Jon 9:38 - Yesus Aqa Anjam Bole

³⁸ Onaqa a na Yesus minjej, “O Tamo Koba, e ni qa ijo areqalo siŋgilatonum.” A degsi Yesus minjsiqa aqa areq di siŋga pulutosiqa a biŋiyej.

Jon 9:38 ပူးပေါင်းရင်းမြစ်များ

Matyu 14:33

Onaqa tamo qobuŋq di soqneb qaji naŋgi Yesus aqa siŋgila di unsibqa naŋgi aqa ŋam soqtosib minjeb, “Bole, ni Qotei aqa Ŋiri.”

Matyu 28:17

Oqsib dia Yesus itosib a biŋiyosib aqa ñam soqteb. Ariya naŋgi qudei areqalo aiyeltosib mareb, “Di Yesus bole kio sai kio?”

Matyu 28:9

Naŋgi aiyel aieqnabqa gamq dia Yesus a segi naŋgi aiyel turosiqa minjrej, “O kaiye.” Degsi minjrnaqa naŋgi aiyel aqa areq bosibqa aqa siŋga ojsib a biŋiyeb.

Matyu 8:2

Onaqa tamo bei yu na aqa jejamu ugeeleŋej qaji a Yesus aqa areq bosiqa aqa siŋgaq dia siŋga pulutosiqa minjej, “O Tamo Koba, ni e boletbqa are soqnimqa e boletbe. E qalie, ni na e boletbqa kere.”

Luk 24:52

A laŋ qureq oqeqnaqa aqa aŋgro naŋgi siŋga pulutosibqa a qa louosib tulaŋ areboleboleinjrej. Onaqa naŋgi olo puluosib Jerusalem qureq aieb.

Jon 20:28

Onaqa Tomas a na Yesus minjej, “O Yesus, endego e poibqo, ni ijo Tamo Koba. Ni ijo Qotei dego.”

Jon 9:39

Onaqa Yesus a marej, “E tamo uŋgasari naŋgo kumbra qa naŋgi peginjrqajqa deqa mandamq aiem. Deqa tamo ŋam qandimo unub qaji naŋgi olo ŋam poinjrqas. Tamo ŋamdamu bole ateqnub qaji naŋgi olo ŋam qandimnjrqas.”