Jon 8:21 - Yesus Aqa Anjam Bole

²¹ Onaqa Yesus a na olo tamo uŋgasari naŋgi endegsi minjrej, “E niŋgi uratŋgitqa niŋgi e qa ŋamqab e nubqasai. Niŋgi nuŋgo une ti sosibqa moreŋqab. Qure e oqwai qaji di niŋgi oqwa keresai.”

Jon 8:21 ပူးပေါင်းရင်းမြစ်များ

Matyu 23:39

Deqa e niŋgi endegsi merŋgwai. Niŋgi e olo nubqasai. Degsim gilsim gilsim mondoŋ e olo laŋ qureq na boqnitqa niŋgi e nubsibqa marqab, ‘Tamo a bqo di Tamo Koba Qotei aqa ñam na bqo. Deqa Qotei na a tulaŋ qalaqalaiyqas.’”

Matyu 25:41

“Ariya tamo uge ijo baŋ qonaŋq di unub qaji naŋgi endegsi minjrqai, ‘Niŋgi tamo tulaŋ ugedamu. Deqa niŋgi jaraiiye. Jaraiosib aisib ŋamyuo gaigai yuejunu qaji dia soqniye. Satan aqa laŋ aŋgro naŋgi ti dia sqab. Naŋgi dia sqajqa deqa Qotei a nami ŋamyuo di gereiyej.

Matyu 25:46

E na tamo uge ijo baŋ qonaŋq di unub qaji naŋgi degsi minjrsiyqa naŋgo awai uge enjrsiy breinjrit ŋamyuoq aiqab. Dia naŋgi bati gaigai jaqatiŋ oqnsib sqab. Ariya tamo bole ijo baŋ woq di unub qaji naŋgi ŋambile gaigai sqab.”

Jon 12:33

Yesus aqa segi moiqajqa gam di boleq atqa osiqa degsi marej.

Jon 12:35

Onaqa Yesus na minjrej, “Puloŋ a nuŋgo ambleq di sokiñalaysim niŋgi olo uratŋgwas. Puloŋ a nuŋgo ambleq endi unu. Deqa niŋgi puloŋ di osib puloŋq na laqniye. Yimqa ambruiŋgwasai. Tamo ambruq na laqnu qaji a ambruq di sosim qabitqas kio? Di a qalieqasai.

Jon 13:33

O ijo aŋgro niŋgi quiye. E niŋgi koba na sokiñalaysiy uratŋgitqa niŋgi e qa ŋamoqnqab. Qure e oqwai qaji di niŋgi oqwa keresai. Ijo anjam di e nami Juda tamo naŋgi minjroqnem agi bini niŋgi dego olo merŋgonum.

Jon 7:34

Oqitqa niŋgi e qa ŋamqab e nubqasai. Qure e sqai qaji di niŋgi oqwa keresai.”

Jon 7:36

A marqo, ‘Niŋgi e qa ŋamqab e nubqasai. Qure e sqai qaji di niŋgi oqwa keresai.’ Utru kiyaqa a degsi marqo?”

Jon 8:24

Deqa e niŋgi merŋgonum, niŋgi nuŋgo une ti sosibqa moreŋqab. E segi qujai Qotei. Niŋgi deqa nuŋgo areqalo siŋgilatqasai di niŋgi nuŋgo une ti sosibqa moreŋqab.”

Efesus 2:1

Nami niŋgi une yoqnsib laqneb deqa niŋgi moreŋesoqneb. Niŋgi moio tamo buleb.