Jon 8:15 - Yesus Aqa Anjam Bole

¹⁵ Niŋgi laŋa mandam qa kumbra na tamo naŋgi peginjreqnub. E tamo naŋgo kumbra qa peginjrosaieqnum.

Jon 8:15 ပူးပေါင်းရင်းမြစ်များ

Luk 12:14

Onaqa Yesus na minjej, “O was, tamo yai na e giltbqoqa e nuŋgo gulube di gereiyqai?”

Jon 12:47

Tamo bei a ijo anjam qusimqa ariya a dauryqasai di e aqa une deqa a pegiyqasai. E na tamo uŋgasari mandamq endi unub qaji naŋgo une qa peginjrqa bosai. E naŋgi oqajqa bem.

Jon 18:36

Onaqa Yesus na minjej, “Mandam endeqa mandor kokba naŋgi na tamo taqatnjreqnub e naŋgi unub dego sai. E mandam endeqaji mandor sai. Tamo e na taqatnjreqnum qaji naŋgi dego mandam endeqaji tamo sai. E mandam endeqaji mandor qamu Juda tamo kokba naŋgi e ojeqnab qamu ijo wau tamo naŋgi ti qotonub qamu.”

Jon 3:17

Qotei a na tamo uŋgasari mandamq endi unub qaji naŋgo kumbra qa naŋgi peginjrqajqa deqa are qalsiq aqa Ŋiri naŋgoq qariŋyosai. A na naŋgi eleŋam naŋgi padalaib deqa are qalsiq aqa Ŋiri qariŋyonaq mandamq aiej.

Jon 7:24

Laŋa ŋamdamu na iŋgi iŋgi tenemtoqnaib. Kumbra bole na iŋgi iŋgi kalil tenemtoqniye.”

Jon 8:11

Onaqa uŋa dena Yesus minjej, “Od, Tamo Koba, tamo bei na ijo une qa olo merbosai.” Onaqa Yesus na minjej, “E dego ino une qa mermqasai. Deqa ni gile. Olo une bei ataim.”

Rom 2:1

Niŋgi qudei tamo naŋgo jejamuq di anjam qametnjreqnub qaji niŋgi segi segi e na endegsi merŋgwai. Ni segi une saiqoji qa marqa keresai. Ni que. Ni na tamo naŋgo jejamuq di anjam qametnjreqnum di ni segi dego ino jejamuq di anjam qameqnum. Di kiyaqa? Kumbra uge naŋgi yeqnub qaji di ni segi dego yeqnum.

1 Korin 2:15

Deqa tamo naŋgi Qotei aqa Mondor ti unub qaji naŋgi laŋ qaji iŋgi iŋgi kalil geregere pegiyeqnub. Ariya tamo bei na naŋgo kumbra pegiyqa keresai.

2 Korin 5:16

Deqa bini iga areqalo namij dauryosim tamo uŋgasari naŋgo kumbra qa peginjrosaieqnum. Bole, nami iga areqalo namij na Kristus aqa kumbra qa pegiyoqnem. Ariya bini iga olo kumbra dena a pegiyosaieqnum.

Jems 2:4

O was qu, niŋgi kumbra degyeqnub deqa niŋgi nuŋgo segi areqalo na tamo naŋgi laŋa peginjreqnub. Agi niŋgi tamo ñam ti naŋgi kumbra bole enjroqnsib olo tamo ñam saiqoji naŋgi kumbra uge enjreqnub. Nuŋgo areqalo uge dena niŋgi tamo naŋgi laŋa peginjreqnub. Niŋgi tamo kalil naŋgi turtnjroqnsib kumbra qujai enjroqnqab di kere.