Jon 7:30 - Yesus Aqa Anjam Bole

³⁰ Onaqa naŋgi Yesus aqa anjam di qusibqa naŋgi a ojsib tonto talq di waiyqa mareb. Ariya a ojqa bati kereosaisoqnej deqa tamo bei na a ojosai.

Jon 7:30 ပူးပေါင်းရင်းမြစ်များ

Matyu 12:14

Onaqa Farisi naŋgi Yesus aqa kumbra di unsibqa naŋgi Qotei tal uratosib oqedosib naŋgi gam kiersib Yesus qalib moiqajqa deqa qairoqneb.

Matyu 21:46

Naŋgi degsib qalieosib deqa naŋgi Yesus ojqa mareb. Ariya tamo uŋgasari kalil naŋgi maroqneb, “Yesus a Qotei aqa medabu o qaji tamo bole.” Deqa naŋgi tamo uŋgasari naŋgi ulainjrsib Yesus ojqa urateb.

Mak 11:18

Onaqa atra tamo kokba ti dal anjam qalie tamo naŋgi ti Yesus aqa anjam di qusibqa naŋgi a qa ulaosib a qalib moiqajqa gam ŋamoqneb. Di kiyaqa? Tamo uŋgasari kalil naŋgi Yesus aqa anjam quqwajqa tulaŋ arearetnjroqnej deqa.

Luk 20:19

Yesus a na atra tamo kokba ti dal anjam qalie tamo naŋgi ti yawo anjam degsi minjrnaqa naŋgi qusib endegsib qalieeb, “Yesus a yawo anjam dena gago jejamu qametgwo.” Naŋgi degsib qalieosibqa minjiŋ oqetnjrnaqa Yesus ojqa mareb. Ariya naŋgi tamo uŋgasari naŋgi tulaŋ ulainjrsib deqa naŋgi Yesus ojqa uratosib jaraieb.

Luk 22:53

E nami koba atra tal miligiq dia niŋgi koba na sosim anjam merŋgoqnem bati deqa niŋgi yala baŋ waiysib e ojosai. Ariya bini nuŋgo bati brantqo. Endego ambru aqa siŋgila agi brantqo.”

Jon 10:31

Onaqa Juda naŋgi Yesus aqa anjam di qusibqa naŋgi a qalib moiqajqa marsib meniŋ eleŋeb.

Jon 10:39

Onaqa naŋgi Yesus aqa anjam di qusib a ojqa yonab a naŋgi alelnjrsiqa ulaŋej.

Jon 11:57

Naŋgi degsib maroqneb. Di kiyaqa? Atra tamo kokba ti Farisi ti naŋgi na tamo uŋgasari naŋgi nami endegsib minjreb, “Tamo bei a Yesus qabi soqnimqa unsim bosim iga mergem. Yim iga Yesus ojsim tonto talq waiyqom.”

Jon 7:19

“Nami Moses na niŋgi dal anjam eŋgej. Ariya nuŋgo ambleq di tamo bei a dal anjam di dauryosaieqnu. Kiyaqa niŋgi e lubsib moiotbqa mareqnub?”

Jon 7:32

Tamo uŋgasari naŋgi anjam degsib Yesus qa mareqnab Farisi naŋgi qusibqa atra tamo kokba naŋgi ti koroosib qaja tamo qudei naŋgi qariŋnjrnabqa Yesus ojqa gileb.

Jon 7:6

Onaqa Yesus na kamba minjrej, “Ijo bati kereosaiunu. Ariya bati kalil di nuŋgo bati.

Jon 7:8

Niŋgi Jerusalem gilsib yori bati di uniye. E gilqa keresai. Di kiyaqa? Ijo bati kereosaiunu.”

Jon 8:20

Yesus a atra tal miligiq di sosiqa tamo uŋgasari naŋgi anjam degsi minjrej. A silali ato qaji warum jojomq di awesoqnej. Warum dia tamo naŋgi Qotei atraiyoqnsibqa silali atoqneb. Yesus ojqa bati kereosaisoqnej deqa tamo bei na a ojosai.

Jon 8:37

“E qalie, niŋgi Abraham aqa moma unub. Ariya ijo anjam nuŋgo are miligiq di sosai. Utru deqa niŋgi e lubsib moiotbqa mareqnub.

Jon 8:59

Onaqa naŋgi Yesus aqa anjam di qusibqa naŋgi a qa minjiŋ oqetnjrnaqa meniŋ eleŋosib Yesus meniŋ na qalsib moiotqa yonab a loumosiq atra tal uratosiq ulaŋej.

Jon 9:4

Sawa suwaŋesoqnimqa ijo Abu e qariŋbej qaji aqa wau yoqnqom. Ambruamqa tamo naŋgi wauqa keresai.