Jut 1:15 - Yesus Aqa Anjam Bole

¹⁵ Bosim tamo kalil Qotei qoreiyeqnub qaji naŋgo une qa peginjrsim ugeugeinjrqas. Osim naŋgo kumbra uge di naŋgi osornjrimqa naŋgi deqa are qalsib gulube koba oqab. Tamo qudei une yeqnub qaji naŋgi Qotei tulaŋ qoreiyoqnsib a misiliŋyoqnsib kumbra tulaŋ uge uge yeqnub. Deqa Qotei na naŋgi dego naŋgo kumbra uge di osornjrimqa naŋgi deqa are qalsib gulube koba oqab.” Enok a nami degsi marej.

Jut 1:15 ပူးပေါင်းရင်းမြစ်များ

Jon 5:27

E Tamo Aŋgro. Deqa ijo Abu na e ñam ebej. Ñam dena e na tamo uŋgasari naŋgo kumbra qa peginjrqai.

Aposel 17:31

Qotei a na bati atej unu. Bati di brantimqa a na tamo uŋgasari kalil naŋgo une qa peginjrqas. Aqa segi kumbra bole na ti aqa Ŋiri Yesus Kristus giltej qaji aqa baŋ na ti naŋgo une qa peginjrqas. Tamo uŋgasari naŋgi di qalieqajqa deqa Qotei na Yesus subq na olo tigeltej.”

Rom 14:10

Niŋgi kiyaqa nuŋgo Kristen was naŋgo kumbra laŋa tenemtoqnsib naŋgi uge qa minjreqnub? Osib naŋgi misiliŋnjreqnub? Niŋgi qalie, mondoŋ iga kalil Qotei aqa ulatamuq di tigelamqa a na iga pegigwas.

Rom 2:5

Ino are miligi geteŋejunu deqa ni are bulyosai. Ino kumbra dena ni na ino awai uge tombol ateqnum. Deqa mondoŋ diŋo batiamqa Qotei a kumbra tiŋtiŋ na tamo naŋgo une qa minjrsimqa aqa minjiŋ boleq atsim awai tulaŋ ugedamu ni emqas.

1 Korin 4:5

Qotei na tamo naŋgo une qa peginjrqa bati brantosaiunu deqa niŋgi na tamo qudei naŋgi une ti qa minjraib. Niŋgi mati tariŋesoqnibqa mondoŋ Tamo Koba Yesus a bosimqa a segi na iŋgi iŋgi kalil ambruq di uliejunub qaji di suwaŋoq di atqas. Osim tamo kalil naŋgo areqalo dego boleq atqas. Yim bati deqa Qotei a gago segi segi kumbra geregere pegiyosim mergwas.

1 Korin 5:13

Tamo naŋgi Yesus qaliesai qaji naŋgo une qa Qotei a segi na peginjrqas. Ariya Qotei aqa anjam bei nami endegsib neŋgreŋyeb unu, “Niŋgi na tamo uge di osib nuŋgo ambleq dena taqal waiyiye.”

1 Timoti 1:9

Qotei a tamo naŋgi kumbra bole bole yeqnub qaji naŋgi qa osiq dal anjam atosai. Tamo naŋgi dal anjam gotraŋyoqnsib diqeqnub qaji naŋgi qa osiq dal anjam atej. Tamo naŋgi di naŋgo kumbra agiende. Naŋgi Qotei qoreiyoqnsib une ateqnub. Osib Qotei aqa kumbra dauryqa uratoqnsib olo mandam qa kumbra uge uge yeqnub. Naŋgi naŋgo ai wo abu wo ñumsib moiotnjreqnub. Osib tamo qudei naŋgi dego ñumeqnub.

Jut 1:16

Tamo naŋgi di gaigai are ugeinjreqnaqa laŋa laŋa tamo naŋgo jejamuq di anjam qameleŋeqnub. Osib naŋgo segi areqalo uge uge dauryeqnub. Naŋgi naŋgo medabu waqtoqnsib diqoqnsib naŋgo segi ñam soqteqnub. Osib tamo uŋgasari naŋgo ñam dego laŋa soqtetnjroqnsib naŋgi walawala-injreqnub. Yim naŋgi na naŋgo areqalo dauryqajqa deqa.

Uli Anjam 13:11

Ariya e olo ŋam atsimqa wagme juwaŋ bei mandam miligiq na brantonaq unem. Wagme di aqa gateq di qala aiyel soqneb. Qala di kaja du naŋgo qala bul. Aqa anjam maro amal kobaquja aqa anjam maro bul.

Uli Anjam 22:20

Tamo a kumbra endi kalil babtqo qaji a endegsi marqo, “Bole, e boqujatqai.” Anjam endi bole. O Tamo Koba Yesus, ni aue.