Jon 9:35 - Yesus Aqa Anjam Bole

³⁵ Farisi naŋgi na tamo di taqalq waiyonab Yesus a degsi qusiqa a qa ŋamosiq itosiq minjej, “Ni Tamo Aŋgro qa ino areqalo siŋgilatonum e?”

Jon 9:35 ပူးပေါင်းရင်းမြစ်များ

Matyu 14:33

Onaqa tamo qobuŋq di soqneb qaji naŋgi Yesus aqa siŋgila di unsibqa naŋgi aqa ŋam soqtosib minjeb, “Bole, ni Qotei aqa Ŋiri.”

Matyu 16:16

Onaqa Saimon Pita na minjej, “Ni Kristus. Ni Qotei ŋambile gaigai unu qaji aqa segi Ŋiri qujai.”

Matyu 4:3

Onaqa walawalaiyo tamo Satan a Yesus aqa areq bosiqa minjej, “Ni Qotei aqa Ŋiriamqa meniŋ kalil endi minjrim bem bulyibqa ni uye.”

Mak 1:1

Qotei aqa Ŋiri Yesus Kristus aqa anjam bole e utruq na saqai.

Jon 1:18

Tamo bei na Qotei aqa ulatamu unosai. Qotei aqa Ŋiri qujai a segi Qotei. A aqa Abu Qotei aqa areq di sosiqa beteryejunu. A na qujai iga Qotei osorgej.

Jon 1:34

Qotei a na e degsi merbonaqa e tamo di unsimqa marem, ‘Bole, tamo di a Qotei aqa Ŋiri.’”

Jon 10:36

Ariya ijo Abu a segi na e giltbosiqa qariŋbonaq mandamq aiem. Deqa e maronum, ‘E Qotei aqa Ŋiri.’ E degsi maronumqa niŋgi kiyaqa merbonub, ‘Ni Qotei aqa sawa osim maronum, “E segi Qotei?” ’

Jon 11:27

Onaqa Marta na Yesus minjej, “Od, Tamo Koba. E qalieonum, ni Kristus, Qotei aqa Ŋiri. Ni qujai Qotei na nami qariŋmonaqa mandamq aiem qaji. Deqa e ni qa ijo areqalo siŋgilatonum.”

Jon 20:28

Onaqa Tomas a na Yesus minjej, “O Yesus, endego e poibqo, ni ijo Tamo Koba. Ni ijo Qotei dego.”

Jon 20:31

Niŋgi ijo anjam endi sisiyosib Yesus qa nuŋgo areqalo siŋgilatosib a bole Kristus Qotei aqa Ŋiri degsi poiŋgwajqa deqa e na anjam endi neŋgreŋyonum. Yimqa niŋgi Yesus aqa ñam na ŋambile gaigai sqab.

Jon 3:36

Tamo naŋgi Qotei aqa Ŋiri qa naŋgo areqalo siŋgilatqab qaji naŋgi ŋambile gaigai sqab. Ariya tamo naŋgi Qotei aqa Ŋiri aqa anjam dauryqa uratqab qaji naŋgi ŋambile itqasai. Qotei aqa minjiŋ naŋgoq di sqas.

Jon 5:14

Onaqa nebeonaq Yesus a atra tal miligiq gilsiqa tamo a na boletej qaji a di sonaqa itosiqa minjej, “Ni que. E ni boletmonum. Deqa ni olo une bei ataim. Gulube kobaquja bei ino jejamuq di olo branto uge.”

Jon 6:69

Iga ni qa gago areqalo siŋgilatosim endegsi qalieonum, Qotei aqa segi Tamo Bole a na nami giltej qaji agi ni qujai.”

Jon 9:22

Aqa ai wo abu wo naŋgi Juda tamo kokba naŋgi ulainjrsib deqa anjam degsib minjreb. Juda tamo kokba naŋgi nami maroqneb, “Tamo bei na marqas, ‘Yesus a bole Kristus,’ degsi marimqa tamo di iga taqalq waiyonam a bunu olo Qotei tal miligiq gilqasai.”

Jon 9:34

Onaqa Farisi naŋgi na kamba minjeb, “Une aqa kumbra inoq di beterejunu. Ni une ti sosimqa ŋambabem agi bini ni degsi unum. Deqa ni Qotei aqa anjam iga mergaim.” Degsib minjsib a taqalq waiyosib a olo Qotei tal miligiq gilqajqa saidyeb.

Aposel 8:36

Onaqa naŋgi gam dauryosib giloqnsib gam qalaq di ya bei sonaq unsibqa Itiopia tamo dena Filip minjej, “Ni une. Ya agide. Iŋgi bei na e getentbqa keresai. Deqa ni e yansbe.”

Aposel 8:37

Onaqa Filip na minjej, “Ni are bulyosim ino areqalo kalil Yesus qa siŋgilatqam di e ni yansmqai.” Onaqa minjej, “E ijo areqalo Yesus Kristus qa siŋgilatosim poibqo, a Qotei aqa Ŋiri.”

Rom 1:4

Ariya bunuqna Qotei na a olo subq na tigeltonaqa bati deqa Qotei aqa Mondor na iga endegsi osorgej, Yesus a Qotei aqa Ŋiri siŋgila koba. O was qu, a gago Tamo Koba Yesus Kristus.

Rom 10:20

Agi Aisaia a dego nami anjam endegsi siŋgila na marej, “Tamo naŋgi e qa ŋamosaioqneb qaji naŋgi e itbeb. Tamo naŋgi e qa marosaioqneb qaji naŋgi qa e brantonam naŋgi e nubeb.”

1 Jon 4:15

Tamo bei a endegsi marqas, “Yesus a Qotei aqa Ŋiri.” Degsi marqas deqa Qotei na a beteryesqas. Yimqa a na kamba dego Qotei beteryesqas.

1 Jon 5:10

Tamo bei a Qotei aqa Ŋiri qa aqa areqalo siŋgilatqas di aqa Ŋiri qa anjam dego aqa are miligiq di siŋgilatim sqas. Ariya tamo bei a Qotei aqa anjam aqa areqaloq di siŋgilatqasai di a na Qotei aqa ñam ugetosim Qotei a gisaŋ tamo qa minjobulqas. Di kiyaqa? A Qotei aqa Ŋiri qa anjam Qotei na iga mergeqnu qaji di aqa areqaloq di siŋgilatosai deqa.

1 Jon 5:13

E na anjam endi neŋgreŋyosim niŋgi tamo uŋgasari Qotei aqa Ŋiri aqa ñam qa nuŋgo areqalo siŋgilateqnub qaji niŋgi qa qariŋyonum. Yim niŋgi qalieqajqa, niŋgi ŋambile gaigai sqab.

1 Jon 5:20

Iga qalie, Qotei aqa Ŋiri a bosiq iga powo egej. Yim iga Qotei qa bole qalieqajqa deqa. Iga Qotei beteryejunum. Iga aqa Ŋiri Yesus Kristus dego beteryejunum. Yesus a segi Qotei bole. A segi ŋambile gaigai sqajqa utru.

1 Jon 5:5

Tamo yai naŋgi mandam endeqa siŋgila gotraŋyoqnsib siŋgila na tigelejunub? E niŋgi merŋgwai. Tamo naŋgi Yesus a Qotei aqa Ŋiri degsib maroqnsib a qa naŋgo areqalo siŋgilateqnub qaji naŋgi segi mandam endeqa siŋgila gotraŋyoqnsib siŋgila na tigelejunub.

3 Jon 1:10

Deqa e niŋgi qa bosiy aqa kumbra deqa niŋgi olo saiŋgwai. A iga qa anjam uge uge mareleŋeqnu. Di segi sai. A na Kristen was naŋgi aqa talq joqsi gilqa urateqnu. Yeqnaqa tamo qudei naŋgi na Kristen was qudei naŋgi naŋgo talq joqsi gilqa laqnab a na naŋgi olo getentnjreqnu. Osiqa naŋgi Qotei tal miligiq gilqa dego saidnjreqnu.