Jon 8:49 - Yesus Aqa Anjam Bole

⁴⁹ Onaqa Yesus na kamba minjrej, “Mondor uge ijoq di sosai. E ijo Abu aqa ñam soqteqnum. Ariya niŋgi na olo ijo ñam ugetetbeqnub.

Jon 8:49 ပူးပေါင်းရင်းမြစ်များ

Jon 11:4

Onaqa Yesus a naŋgo anjam di qusiqa minjrej, “Ma di tamo moiqajqa ma sai. Tamo uŋgasari naŋgi Qotei aqa siŋgila unsib aqa ñam soqtqajqa deqa a ma di oqo. Gam dena e Qotei aqa Ŋiri e dego ñam koba oqai.”

Jon 12:28

O ijo Abu, ni na ino ñam tulaŋ kobaqujatime.” Yesus a anjam degsi marnaqa laŋ goge dena anjam endegsi bej, “E ijo ñam agi kobaqujatonum. Deqa olo kobaqujatqai.”

Jon 14:13

E Qotei aqa Ŋiri deqa niŋgi iŋgi bei qa osib ijo ñam na Qotei pailyqab di e na iŋgi di eŋgwai. Yim dena ijo Abu a ñam koba oqas.

Jon 17:4

“Ino ñam koba ti ino siŋgila ti di e na tamo uŋgasari mandamq endi unub qaji naŋgi osornjroqnem. Osim wau kalil ni na e yqajqa ebem qaji agi yekritem.

Jon 7:20

Onaqa tamo uŋgasari naŋgi na kamba Yesus minjeb, “Mondor uge inoq di unu. Yai naŋgi na ni lumsib moiotmqa mareqnub?”

Jon 8:29

Ijo Abu e qariŋbej qaji a e ombla sosiqa taqbejunu. A na e uratbosaieqnu. Di kiyaqa? E gaigai kumbra kalil a tulaŋ areareteqnu qaji di yeqnum.”

Aposel 5:41

Onaqa naŋgi areboleboleinjrnaqa koro sawa di uratosib gileb. Naŋgi Yesus aqa ñam qa jaqatiŋ eb deqa Qotei a naŋgi qa marej, “Naŋgi Yesus aqa ñam qa siŋgilaonub deqa naŋgi jaqatiŋ oqa kere.” Qotei a naŋgi qa degsi marej deqa naŋgi areboleboleinjrnaq gileb.

1 Korin 11:14

Mandam tamo naŋgo kumbra na iga endegsi poigeqnu, tamo naŋgi gate baŋga mariŋ uratqab di bolesai.

1 Korin 15:43

Tamo naŋgi moreŋonub naŋgo jejamu subq atonub qaji di jejamu uge. Ariya tamo naŋgi subq na tigelqab qaji naŋgo jejamu di tulaŋ boledamu. Tamo naŋgi moreŋonub naŋgo jejamu subq atonub qaji di siŋgila saiqoji. Ariya tamo naŋgi subq na tigelqab qaji naŋgo jejamu di siŋgila ti sqas.

1 Pita 2:23

Agi jeu tamo naŋgi na Kristus misiliŋ-yoqnsib anjam uge uge minjoqneb. Ariya a deqa kamba anjam uge bei naŋgi minjrosaioqnej. Naŋgi na Kristus jaqatiŋ koba yeqnab a deqa kamba naŋgi olo jaqatiŋ enjrqajqa marosaioqnej. A aqa segi jejamu osiqa Qotei aqa baŋq di uratej. Qotei agi tamo kalil naŋgi kumbra bole tiŋtiŋ na peginjreqnu qaji.