Jon 8:20 - Yesus Aqa Anjam Bole

²⁰ Yesus a atra tal miligiq di sosiqa tamo uŋgasari naŋgi anjam degsi minjrej. A silali ato qaji warum jojomq di awesoqnej. Warum dia tamo naŋgi Qotei atraiyoqnsibqa silali atoqneb. Yesus ojqa bati kereosaisoqnej deqa tamo bei na a ojosai.

Jon 8:20 ပူးပေါင်းရင်းမြစ်များ

Matyu 26:55

Yesus a na aqa aŋgro di degsi minjsiqa olo qaja tamo naŋgi minjrej, “E leŋ ojo tamo deqa kio niŋgi sebru ti torom ti eleŋosib e ojqa bonub? E bati gaigai atra tal miligiq dia niŋgi koba na sosimqa tamo uŋgasari naŋgi Qotei aqa anjam minjroqnem bati deqa niŋgi yala baŋ waiysib e ojosai.

Matyu 27:6

Onaqa atra tamo kokba naŋgi atra tal meq gilsib silali Judas na breiyej qaji di unsib mareb, “Silali endi tamo qalim moiqajqa aqa awai. Deqa iga silali endi atra tal aqa silali ti turtqasai.”

Mak 12:41

Onaqa bati bei Yesus a olo atra tal miligiq gilsiqa silali ato qaji kulum jojomq di awoej. Awoosiqa ŋam atej tamo uŋgasari naŋgi bosib silali ateqnab unjroqnej. Ñoro tamo gargekoba naŋgi boqnsib silali tulaŋ kokba atoqneb.

Mak 12:43

Waiyonaqa Yesus na unsiqa aqa aŋgro naŋgi metnjrnaqa aqa areq bonabqa minjrej, “Niŋgi quiye. E bole merŋgwai. Uŋa qobul endi a ñoro tulaŋ saiqoji. Aqa meniŋ silali kiñilala aiyel segi naj agi waiyekritqo. Aqa kumbra dena a na ñoro tamo kalil naŋgi buŋnjrsiqa silali kobaquja atqo.

Luk 20:19

Yesus a na atra tamo kokba ti dal anjam qalie tamo naŋgi ti yawo anjam degsi minjrnaqa naŋgi qusib endegsib qalieeb, “Yesus a yawo anjam dena gago jejamu qametgwo.” Naŋgi degsib qalieosibqa minjiŋ oqetnjrnaqa Yesus ojqa mareb. Ariya naŋgi tamo uŋgasari naŋgi tulaŋ ulainjrsib deqa naŋgi Yesus ojqa uratosib jaraieb.

Luk 21:1

Bati bei Yesus a olo atra tal miligiq gilsiqa ŋam atej ñoro tamo naŋgi bosib silali ato qaji kulumq dia silali ateqnab unjroqnej.

Jon 10:39

Onaqa naŋgi Yesus aqa anjam di qusib a ojqa yonab a naŋgi alelnjrsiqa ulaŋej.

Jon 2:4

Onaqa Yesus na minjej, “Ai, di ino wau. Di ijo wau sai. Ijo wauqa bati brantosaiunu.”

Jon 7:14

Ariya yori bati gilsiq ambleqyonaqa Yesus a segi brantosiqa atra tal miligiq gilsiq dia tamo uŋgasari naŋgi Qotei aqa anjam palontosiq minjroqnej.

Jon 7:30

Onaqa naŋgi Yesus aqa anjam di qusibqa naŋgi a ojsib tonto talq di waiyqa mareb. Ariya a ojqa bati kereosaisoqnej deqa tamo bei na a ojosai.

Jon 7:44

Osib tamo qudei naŋgi Yesus ojqa mareb. Mareb di tamo bei na ojosai.

Jon 7:8

Niŋgi Jerusalem gilsib yori bati di uniye. E gilqa keresai. Di kiyaqa? Ijo bati kereosaiunu.”

Jon 8:2

Nobqolo ambru a olo tigelosiqa atra tal miligiq gilej. Gilsiq di sonaqa tamo uŋgasari kalil naŋgi aqa areq beqnabqa a di awesosiqa Qotei aqa anjam palontosiq minjroqnej.

Jon 8:59

Onaqa naŋgi Yesus aqa anjam di qusibqa naŋgi a qa minjiŋ oqetnjrnaqa meniŋ eleŋosib Yesus meniŋ na qalsib moiotqa yonab a loumosiq atra tal uratosiq ulaŋej.