Jut 1:22 - Yesus Aqa Anjam Bole

²² Kristen was qudei naŋgi areqalo aiye aiyelteqnub deqa niŋgi naŋgi qa dulosib geregereinjroqniye.

Jut 1:22 ပူးပေါင်းရင်းမြစ်များ

2 Korin 2:8

Deqa niŋgi a olo qalaqalaiyo kumbra osoryoqniye. Yim a qalieqas, niŋgi na a torei qoreiyosai.

Galesia 4:20

Bole, bini e niŋgi ti sosai. E niŋgi ti so qamu e anjam bole niŋgi merŋgo qamu. O was qu, e niŋgi qa are koba qaleqnum. E qaliesai, e niŋgi kiersiy aqaryaiŋgit niŋgi so bole sqab?

Galesia 6:1

O was qu, nuŋgo ambleq di tamo bei a une bei atim unsibqa niŋgi Qotei aqa Mondor dauryeqnub qaji niŋgi na tamo di lawo na osib aqa kumbra gereiyetiye. Ariya niŋgi geregere ŋam atsib soqniye. Satan a na niŋgi dego uneq waiŋgimqa niŋgi uloŋo uge.

Jut 1:21

Qotei a na niŋgi tulaŋ qalaqalaiŋgeqnu. Deqa niŋgi a beteryesoqnibqa a na gaigai niŋgi qalaqalaiŋgoqnqas. Gago Tamo Koba Yesus Kristus a iga qa tulaŋ duleqnu aqa kumbra di a na mondoŋ boleq atqas. Yim niŋgi ŋambile gaigai sqab. Deqa niŋgi gaigai a qa tariŋoqnsib soqniye.

Jut 1:23

Ariya tamo qudei naŋgi une ti unub deqa naŋgi ŋamyuoq aiqa laqnub. Deqa niŋgi naŋgi urur minjribqa naŋgi naŋgo une uratosib are bulyqab. Osib deqa naŋgi ŋamyuoq aiqasai. Qotei na naŋgi oqas. Ariya tamo qudei naŋgi naŋgo areqalo namij dauryeqnub deqa naŋgi gara sari bulosib tulaŋ jiga ti unub. Deqa niŋgi naŋgi qa olo duloqniye. Osib naŋgo une qa ulaosib kumbra jigat deqaji kalil uratosib isaq giliye.