Jon 7:40 - Yesus Aqa Anjam Bole

⁴⁰ Onaqa tamo uŋgasari qudei naŋgi Yesus aqa anjam di qusib mareb, “Bole, Qotei aqa medabu o qaji tamo kobaquja nami Qotei na qariŋyim bqajqa marej qaji agi a endi.”

Jon 7:40 ပူးပေါင်းရင်းမြစ်များ

Matyu 21:11

Degsib mareqnabqa tamo uŋgasari qudei Yesus dauryosib aioqneb qaji naŋgi na kamba minjreb, “Tamo endi Yesus. A Qotei aqa medabu o qaji tamo bole. Aqa qure utru Nasaret. Nasaret qure agi Galili sawaq di unu.”

Jon 1:21

Onaqa naŋgi na olo nenemyeb, “Di ni tamo yai? Ni Elaija kio?” Onaqa a na minjrej, “Sai.” Onaqa naŋgi na olo minjeb, “Ni Qotei aqa medabu o qaji tamo kobaquja iga a qa tariŋeqnum qaji tamo de kio?” Onaqa a na kamba minjrej, “Sai. E a sai.”

Jon 4:19

Onaqa uŋa dena minjej, “O Tamo Koba, ni anjam di ubtsi merbonum deqa e poibqo, ni Qotei aqa medabu o qaji tamo bole.

Jon 6:14

Tamo uŋgasari kalil naŋgi Yesus aqa maŋwa di unsib deqa maroqneb, “Bole, Qotei aqa medabu o tamo nami Qotei na qariŋyim bqajqa marej qaji agi a di.”

Jon 7:12

Onaqa tamo uŋgasari naŋgi segi segi anjam gargekoba laŋa laŋa Yesus qa maroqneb. Qudei naŋgi mareb, “Yesus a tamo bolequja.” Qudei naŋgi mareb, “Sai. A na tamo uŋgasari naŋgi gisa gisaŋnjreqnu.”

Aposel 28:29

Pol a na Juda tamo kokba naŋgi anjam degsi minjrnaqa naŋgi qusibqa segi segi ŋiriŋkobaosib tigelosib jaraieb.