Kolosi 2:11 - Yesus Aqa Anjam Bole

¹¹ Niŋgi Kristus taqyejunub deqa niŋgi muluŋ bole ejunub. Di jejamu qaji muluŋ sai. Niŋgi Kristus aqa kumbra na nuŋgo areqalo namij aqa kumbra kalil di urateb. Di muluŋ bole agide.

Kolosi 2:11 ပူးပေါင်းရင်းမြစ်များ

Mak 14:58

“Yesus a endegsi marnaq iga quem, ‘E atra tal kobaquja endi tamo na gereiyo qaji di koŋgrontosiyqa bati qalub qa olo atra tal bei tamo na gereiyosai qaji di tigeltqai.’”

Luk 2:21

Ariya Yesus a ŋambabosiq sonaqa bati 8-pela kereonaqa a muluŋ waiyeb. Osib aqa ñam Yesus waiyeb. Ñam di agi nami laŋ aŋgro na Maria gumaŋosaisonaq minjej qaji.

Aposel 17:24

“Qotei di a laŋ ti mandam ti iŋgi iŋgi kalil dego gereiyeleŋej. A segi qujai laŋ qa ti mandam qa ti Tamo Koba. Deqa atra tal tamo na gereiyo qaji a dia sqasai.

Aposel 7:48

“O was niŋgi quiye. Tamo Koba Qotei a laŋ goge di unu. Deqa tal tamo na gereiyo qaji a dia sqasai. Agi Qotei aqa medabu o qaji tamo bei a nami anjam endegsi marej,

Rom 2:29

Tamo a are bulyosim aqa are miligiq na Juda tamo sqas di a Juda tamo bole. A are miligiq na muluŋ aiqas di aqa muluŋ bole. A na aqa jejamu laŋa osim dal anjam dauryqas di keresai. Ariya Qotei aqa Mondor na siŋgila yimqa dena aqa are miligiq na muluŋ aiqas di a muluŋ bole aiqo. Deqa a Qotei aqa ŋamgalaq di ñam bole ti sqas. A mandam tamo naŋgo ŋamgalaq di ñam bole ti sqasai.

Rom 6:6

Iga qalie, gago areqalo namij a Kristus ombla ŋamburbasq di moiej. Yim une aqa siŋgila gago jejamuq di waueqnu qaji di koboqajqa deqa. Deqa bini iga olo une aqa sorgomq di sqasai.

Rom 7:24

Gulube dena ijo areqalo tulaŋ ugetetbeqnu! Deqa tamo yai na e aqaryaibimqa e ijo jejamu moiqas qaji endi olo uratqai?

2 Korin 5:1

Iga qalieonum, gago mandam qaji jejamu endi torei ugeqas. Gago jejamu endi gago tal bul. Ariya mondoŋ Qotei na olo tal bei iga egwas. Tal di tamo bei na gereiyosai. Tal di a laŋ qureq di unu. A bati gaigai sqas.

2 Korin 5:17

Deqa tamo bei a Kristus beteryesqas di Qotei na aqa are bulyetimqa a tamo bunuj brantqas. Niŋgi quiye. Aqa kumbra namij torei koboqo. Kumbra bunuj olo brantqo.

Galesia 2:20

Osim e olo ŋambile bunuj em. Ariya ŋambile di ijo segi ŋambile sai. Kristus a segi ijo are miligiq di ŋambile unu. Deqa bini kumbra kalil e mandamq endi yeqnum qaji di e Qotei aqa Ŋiri qa ijo areqalo siŋgilatosim yeqnum. Agi Qotei aqa Ŋiri a na e tulaŋ qalaqalaibosiq deqa a aqa segi ŋambile uratosiq e qa moiej.

Galesia 5:24

Tamo kalil Kristus Yesus beteryejunub qaji naŋgi na naŋgo areqalo namij ti naŋgo are prugnjrqajqa kumbra ti kalil ŋamburbasq di qamnab moiej.

Efesus 4:22

Nami niŋgi dego so namijq di sosib walweloqneb. So namij dena niŋgi gisa gisaŋgeqnaqa niŋgi kumbra uge uge yqajqa are prugŋgoqnej. Nuŋgo kumbra dena niŋgi padalqa gamq di soqneb. Ariya bini niŋgi so namij di torei uratosib

Filipai 3:3

Ariya iga Israel tamo tiŋtiŋo unum. Agi iga Qotei aqa aŋgro unum. Iga muluŋ bole aio qaji. Deqa iga Qotei aqa Mondor aqa siŋgila na Qotei qa louoqnsim Kristus Yesus aqa ñam soqteqnum. Iga qalie, tamo naŋgo jejamu na kumbra dauryqab kumbra dena naŋgi aqaryainjrqa keresai bolesai.

Kolosi 3:5

Deqa niŋgi mandam qaji kumbra kalil nuŋgo are miligiq di unu qaji di moiotiye. Mandam qaji kumbra agi ubtsiy merŋgwai. Sambala kumbra ti kumbra jiga ti kumbra uge uge yqajqa are prugŋgoqa, mandam qa iŋgi iŋgi qa maulŋgoqa. Tamo naŋgi mandam qa iŋgi iŋgi qa mamaulnjreqnu qaji naŋgi gisaŋ qotei naŋgi qa louobuleqnub.

Hibru 9:11

Ariya bini Kristus a brantosiqa a gago atra tamo kobaquja sosiqa iŋgi bole bole Qotei na iga egej qaji di osi bosiqa laŋ qaji atra tal miligiq gilej. Atra tal di tulaŋ bolequja. Atra tal dena mandam qaji atra tal di tulaŋ buŋyejunu. Mandam tamo naŋgi na atra tal di gereiyosai.

Hibru 9:24

Iga qalie, Kristus a mandam qaji atra tal tamo naŋgi na gereiyeb qaji di miligiq gilosai. Mandam qaji atra tal di Qotei aqa atra tal bole laŋa sigitejunu. Kristus a laŋ qureq oqej. Deqa bini a Qotei aqa areq di sosiqa iga qa waueqnu.