Kolosi 2:21 - Yesus Aqa Anjam Bole

²¹ Naŋgo dal anjam agiende, “Ni iŋgi di ojaim. Ni iŋgi di uyaim. Iŋgi di ino jejamuq di betermaiq.” O was qu, niŋgi kiyaqa dal anjam di olo dauryeqnub?

Kolosi 2:21 ပူးပေါင်းရင်းမြစ်များ

2 Korin 6:17

Tamo Koba Qotei a nami degsi marsiqa olo anjam bei dego endegsi marej, “‘Niŋgi na tamo uŋgasari e qa qaliesai qaji naŋgi uratnjrsib sasaloiye. Niŋgi kumbra jigat bei ojaib. Yim deqa e niŋgi eleŋosiy geregereiŋgoqnqai.

Kolosi 2:20

Niŋgi Kristus koba na moreŋeb deqa niŋgi mondor uge uge laŋ ti mandam ti taqatejunub qaji naŋgo sorgomq di sosai. Deqa kiyaqa niŋgi olo mandam tamo naŋgo kumbra dauryeqnub? Kiyaqa niŋgi naŋgo dal anjam dego dauryeqnub?

Kolosi 2:22

Dal anjam di jejamu qa iŋgi iŋgi qa anjam. Iga jejamu qa iŋgi iŋgi qa are qalsim wauqom di keresai. Iŋgi iŋgi di urur koboqab. Dal anjam di mandam tamo naŋgi na babtoqnsib iga dauryqa mergeqnub.

1 Timoti 4:3

Tamo naŋgi di anjam uge endegsib tamo uŋgasari naŋgi minjroqnqab, “Niŋgi uŋataib. Niŋgi tamotaib. Niŋgi damu uyaib. Di getento kalil.” O Timoti, anjam di gisaŋ. Qotei a na iŋgi iŋgi kalil ateleŋej. Deqa iga a qa gago areqalo siŋgilateqnum qaji iga iŋgi iŋgi kalil di oqa marsim Qotei biŋiyosim oqom. Iga Qotei aqa anjam bole qalieonum deqa iga iŋgi di oqom.