Jon 8:53 - Yesus Aqa Anjam Bole

⁵³ Ni na gago moma utru Abraham buŋyqam kio? A moiej. Qotei aqa medabu o qaji tamo kalil naŋgi dego moreŋeb. Deqa ni segi qa kiersi marqam?”

Jon 8:53 ပူးပေါင်းရင်းမြစ်များ

Matyu 12:6

Ariya e niŋgi endegsi merŋgwai. Bini tamo bei unu. Tamo dena atra tal tulaŋ buŋyejunu.” Yesus a a segi qa naŋgi anjam degsi minjrej.

Matyu 3:9

Niŋgi endegsib are qalaib, ‘Abraham a gago moma utru. Deqa iga Qotei aqa ŋamdamuq di tamo bole.’ Niŋgi degsib are qalaib. Niŋgi quiye. Qotei na marimqa meniŋ kalil endi dego tamo bulyosib tigelosib marqab, ‘Abraham a gago moma utru.’

Jon 10:33

Onaqa Juda naŋgi na kamba endegsib minjeb, “Iga ino wau bole bei qa are qalsim ni meniŋ na lumqasai. Ni Qotei misiliŋyonum deqa lumqom. Agi ni Qotei aqa sawa osim maronum, ‘E segi Qotei.’ Ni degsi maraim. Ni mandam tamo. Deqa ni lumqom.”

Jon 12:34

Onaqa tamo uŋgasari naŋgi dena kamba Yesus minjeb, “Kristus a bati gaigai sqas. Nami dal anjam degsi marnab iga quem. Deqa ni kiyaqa maronum, ‘E Tamo Aŋgro soqtbosib gaintbqab’? Tamo Aŋgro di tamo yai?”

Jon 19:7

Onaqa Juda tamo kokba naŋgi na olo Pailat minjeb, “Yesus a segi qa marqo, ‘E Qotei aqa Ŋiri.’ Aqa une deqa a moiem. Gago dal anjam degsi unu.”

Jon 4:12

Gago moma utru Jekop a nami ya sub endi bogsiqa gago moma naŋgi enjrej. A segi ya sub endena ya uyoqnej. Aqa aŋgro naŋgi aqa bulmakau ti aqa kaja ti naŋgi dego sub endena ya uyoqneb. Ni na a buŋyqam kio?”

Jon 5:18

Onaqa Juda tamo kokba naŋgi Yesus aqa anjam di qusibqa naŋgi a qalib moiqajqa naŋgo areqalo torei siŋgilaeb. Di kiyaqa? A yori bati segi gentosai. A dego marej, “Qotei a ijo Abu.” Aqa anjam dena a segi qa marej, “Aqo Qotei wo ombla kerekere.” Utru deqa naŋgi Yesus qalib moiqajqa naŋgo areqalo torei siŋgilaeb.

Jon 8:58

Onaqa Yesus na kamba minjrej, “Niŋgi quiye. E bole merŋgwai. Abraham a ŋambabosaisonaqa e nami Qotei ombla soqnem.”

Rom 9:5

Naŋgo moma utru naŋgi nami ñam koba ti soqneb. Naŋgoq dena Kristus a ŋambabej. Kristus a segi Qotei. A iŋgi iŋgi kalil naŋgo gate. Deqa iga bati gaigai aqa ñam soqtoqnqom. Bole.