Kolosi 2:1 - Yesus Aqa Anjam Bole

¹ O was qu, niŋgi endegsib qalieoiye. E niŋgi qa ti Kristen tamo uŋgasari Laodisia qureq di unub qaji naŋgi qa ti tamo uŋgasari kalil ijo ulatamu unosaieqnub qaji naŋgi qa ti wau koba yeqnum.

Kolosi 2:1 ပူးပေါင်းရင်းမြစ်များ

Aposel 20:25

“Deqa niŋgi quiye. E nami nuŋgo ambleq di sosimqa anjam endegsi plaltosim merŋgoqnem, ‘Qotei a nuŋgo Mandor Koba sosiq niŋgi taqatŋgeqnu.’ Ariya bini e qalieonum, e niŋgi uratŋgitqa niŋgi ijo ulatamu olo unqasai.

Aposel 20:38

Pol na minjrej, “Niŋgi ijo ulatamu olo unqasai.” Aqa anjam deqa naŋgi are tulaŋ ugeinjrej. Ariya naŋgi na iga suweigonab iga alile aisim naŋgi uratnjrsim qobuŋ gogetosim aiem.

Galesia 4:19

O ijo aŋgro, niŋgi quiye. Uŋa aŋgrotqa osiq jaqatiŋyeqnu dego kere e niŋgi qa are jaqatiŋbeqnu. Di kiyaqa? Ijo areqalo agiende. Kristus a Qotei aqa aŋgro tiŋtiŋ unu dego kere niŋgi dego Qotei aqa aŋgro tiŋtiŋ soqniye.

Filipai 1:30

Nami e aqa anjam qa qoteqnam niŋgi e nuboqneb. Agi bini e qoteqnam niŋgi deqa queqnub. Ariya bini niŋgi jaqatiŋ oqnsib unub. Di kiyaqa? Niŋgi e ti beterosib qoteqnum deqa.

Kolosi 1:24

E niŋgi aqaryaiŋgwa osim deqa e jaqatiŋ koba eqnum. E ijo jaqatiŋ deqa tulaŋ areboleboleibeqnu. E na Kristus aqa segi tamo uŋgasari naŋgi aqaryainjreqnum. Naŋgi aqa segi jejamu bul. A naŋgo gate. A na naŋgi aqaryainjrqa marsiq jaqatiŋ koba ej. Aqa jaqatiŋ di koboosaiunu. Deqa e dego tamo uŋgasari naŋgi qa osimqa ijo segi jejamuq di jaqatiŋ koba eqnum. Ijo kumbra dena e na Kristus aqa jaqatiŋ dauryosim kereteqnum.

Kolosi 1:29

Deqa Kristus aqa siŋgila kobaquja Qotei na e ebej qaji dena e wau koba yoqnsim unum.

Kolosi 2:5

E niŋgi koba na sosai. Ariya niŋgi ijo areqaloq di unub deqa e niŋgi ti sobulejunum. Niŋgi wau bole yoqnsib nuŋgo areqalo Kristus qa bole siŋgilatoqnsib unub e degsi unonum. Deqa e niŋgi qa tulaŋ areboleboleibeqnu.

1 Tesalonaika 2:2

Niŋgi qalie, iga niŋgi qa bosaisosimqa bati deqa iga Filipai qureq di sonamqa tamo naŋgi na iga jaqatiŋ egoqnsib ugeugeigoqneb. Ariya bunuqna iga nuŋgo qureq bonamqa gago Qotei na iga are siŋgilatetgej deqa iga jeu tamo naŋgi deqa ulaosai. Iga siŋgila na tigeloqnsim Qotei aqa anjam bole niŋgi merŋgoqnem.

Hibru 5:7

O was qu, Yesus a mandamq endi sosiqa a siŋga pulutoqnsiqa Qotei pailyoqnej. A qalie, Qotei na a oqa kere. Yim a moiqasai. Deqa a siŋgila na Qotei pailyoqnej. A leleŋ ti akam ti pailyoqnej. A aqa segi areqalo uratoqnsiqa Qotei aqa sorgomq di soqnej. Deqa Qotei a aqa pail quetoqnej.

1 Pita 1:8

Niŋgi nami Kristus unosaioqneb. Ariya niŋgi a tulaŋ qalaqalaiyeqnub. Niŋgi bini a unosaieqnub. Ariya niŋgi a qa nuŋgo areqalo siŋgilatoqnsib a qa tulaŋ arebo-leboleiŋgeqnu. Nuŋgo arebolebole dena mandam qaji arebolebole kalil tulaŋ buŋyejunu. Nuŋgo arebolebole di aqa utru iga na dauryosim ubtqa keresai.

Uli Anjam 1:11

Leleŋosiq merbej, “Kumbra kalil ni unqam qaji di neŋgreŋyosim qariŋyimqa tamo uŋgasari qure 7-pelaq dia Yesus aqa ñam qa koroosib loueqnub qaji naŋgoq gilqas. Tamo uŋgasari agi Efesus qureq dia, Smerna qureq dia, Pergamum qureq dia, Taiataira qureq dia, Sardis qureq dia, Filadelfia qureq dia, Laodisia qureq dia Yesus aqa ñam qa koroosib loueqnub qaji naŋgoq qariŋyim gilem.”