Kolosi 2:10 - Yesus Aqa Anjam Bole

¹⁰ Iŋgi iŋgi kalil siŋgila ti unub qaji naŋgo gate koba agi Kristus a segi. Niŋgi Kristus aqa segi tamo uŋgasari unub deqa Qotei na niŋgi ŋambile eŋgej. Ŋambile di nuŋgoq di tulaŋ keretsiq maqejunu.

Kolosi 2:10 ပူးပေါင်းရင်းမြစ်များ

Matyu 28:18

Ariya Yesus a naŋgo areq gilsiqa minjrej, “E na mandam ti laŋ ti taqatqajqa deqa ijo Abu na siŋgila kalil ijo baŋq di atqo.

Jon 1:16

A iga kalil qa are tulaŋ boleiyoqnsiqa iga geregereigeqnu.

1 Korin 15:24

Bati deqa iŋgi iŋgi kalil koboqas. Mandor kokba ti mondor uge uge ti gate kokba ti naŋgo siŋgila ti kalil di Kristus na kobotetnjrqas. Osim a na iŋgi iŋgi kalil olo eleŋosim aqa Abu Qotei aqa baŋq di uratqas. Yim Qotei a segi Mandor Koba tigelosim iŋgi iŋgi kalil taqatesqas.

Efesus 3:10

Nami a na aqa areqalo di ulitesoqnej. Ariya bini aqa segi tamo uŋgasari naŋgi are qujaitosib unub kumbra dena a na aqa segi areqalo bole ti aqa powo ti boleq atej. Yim laŋ aŋgro siŋgila kokba ti mondor laŋ goge di unub qaji naŋgi ti Qotei aqa areqalo di unsib qalieqajqa deqa.

Kolosi 2:15

Kumbra dena a na mondor uge uge naŋgi ti naŋgo gate kokba ti kalil naŋgo siŋgila kobotej. Osiqa qoto siŋgilaosiqa naŋgi tulaŋ buŋnjrej. Kristus a ŋamburbasq di moiej wau dena qujai Qotei na kumbra di tamo kalil naŋgi osornjrej.

Kolosi 3:11

Iga so bunujq di unum deqa iga kalil kerekere unum. Deqa iga gago was naŋgi endegsi minjroqnqasai, “Ni Grik qaji” o “Ni Juda qaji” o “Ni muluŋ aio qaji” o “Ni muluŋ aiosai qaji” o “Ni yauŋ tamo” o “Ni yambaŋ tamo” o “Ni kaŋgal tamo” o “Ni tamo laŋaj”. Iga gago was naŋgi degsi minjroqnqasai. Di kiyaqa? Kristus a segi qujai unu. A gago kalil qa Tamo Koba.

Hibru 5:9

Qalieosiq deqa a Qotei aqa anjam torei dauryekritej. Deqa Qotei na a giltosiq minjej, “Ni atra tamo kobaquja unum. Agi Melkisedek a nami atra tamo kobaquja soqnej dego kere.” Qotei na Yesus degsi minjej deqa Yesus na tamo kalil Qotei aqa anjam dauryeqnub qaji naŋgi oqas. Naŋgi oqajqa utru agi Yesus qujai. Deqa naŋgi ŋambile gaigai sqab.

1 Pita 3:22

Onaqa Kristus a laŋ qureq oqej deqa bini a Qotei aqa baŋ woq di awejunu. Deqa laŋ aŋgro naŋgi ti laŋ qaji mondor kokba ti laŋ qaji siŋgila ti kalil naŋgi Kristus aqa sorgomq di unub.