Jon 8:37 - Yesus Aqa Anjam Bole

³⁷ “E qalie, niŋgi Abraham aqa moma unub. Ariya ijo anjam nuŋgo are miligiq di sosai. Utru deqa niŋgi e lubsib moiotbqa mareqnub.

Jon 8:37 ပူးပေါင်းရင်းမြစ်များ

Matyu 13:15

Tamo uŋgasari di naŋgo areqalo geteŋnjrejunu. Naŋgo dabkala na ijo anjam quqwajqa asginjreqnu. Naŋgi ŋam bruŋejunub. Deqa naŋgo ŋamdamu na ijo kumbra unqasai. Naŋgo dabkala na ijo anjam qusib aqa utru poinjrqasai. Naŋgi are bulyosib ijoq babqa e na naŋgi boletnjrqasai dego.’ Qotei a nami degsi marej.

Matyu 3:9

Niŋgi endegsib are qalaib, ‘Abraham a gago moma utru. Deqa iga Qotei aqa ŋamdamuq di tamo bole.’ Niŋgi degsib are qalaib. Niŋgi quiye. Qotei na marimqa meniŋ kalil endi dego tamo bulyosib tigelosib marqab, ‘Abraham a gago moma utru.’

Jon 10:31

Onaqa Juda naŋgi Yesus aqa anjam di qusibqa naŋgi a qalib moiqajqa marsib meniŋ eleŋeb.

Jon 11:53

Ariya bati deqa Juda tamo kokba naŋgi Yesus qalib moiqajqa anjam gereiyoqneb.

Jon 5:44

Niŋgi nuŋgo segi was naŋgoq dena ñam koba oqajqa are qaleqnub. Ariya Qotei a segi qujai unu. Niŋgi aqaq dena ñam koba oqajqa are qalosaieqnub. Niŋgi kumbra degyeqnub deqa niŋgi kiersib e qa nuŋgo areqalo siŋgilatqab? Di keresai.

Jon 7:1

Bati bei Yesus a Galili sawaq dia laqnej. A Judia sawaq dia laqajqa uratej. Di kiyaqa? Juda tamo kokba naŋgi a qalib moiqajqa maroqneb deqa.

Jon 7:19

“Nami Moses na niŋgi dal anjam eŋgej. Ariya nuŋgo ambleq di tamo bei a dal anjam di dauryosaieqnu. Kiyaqa niŋgi e lubsib moiotbqa mareqnub?”

Jon 7:25

Ariya bati deqa tamo uŋgasari qudei Jerusalem di soqneb qaji naŋgi Yesus aqa kumbra di unsibqa naŋgi segi segi endegsib maroqneb, “Yesus a kio Juda tamo kokba naŋgi na qalib moiqajqa mareqnub?

Jon 8:33

Onaqa naŋgi na kamba minjeb, “Iga Abraham aqa moma. Iga nami tamo bei aqa kaŋgal tamo laŋaj sosai. Deqa ni kiyaqa mergonum, ‘Une bei na niŋgi ojqa keresai’?”

Jon 8:43

“Kiyaqa niŋgi ijo anjam endi poiŋgosai? Utru endegsi merŋgwai. Niŋgi ijo anjam quqwa keresai deqa.

Jon 8:56

“Nuŋgo moma utru Abraham a nami ijo bqajqa bati unqa marsiqa areboleboleiyonaq soqnej. A unsiqa tulaŋ areboleboleiyej.”

Jon 8:59

Onaqa naŋgi Yesus aqa anjam di qusibqa naŋgi a qa minjiŋ oqetnjrnaqa meniŋ eleŋosib Yesus meniŋ na qalsib moiotqa yonab a loumosiq atra tal uratosiq ulaŋej.

Jon 8:6

Naŋgi Yesus laŋa are qameteb. Naŋgi endegsib are qaleb, “Iga Yesus laŋa are qametonam a anjam bei grotimqa qusim a ojqom.” Onaqa Yesus a kamba naŋgi anjam bei minjrosai. A mana qamsiq turuosiqa baŋ gei na mandamq di neŋgreŋyoqnej.

Aposel 13:26

“O ijo was niŋgi quiye. Qotei na iga Abraham aqa moma iga ti niŋgi sawa bei bei qaji tamo Qotei aqa sorgomq di unub qaji niŋgi ti oqajqa deqa marsiq Yesus aqa anjam qariŋyqo gagoq bqo.

Rom 9:7

Iga endegsi marqasai, “Israel naŋgi Abraham aqa leŋ na ŋambabeb deqa naŋgi kalil aqa aŋgro tiŋtiŋ.” Iga degsi marqasai. Qotei na nami Abraham minjej, “Aisak aqa leŋ na segi ino aŋgro tiŋtiŋ naŋgi brantqab.”

1 Korin 2:14

Ariya tamo naŋgi Qotei aqa Mondor ti sosai qaji naŋgi laŋ qa iŋgi iŋgi di oqa keresai. Di kiyaqa? Naŋgi mareqnub, “Iŋgi iŋgi di bolesai. Di nanari tamo naŋgo iŋgi.” O was qu, iŋgi iŋgi di iga Qotei aqa Mondor aqaq dena eleŋeqnum. Deqa tamo naŋgi Qotei aqa Mondor ti sosai qaji naŋgi iŋgi iŋgi deqa poinjrqa keresai. Tamo naŋgi Mondor ti unub qaji naŋgi segi iŋgi iŋgi deqa poinjrqa kere.

1 Jon 2:14

O ijo aŋgro, niŋgi Abu Qotei qa bole qalieonub. E deqa anjam endi neŋgreŋyosim niŋgi qa qariŋyonum. O abu niŋgi quiye. Tamo nami soqnej agi bini unu qaji a qa niŋgi bole qalieonub. E deqa anjam endi neŋgreŋyosim niŋgi qa qariŋyonum. O aŋgro wala niŋgi quiye. Qotei aqa anjam nuŋgoq di unu deqa niŋgi siŋgila ti sosib Satan gotraŋyoqnsib siŋgila na tigelejunub. E deqa anjam endi neŋgreŋyosim niŋgi qa qariŋyonum.