Jut 1:23 - Yesus Aqa Anjam Bole

²³ Ariya tamo qudei naŋgi une ti unub deqa naŋgi ŋamyuoq aiqa laqnub. Deqa niŋgi naŋgi urur minjribqa naŋgi naŋgo une uratosib are bulyqab. Osib deqa naŋgi ŋamyuoq aiqasai. Qotei na naŋgi oqas. Ariya tamo qudei naŋgi naŋgo areqalo namij dauryeqnub deqa naŋgi gara sari bulosib tulaŋ jiga ti unub. Deqa niŋgi naŋgi qa olo duloqniye. Osib naŋgo une qa ulaosib kumbra jigat deqaji kalil uratosib isaq giliye.

Jut 1:23 ပူးပေါင်းရင်းမြစ်များ

Rom 11:14

Di kiyaqa? E na ijo was qu Israel naŋgo areqalo tigeltetnjritqa iŋgi bole bole Qotei a niŋgi eŋgeqnu qaji di naŋgi dego oqa maribqa Qotei na naŋgi qudei eleŋqas.

1 Korin 15:33

O was qu, tamo qudei naŋgi na niŋgi gisaŋgaib deqa niŋgi geregere ŋam atsib soqniye. Anjam bei unu di niŋgi qalie. Anjam agiende, “Iga tamo uge naŋgi ti laqnqom di naŋgi na gago areqalo ugetetgibqa iga kumbra bole uratosim naŋgi daurnjrqom.” Anjam degsi unu.

1 Korin 3:15

Ariya tamo qudei naŋgo tal ateb qaji di ŋamyuo na yueleŋqas deqa naŋgo wau kalil torei loumqas. Ariya tamo naŋgi di padalqasai. Naŋgi ŋamyuoq di padalqa jojomoqnib Qotei na naŋgi olo oqas.

2 Korin 5:11

Ariya iga Tamo Koba Yesus qa ulaoqnsim aqa sorgomq di unum deqa iga tamo uŋgasari naŋgo are bulyetnjroqnim naŋgi Yesus qa naŋgo areqalo siŋgilatqajqa deqa waueqnum. Iga wau di ugetosaieqnum. Qotei a segi gago areqalo ti gago kumbra ti qalie. Ariya e niŋgi qa qalieonum, nuŋgo are miligiq di niŋgi dego qalieonub, iga wau bole yeqnum.

2 Tesalonaika 3:14

Was bei a gago anjam iga neŋgreŋyonum qaji endi uratimqa niŋgi na a taqal waiyib isaq gilem. Yimqa aqa kumbra uge deqa a jemaiyqas.

1 Timoti 4:16

Ni ino segi kumbra ti ino anjam maro ti geregere taqatosim siŋgila na Qotei aqa wau yoqne. Yimqa ino wau dena Qotei na ni ti tamo uŋgasari kalil ino anjam qusib dauryeqnub qaji naŋgi ti oqas.

2 Jon 1:11

Niŋgi a baŋ ojqab di niŋgi a aqaryaiyosib a ombla wau uge ojqab.

Jut 1:22

Kristen was qudei naŋgi areqalo aiye aiyelteqnub deqa niŋgi naŋgi qa dulosib geregereinjroqniye.

Uli Anjam 3:18

Deqa e ni endegsi mermqai. Ni ijoq dena gol ŋamyuo na yusiq milalej qaji di awaiyosim dena ni laŋ qure qa ñoro koba ti sqam. Gara qat dego awaiyosim jugwam dena ino jejamu kabutim tamo bei na ino yosi unqasai. Amqa ni jemaimqasai. Goreŋ dego awaiyosim dena ino ŋamdamu piyim ŋam poimqas.

Uli Anjam 3:4

“‘Ariya tamo uŋgasari qudei Sardis qureq di unub qaji naŋgo kumbra bolequja. Naŋgo gara jigatosai deqa naŋgi gara qat jigsib e ombla walweloqnqab.