Jon 7:31 - Yesus Aqa Anjam Bole

³¹ Bati deqa tamo uŋgasari gargekoba naŋgi Yesus qa naŋgo areqalo siŋgilateb. Osib mareb, “Kristus a bosim Qotei aqa maŋwa gargekoba tamo endena babteqnu qaji di buŋyqa keresai.”

Jon 7:31 ပူးပေါင်းရင်းမြစ်များ

Matyu 12:23

Deqa tamo uŋgasari kalil naŋgi Yesus aqa siŋgila di unsibqa naŋgi tulaŋ prugeleŋosib maroqneb, “Tamo di Devit aqa Ŋiri kio?”

Luk 8:13

Saga yago qudei mandam lanjaq di aieb qaji di aqa utru endegsi unu. Tamo qudei naŋgi Qotei aqa anjam qusib tulaŋ areboleboleinjrimqa anjam di oqujatosib naŋgo areq atqab. Ariya naŋgi bati truquyala Qotei qa naŋgo areqalo siŋgilatibqa bunuqna une bei bei naŋgoq bamqa naŋgi Qotei olo uratosib uloŋqab. Di kiyaqa? Naŋgi Qotei aqa anjam naŋgo are miligiq di unu qaji di siŋgila na ojosai deqa.

Jon 11:45

Bati deqa Juda tamo uŋgasari Maria aqa talq dia are latetoqneb qaji naŋgi Yesus aqa siŋgila di unsibqa naŋgo ambleq di tamo gargekoba naŋgi Yesus qa naŋgo areqalo siŋgilateb.

Jon 12:11

Di kiyaqa? Juda tamo uŋgasari tulaŋ gargekoba naŋgi atra tamo kokba naŋgi daurnjrqa uratosib Yesus qa naŋgo areqalo siŋgilatosib a dauryeb.

Jon 12:42

Bole, Juda tamo kokba gargekoba naŋgi are bulyosib Yesus qa naŋgo areqalo siŋgilateb. Ariya naŋgi Farisi naŋgi ulainjrsib deqa naŋgi boleq na Yesus aqa ñam marosaioqneb. Naŋgi are qaleb, “Iga boleq na Yesus aqa ñam marqom di Farisi naŋgi na iga Qotei tal miligiq gilqa saidgwab.”

Jon 2:11

Yesus a Kana qureq dia Qotei aqa maŋwa di babtej. Kana qure agi Galili sawaq di unu. A nami Qotei aqa maŋwa bei babtosaioqnej. Bati deqa qujai a na maŋwa babtqa utru atej. Maŋwa dena a na aqa ñam koba ti aqa siŋgila ti boleq atej. Onaqa aqa aŋgro naŋgi aqa siŋgila di unsibqa naŋgi a qa naŋgo areqalo siŋgilateb.

Jon 3:2

A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”

Jon 4:29

“Niŋgi bosib tamo di uniye. E kumbra nami yoqnem qaji di a na ubtekritqo. Tamo di Kristus kio?”

Jon 4:39

Bati deqa uŋa na Samaria tamo uŋgasari gargekoba qure dia soqneb qaji naŋgi Yesus qa sainjrnaq qusibqa Yesus qa naŋgo areqalo siŋgilateb. Di kiyaqa? Uŋa na endegsi minjrej, “Tamo dena e kumbra nami yoqnem qaji di ubtekritqo.”

Jon 6:2

Nami Yesus a Qotei aqa maŋwa gargekoba babteqnaqa tamo uŋgasari tulaŋ gargekoba naŋgi unoqneb. Agi a na tamo ma ti soqneb qaji naŋgi boletnjreqnaqa tamo uŋgasari naŋgi unoqneb. Deqa Yesus a ya agu taqal beiq gileqnaqa naŋgi a dauryosib giloqneb.

Jon 7:26

Niŋgi uniye. A boleq na anjam mareqnaqa naŋgi a anjam bei minjosaieqnub. Naŋgi qalieonub kio, tamo di a Kristus?

Jon 9:16

Onaqa Farisi qudei naŋgi endegsib mareb, “Iga qalie, Qotei na Yesus qariŋyosai. Di kiyaqa? A yori bati gentqo deqa.” Ariya tamo qudei naŋgi mareb, “Sai. Une tamo a kiersim maŋwa deqaji babtqas?” Farisi naŋgi anjam deqa ŋiri ŋiriŋosib poaiyeleb.

Aposel 8:13

Onaqa quñam tamo Saimon a dego Filip aqa anjam di qusiqa quñam uratosiq are bulyosiq aqa areqalo Yesus qa siŋgilatej. Deqa Filip na Saimon dego osiq yansej. Yansonaqa Saimon a Filip daurysiq laqnsiqa Qotei na Filip aqa baŋ na maŋwa gargekoba yeqnaq unoqnsiqa tulaŋ koba prugoqnej.

Jems 2:26

Iga qalie, tamo aqa jejamu a mondor ti sqasai di a moiqas. Dego kere tamo bei a Kristus qa aqa areqalo laŋa siŋgilatosim a olo kumbra bole bei babtqasai di a tamo moisiq aqa jejamu laŋa unu dego bul sqas.