Kolosi 2:23 - Yesus Aqa Anjam Bole

²³ Bole, iga endegsi unobuleqnum. Dal anjam kalil dena gago are tigeltetgeqnu deqa iga Qotei qa bole louoqnsim gago segi are miligi tentoqnsim gago jejamu qaloqnsim siŋgilateqnum. Deqa tamo qudei naŋgi are qaleqnub, dal anjam kalil di areqalo bole ti powo ti babteqnu. Ariya degsi sosai. Niŋgi quiye. Dal anjam dena iga aqaryaigwa keresai. Iga dal anjam di dauryqom dena iga gago areqalo namij aqa kumbra uratqa keresai bolesai.

Kolosi 2:23 ပူးပေါင်းရင်းမြစ်များ

Rom 13:14

Niŋgi Tamo Koba Yesus Kristus beteryosib a gara bul jigsib soqniye. Sosib deqa niŋgi nuŋgo jejamu qa areqalo uge uge di dauryqajqa are qaloqnqasai.

Efesus 5:29

Iga qalie, tamo naŋgi naŋgo segi jejamu jeutosaieqnub. Naŋgi naŋgo jejamu iŋgi bole anaiyoqnsib geregereiyeqnub. Kristus a na aqa segi tamo uŋgasari naŋgi geregereinjreqnu dego kere.

Kolosi 2:18

Tamo qudei naŋgi na niŋgi endegsib merŋgwab, “Niŋgi nuŋgo segi ñam tentoqnsib olo laŋ aŋgro naŋgi qa louoqniye. Iga ŋeiobilqei na kumbra di unsim deqa niŋgi degsi merŋgonum.” O was qu, niŋgi tamo di naŋgo anjam quetnjraib. Tamo deqaji naŋgi naŋgo areqalo namij dauryoqnsib endegsib mareqnub, “Iga powo bole ti unum.”

Kolosi 2:22

Dal anjam di jejamu qa iŋgi iŋgi qa anjam. Iga jejamu qa iŋgi iŋgi qa are qalsim wauqom di keresai. Iŋgi iŋgi di urur koboqab. Dal anjam di mandam tamo naŋgi na babtoqnsib iga dauryqa mergeqnub.

Kolosi 2:8

O was qu, niŋgi geregere ŋam atsib soqniye. Tamo qudei naŋgi bosib naŋgo segi powo na ti gisaŋ anjam na ti nuŋgo areqalo bulyetŋgosib niŋgi naŋgo anjam dauryqajqa walawala-iŋgoqnqab. Deqa niŋgi naŋgo anjam di dauryaib. Tamo naŋgi di naŋgo moma naŋgi ti mondor uge uge laŋ ti mandam ti taqatejunub qaji naŋgi ti naŋgo anjam dauryeqnub. Naŋgi Kristus aqa areqalo dauryosaieqnub.

1 Timoti 4:3

Tamo naŋgi di anjam uge endegsib tamo uŋgasari naŋgi minjroqnqab, “Niŋgi uŋataib. Niŋgi tamotaib. Niŋgi damu uyaib. Di getento kalil.” O Timoti, anjam di gisaŋ. Qotei a na iŋgi iŋgi kalil ateleŋej. Deqa iga a qa gago areqalo siŋgilateqnum qaji iga iŋgi iŋgi kalil di oqa marsim Qotei biŋiyosim oqom. Iga Qotei aqa anjam bole qalieonum deqa iga iŋgi di oqom.

1 Timoti 4:8

Ni qalie, iga gago jejamu siŋgilatqa osim gaigai qaloqnsim siŋgilatoqnqom kumbra dena iga kiñala aqaryaigwas. Di kiyaqa? Gago jejamu di laŋa mandam qaji jejamu. Ariya iga Qotei aqa kumbra qa are qalsim siŋgilatoqnsim dauryoqnqom kumbra dena iga bole aqaryaigimqa iga mandamq endia so bole sosim mondoŋ dego iga ŋambile gaigai sqom.