Jon 8:56 - Yesus Aqa Anjam Bole

⁵⁶ “Nuŋgo moma utru Abraham a nami ijo bqajqa bati unqa marsiqa areboleboleiyonaq soqnej. A unsiqa tulaŋ areboleboleiyej.”

Jon 8:56 ပူးပေါင်းရင်းမြစ်များ

Matyu 13:17

Niŋgi quiye. E bole merŋgwai. Nami Qotei aqa medabu o qaji tamo naŋgi ti tamo naŋgi kumbra bole bole yoqneb qaji naŋgi ti tulaŋ gargekoba kumbra niŋgi bini uneqnub qaji di unqajqa are koba soqnej. Ariya naŋgi unosaioqneb. Anjam niŋgi bini queqnub qaji di dego naŋgi quqwajqa are koba soqnej. Ariya naŋgi quosaioqneb.”

Luk 10:24

Niŋgi quiye. Nami mandor kokba naŋgi ti Qotei aqa medabu o qaji tamo naŋgi ti tulaŋ gargekoba kumbra niŋgi bini uneqnub qaji di unqajqa maroqneb naŋgi unosaioqneb. Anjam niŋgi bini queqnub qaji di dego naŋgi quqwajqa maroqneb naŋgi quosaioqneb.”

Jon 10:25

Onaqa Yesus na kamba minjrej, “E nami niŋgi merŋgonum, ‘E Kristus.’ Merŋgonumqa niŋgi quonub ugeiŋgwo. Wau kalil e ijo Abu aqa ñam na yeqnum qaji di niŋgi geregere tenemtoqniye. Tenemtosib endegsi poiŋgwas, ‘Bole, Yesus a Kristus.’

Jon 8:37

“E qalie, niŋgi Abraham aqa moma unub. Ariya ijo anjam nuŋgo are miligiq di sosai. Utru deqa niŋgi e lubsib moiotbqa mareqnub.

Jon 8:39

Onaqa Juda naŋgi Yesus aqa anjam di qusibqa olo kamba minjeb, “Gago abu bole agi Abraham.” Onaqa Yesus na minjrej, “Niŋgi Abraham aqa aŋgro qamu kumbra Abraham nami yoqnej qaji di niŋgi dego yeqnub qamu.

Hibru 11:13

O was qu, Abel na Enok na Noa na Abraham na Sara na naŋgi kalil Qotei qa naŋgo areqalo siŋgilatesosib gilsib moreŋeb. Naŋgi mandam endia sosibqa iŋgi bole bole Qotei na nami naŋgi enjrqa minjrej qaji di naŋgi eleŋosai. Ariya naŋgi iŋgi di oqajqa tariŋesosibqa tarosib laŋ qure koqyosib isaq na iŋgi di unsib deqa areboleboleinjrej. Deqa naŋgi maroqneb, “Iga mandam endi so boleiyqasai. Iga mandamq endia yauŋ tamo bulosim sokiñala sosim bunuqna iga mandam endi uratqom.” O was qu, naŋgi anjam di marqajqa jemainjrosai.

Hibru 11:39

Tamo kalil naŋgi di Qotei qa naŋgo areqalo siŋgilatoqneb deqa naŋgi aqa ŋamgalaq di tamo tulaŋ boledamu soqneb. Ariya naŋgi mandamq endi sosibqa iŋgi bole bole Qotei na nami naŋgi enjrqa minjrej qaji di naŋgi osaisoqneb. Osaisosib moreŋeb.