnsibqa dena naŋgo are siŋgilatetnjroqniye.

2 Tesalonaika 3:15

Ariya a nuŋgo jeu tamo edegaib. Niŋgi endegsib maroqniye, “Tamo di a gago was. Deqa iga na Qotei aqa anjam minjimqa a are bulyqas.” Niŋgi degsib maroqniye.

1 Timoti 6:17

O Timoti, ni na tamo naŋgi mandam qa silali ti ñoro ti ejunub qaji naŋgi endegsim minjroqne. Niŋgi diqosib nuŋgo segi ñam soqtaib. Nuŋgo ñoro di urur koboqas deqa niŋgi ñoro deqa are siŋgilataib. Niŋgi Qotei qa nuŋgo areqalo siŋgilatosib soqniye. Qotei agi a na iŋgi bole bole kalil iga egeqnaqa iga oqnsim areboleboleigeqnu.

2 Timoti 3:15

Ni qalie, nami ni aŋgro kiñala sosim bati deqa ni Qotei aqa anjam neŋgreŋq di so qaji di qalieosim bosi bosim agi qalieosim unum. Anjam dena ni areqalo bole emej. Deqa bati di ni Kristus Yesus qa ino areqalo siŋgilatonamqa Qotei na ni padalo sawaq dena ej.

Taitus 3:6

Yesus Kristus agi iga eleŋej qaji aqa wau na Qotei na aqa Mondor Bole qariŋyonaqa gago are miligiq aiej.

Jems 1:5

Nuŋgo ambleq di tamo bei a powo qa truquosimqa a Qotei pailyem. Yimqa Qotei na a powo yqas. Niŋgi qalie, Qotei a gaigai tamo kalil naŋgi iŋgi bole bole enjreqnu. Naŋgi pailyeqnab a naŋgi qa olo ŋiriŋosaieqnu.

Jems 3:17

Ariya tamo naŋgi Qotei aqaq dena areqalo bole ti powo ti eqnub qaji naŋgi kumbra tulaŋ boledamu yeqnub. Naŋgi kumbra jigat dauryosaieqnub. Naŋgi lawo na sosib tamo naŋgi jiŋga na gereinjroqnsib naŋgi qa duloqnsib kumbra bole bole enjreqnub. Naŋgi na tamo kalil naŋgi turtnjroqnsib kumbra qujai enjreqnub. Naŋgi gisaŋoqnsib laŋa babaŋ na kumbra bole dauryosaieqnub. Naŋgi bole dauryeqnub.

Jems 5:13

Nuŋgo ambleq di tamo qudei naŋgi gulube qoboiyeqnub kio? Degamqa niŋgi na minjribqa naŋgi naŋgo gulube deqa Qotei pailyoqnebe. Nuŋgo ambleq di tamo qudei naŋgi arebole-boleinjreqnu kio? Degamqa niŋgi na minjribqa naŋgi Qotei qa louoqnsib aqa ñam soqtoqnebe.

1 Jon 2:14

O ijo aŋgro, niŋgi Abu Qotei qa bole qalieonub. E deqa anjam endi neŋgreŋyosim niŋgi qa qariŋyonum. O abu niŋgi quiye. Tamo nami soqnej agi bini unu qaji a qa niŋgi bole qalieonub. E deqa anjam endi neŋgreŋyosim niŋgi qa qariŋyonum. O aŋgro wala niŋgi quiye. Qotei aqa anjam nuŋgoq di unu deqa niŋgi siŋgila ti sosib Satan gotraŋyoqnsib siŋgila na tigelejunub. E deqa anjam endi neŋgreŋyosim niŋgi qa qariŋyonum.

1 Jon 2:24

Anjam niŋgi nami quoqneb qaji di niŋgi olo siŋgila na ojesoqniye. Ojesqab di Abu wo aqa Ŋiri wo naŋgi niŋgi ti gaigai sqab.

1 Jon 2:27

Ariya niŋgi Kristus aqa Mondor Bole eb agi nuŋgoq di unu. Deqa niŋgi powo bei qa truquosaieqnub. Deqa e anjam bei totoryosiy niŋgi merŋgwasai. Qotei aqa Mondor a segi na anjam kalil niŋgi merŋgeqnaqa qusib poiŋgeqnu. Qotei aqa Mondor aqa anjam di gisaŋ sai. Di anjam bole. Deqa niŋgi Mondor aqa anjam di qusib poiŋgim Kristus beteryosib soqniye.

2 Jon 1:2

Anjam bole di gagoq di unu. Anjam di bati gaigai gagoq di sqas. Deqa iga niŋgi tulaŋ qalaqalaiŋgeqnum.

Uli Anjam 14:3

Tamo uŋgasari naŋgi di Qotei aqa awo jaram koba namoq di tigelesosibqa wagme qolqe ŋambile so qaji naŋgi ti gate kokba naŋgi ti naŋgo ŋamgalaq dia lou bunuj na louoqneb. Tamo 144,000 Qotei na nami mandamq dena awaiyeleŋej qaji naŋgi segi lou di qalieqa kere. Tamo qudei naŋgi lou di qalieqa keresai.

Uli Anjam 15:3

Osib Qotei aqa wau tamo Moses aqa lou ti Kaja Du aqa lou na ti endegsib louoqneb, “O Tamo Koba Qotei, siŋgila kalil inoq di unu. Wau kalil ni yeqnum qaji di siŋgila koba. Iga ino wau di unoqnsim deqa tulaŋ prugugeteqnum. Tamo uŋgasari sawa sawa kalilq di unub qaji naŋgo Mandor Koba agi ni segi. Kumbra kalil ni yeqnum qaji di tulaŋ boledamu.

Uli Anjam 19:10

Laŋ aŋgro na e degsi merbonaqa e aqa areq di siŋga pulutosim a biŋiyqa laqnamqa a na merbej, “Ni e biŋibaim! E ni bul. E ni ti tamo kalil Yesus aqa anjam qa naŋgo areqalo siŋgilateqnub qaji naŋgi ti iga koba na wau qujai. Iga kalil was. Deqa ni Qotei segi biŋi-yoqnime. Iga qalie, Qotei aqa Mondor a na qujai Qotei aqa medabu o qaji tamo naŋgi qariŋnjreqnaqa naŋgi Qotei aqa anjam marsib laqnub. Deqa naŋgi Yesus aqa ñam dego marsib laqnub.”

Uli Anjam 5:9

Wagme qolqe naŋgi ti gate kokba naŋgi ti bosib Kaja Du aqa areq di siŋga pulutosibqa lou bunuj na endegsib louoqneb, “O Kaja Du, ni buk di osimqa kandel aqa namur buk qandratejunu qaji di waqtqa kere. Di kiyaqa? Ni lumnab moisim ino leŋ aiej dena ni na ino segi tamo uŋgasari naŋgi awainjrsimqa Qotei aqa baŋq di ateleŋem unub. Od, tamo uŋgasari leŋ segi segi qaji, anjam maro segi segi qaji, jejamu segi segi qaji, sawa segi segi qaji naŋgi ni na awainjrsimqa Qotei aqa baŋq di ateleŋem unub.