Kolosi 2:22 - Yesus Aqa Anjam Bole

²² Dal anjam di jejamu qa iŋgi iŋgi qa anjam. Iga jejamu qa iŋgi iŋgi qa are qalsim wauqom di keresai. Iŋgi iŋgi di urur koboqab. Dal anjam di mandam tamo naŋgi na babtoqnsib iga dauryqa mergeqnub.

Kolosi 2:22 ပူးပေါင်းရင်းမြစ်များ

Jon 6:27

Jejamu qa iŋgi a koboqas. Niŋgi iŋgi deqa wauaib. Iŋgi gaigai sqas qaji deqa niŋgi wauoiye. Iŋgi dena niŋgi ŋambile gaigai sqab. Ŋambile gaigai sqajqa iŋgi di e Tamo Aŋgro na niŋgi anaiŋgwai. Ijo Abu Qotei na e giltbej deqa e na iŋgi di anaiŋgwai.”

1 Korin 6:13

Tamo qudei naŋgi mareqnub, “Uyo iŋgi aqa wau agi aisim meneq di sqajqa. Mene aqa wau agi iŋgi uyqajqa.” Di naŋgi bole mareqnub. Ariya mondoŋ Qotei na uyo iŋgi ti mene ti di kalil torei kobotqas. Ariya gago jejamu di sambala kumbra yqajqa sai. Gago jejamu di Tamo Koba Yesus aqa. A segi na taqateqnu.

Kolosi 2:21

Naŋgo dal anjam agiende, “Ni iŋgi di ojaim. Ni iŋgi di uyaim. Iŋgi di ino jejamuq di betermaiq.” O was qu, niŋgi kiyaqa dal anjam di olo dauryeqnub?

Taitus 1:14

Deqa ni na naŋgi minjrimqa naŋgi Juda naŋgo sa anjam ti tamo naŋgi Qotei aqa anjam bole gotraŋyeqnub qaji naŋgo dal anjam ti di quqwa uratqab.

2 Pita 2:12

Tamo uge deqaji naŋgi wagme bul tulaŋ nanariosib laqnub. Naŋgi naŋgo segi jejamu aqa areqalo dauryeqnub. Naŋgi wagme juwaŋ bul. Anjam naŋgi poinjrosai qaji di naŋgi olo misiliŋyeqnub. Iga na wagme juwaŋ naŋgi ojeleŋoqnsim ñumeqnum dego kere mondoŋ Qotei na tamo uge naŋgi di ñumougetqas.

Uli Anjam 17:18

Uŋa ni unonum qaji di aqa utru e na ubtit ni quqwam. Uŋa di a qure kobaquja. A mandor kokba kalil mandamq di unub qaji naŋgo mandor koba sosiqa naŋgi taqatnjreqnu.”