Kolosi 1:20 - Yesus Aqa Anjam Bole

²⁰ Aqa areqalo agiende. A na iŋgi iŋgi kalil mandam ti laŋ ti di unub qaji naŋgi gereinjrimqa naŋgi a ombla geregere lawo na sqab. Aqa areqalo dego deqa a na Yesus qariŋyonaqa a ŋamburbasq di moinaqa aqa leŋ aiej qaji dena a na jeu kobotosiqa iga olo eleŋej.

Kolosi 1:20 ပူးပေါင်းရင်းမြစ်များ

Matyu 1:21

Deqa aqa aŋgro mel ŋambabqas. A na aqa segi tamo uŋasari naŋgo une kalil kobotetnjrsim naŋgi eleŋqas. Deqa ni aqa ñam Yesus waiyqam.”

Luk 2:14

“Laŋ goge dia Qotei a ñam kobaquja oqo. Mandamq endia tamo uŋgasari naŋgi are lawo na soqnebe. Qotei a naŋgi qa are boleiyeqnu.”

Aposel 10:30

Onaqa Kornilius na Pita minjej, “Ya ya endi bati qolqe gilqo seŋ bati kere endego seŋ keliŋtonaqa e pailyeqnamqa tamo bei gara tulaŋ qat jigsiqa bosiq ijo ulatamuq di tigelosiqa merbej, ‘O Kornilius, Qotei a gaigai ino pail queqnu. Juda tamo uŋgasari naŋgi iŋgi iŋgi saiinjreqnaqa ni na naŋgi aqaryainjreqnum. Ino kumbra di Qotei a unoqnsiq deqa a ni qa tulaŋ areboleboleiyeqnu.

Rom 5:1

Ariya iga Yesus qa gago areqalo siŋgilatem deqa Qotei na iga tamo bole une saiqoji qa mergej. Gago Tamo Koba Yesus Kristus a jeu kobotej deqa iga Qotei ombla geregere unum.

Efesus 1:10

Deqa a kumbra endegyqas. A na iŋgi iŋgi kalil mandam ti laŋ ti di unub qaji naŋgi taqatnjroqnsim gilsi gilsim bati a nami atej qaji di brantimqa a na iŋgi iŋgi kalil di olo osim Kristus aqa baŋq di atim a naŋgo gate sqas.

Filipai 2:10

Qotei na ñam di Yesus yej deqa mondoŋ laŋ aŋgro kalil naŋgi ti tamo kalil naŋgi ti iŋgi iŋgi kalil laŋ ti mandam ti mandam sorgomq di unub qaji naŋgi ti Yesus aqa areq di siŋga pulutosib aqa sorgomq di sqab.

Kolosi 1:16

A na iŋgi iŋgi kalil laŋ goge di unub qaji ti mandamq di unub qaji ti aqa Ŋiri Yesus aqa baŋ na gereiyej. Iŋgi iŋgi kalil gago ŋamdamu na uneqnum qaji ti gago ŋamdamu na unqa keresai qaji ti di Yesus aqa baŋ na Qotei na gereiyej. Laŋ goge qaji siŋgila ti laŋ aŋgro naŋgi ti mandor kokba naŋgi ti mondor naŋgi ti kalil di Yesus aqa baŋ na Qotei na gereiyej unu. Iŋgi iŋgi kalil di Yesus a segi deqa utru. Iŋgi iŋgi kalil di aqa segi.

Hibru 2:17

Utru deqa a aqa was kalil naŋgi bulosiq tamo brantej. Deqa bini a atra tamo kobaquja sosiq Qotei aqa wau ojeqnu. A tamo uŋgasari naŋgi qa dulosim naŋgi aqaryainjrqajqa deqa marsiq atra tamo kobaquja brantej. A Qotei aqa anjam kalil dauryoqnsiqa aqa wau ojeqnu. Aqa wau agiende. A na tamo uŋgasari naŋgo une kobotetnjroqnsiqa Qotei aqa minjiŋ taqal ateqnu.