Kolosi 1:19 - Yesus Aqa Anjam Bole

¹⁹ Qotei aqa areqalo agiende. Aqa segi ŋambile ti kumbra ti kalil aqa segi Ŋiri Yesus aqaq di sqas. Deqa Qotei a segi Yesus aqaq di keretsim maqesqas.

Kolosi 1:19 ပူးပေါင်းရင်းမြစ်များ

Luk 10:21

Bati deqa Qotei aqa Mondor a Yesus aqaq aisiq aqa areqalo siŋgilatetonaqa a tulaŋ areboleboleiyonaqa Qotei endegsi pailyej, “O Abu, ni segi laŋ qa ti mandam qa ti Koba. Deqa e ni biŋimosim ino ñam soqtonum. Ijo anjam e na tamo uŋgasari naŋgi minjreqnum qaji di ni na tamo powo ti unub qaji naŋgi qa ulitoqnsimqa tamo aŋgro du du bul naŋgi segi qa babteqnam naŋgi poinjreqnu. O Abu, ni degsim yeqnum di kere. Ni ino segi areqalo dauryosim agi degyeqnum.”

Jon 1:16

A iga kalil qa are tulaŋ boleiyoqnsiqa iga geregereigeqnu.

Jon 3:34

Tamo Qotei na qariŋyej qaji a Qotei aqa anjam babtosiq mergeqnu. Di kiyaqa? Qotei na aqa Mondor aqa siŋgila potosiq taqal bei segi Yesus yosai. A na aqa siŋgila kalil Yesus yekritej.

1 Korin 1:21

Qotei aqa segi powo na a endegsi qalieej. Tamo naŋgi mandam endeqa powo ti unub qaji naŋgo powo dena naŋgi Qotei qalieqa keresai. Qotei a degsi qalieosiq deqa a na tamo uŋgasari naŋgi oqajqa gam bei endegsi osornjrej. Anjam iga palonteqnum qaji di tamo naŋgi nanari qa mareqnub. Ariya tamo uŋgasari naŋgi anjam di qusib Qotei qa naŋgo areqalo siŋgilatqab gam dena qujai a na naŋgi oqas.

Efesus 1:23

Qotei aqa segi tamo uŋgasari naŋgi Kristus aqa jejamu qujai. Kristus a na iŋgi iŋgi kalil ekritosiq tulaŋ keretejunu. Deqa a na Qotei aqa segi tamo uŋgasari naŋgi dego osiq tulaŋ keretnjrejunu.

Efesus 1:3

Iga Qotei aqa ñam soqtoqnqom. A gago Tamo Koba Yesus Kristus aqa Abu Qotei. A Kristus aqa wau na laŋ qaji iŋgi bole bole iga egej. A gago qunuŋ qa are qalsiq deqa iŋgi di iga egej.

Efesus 1:5

Tulaŋ nami Qotei na iga qalaqalaigosiqa iga aqa segi aŋgro sqa marsiqa Yesus Kristus aqa wau na iga eleŋej. Qotei aqa segi areqalo na a degyej.

Efesus 4:10

Aisiq dena olo tulaŋ goge oqsiq laŋ qure kalil buŋyekritosiq torei oqej. A degyej. Di kiyaqa? A na iŋgi iŋgi kalil ekritosim keretqajqa deqa.

Kolosi 2:3

Qalie ti powo ti kalil di Kristus aqaq di uliejunu.

Kolosi 2:9

Niŋgi qalie, Kristus a tamo bulyosiq gago ambleq di soqnej. Qotei aqa segi ŋambile ti kumbra ti kalil aqaq di keretsiq maqejunu.

Kolosi 3:11

Iga so bunujq di unum deqa iga kalil kerekere unum. Deqa iga gago was naŋgi endegsi minjroqnqasai, “Ni Grik qaji” o “Ni Juda qaji” o “Ni muluŋ aio qaji” o “Ni muluŋ aiosai qaji” o “Ni yauŋ tamo” o “Ni yambaŋ tamo” o “Ni kaŋgal tamo” o “Ni tamo laŋaj”. Iga gago was naŋgi degsi minjroqnqasai. Di kiyaqa? Kristus a segi qujai unu. A gago kalil qa Tamo Koba.