Jon 7:28 - Yesus Aqa Anjam Bole

²⁸ Onaqa Yesus a atra tal miligiq di sosiqa a na tamo uŋgasari naŋgi Qotei aqa anjam palontosiq minjroqnej. Osiqa leleŋosiq endegsi minjrej, “Niŋgi are qalonub, niŋgi e qa qalie. E qabe na bem di niŋgi qalie e? Ariya e ijo segi areqalo na bosai. Ijo Abu na e qariŋbonaq bem. Ijo Abu a segi kumbra bole qa utru. Ariya niŋgi a qa qaliesai.

Jon 7:28 ပူးပေါင်းရင်းမြစ်များ

Matyu 11:27

Yesus a degsi Qotei pailyej. Osiqa marej, “Ijo Abu na iŋgi iŋgi kalil ijo baŋq di ateleŋej unu. E Qotei aqa Ŋiri. Tamo bei a e qa qaliesai. Ijo Abu a segi e qa qalie. Tamo bei a ijo Abu qa qaliesai dego. E segi ijo Abu qa qalie. Ariya e na tamo qudei naŋgi ijo Abu osornjreqnum. Naŋgi dego ijo Abu qa qalie.

Matyu 2:23

Onaqa Josep a Qotei aqa anjam di dauryosiqa Galili sawaq gilej. Gilsiq qure bei aqa ñam Nasaret di soqnej. A di soqnej deqa anjam bei Qotei aqa medabu o tamo qudei naŋgi nami maroqneb qaji di aqa damu brantej. Naŋgi endegsib maroqneb, “Naŋgi a qa maroqnqab, ‘A Nasaret tamo.’”

Matyu 26:55

Yesus a na aqa aŋgro di degsi minjsiqa olo qaja tamo naŋgi minjrej, “E leŋ ojo tamo deqa kio niŋgi sebru ti torom ti eleŋosib e ojqa bonub? E bati gaigai atra tal miligiq dia niŋgi koba na sosimqa tamo uŋgasari naŋgi Qotei aqa anjam minjroqnem bati deqa niŋgi yala baŋ waiysib e ojosai.

Luk 10:22

Yesus a degsi Qotei pailyej. Osiqa marej, “Ijo Abu na iŋgi iŋgi kalil ijo baŋq di ateleŋej unu. E segi Qotei aqa Ŋiri. Tamo bei a e qa qaliesai. Ijo Abu a segi e qa qalie. Tamo bei a ijo Abu qaliesai dego. E segi ijo Abu qa qalie. Ariya e na tamo qudei naŋgi ijo Abu osornjrqa areibqas di osornjrqai. Yimqa naŋgi dego ijo Abu qa qalieqab.”

Luk 2:11

Anjam bole agiende. Bini Qotei na aqa segi Ŋiri qariŋyqoqa Devit aqa qure utruq dia ŋambabqo. A gago Tamo Koba Kristus. A na qujai tamo uŋgasari naŋgi eleŋamqa naŋgi ŋambile gaigai sqab. Naŋgi padalqasai.

Luk 2:39

Maria wo Josep wo naŋgi Jerusalem dia Tamo Koba Qotei aqa dal anjam kalil dauryekritosib naŋgi olo puluosib Galili sawaq gilsib naŋgo segi qure utru Nasaret di soqneb.

Luk 2:4

Onaqa Josep a Nasaret qureq dena tigelosiqa Devit aqa qure utruq oqej. Nasaret qure a Galili sawaq di unu. Devit aqa qure utru aqa ñam Betlehem. Betlehem a Judia sawaq di unu. Josep a deq oqej. Di kiyaqa? A Devit aqa leŋ dena ŋambabej deqa.

Luk 2:51

Onaqa Yesus a tigelosiqa aqa ai wo abu wo naŋgi daurnjrsiqa Nasaret qureq gileb. Gilsib dia a naŋgo aiyel anjam geregere dauryoqnsiqa naŋgo sorgomq di soqnej. Onaqa aqa aniqali na aqa kumbra di unsiqa tulaŋ arearetonaqa aqa areqaloq di atnaq soqnej.

Jon 1:46

Onaqa Nataniel na kamba Filip minjej, “Nasaret di qure kobaquja sai. Di qure kiñala. Kristus a qure dena bqa kere kio?” Onaqa Filip na minjej, “Ni bosim tamo di unime.”

Jon 10:36

Ariya ijo Abu a segi na e giltbosiqa qariŋbonaq mandamq aiem. Deqa e maronum, ‘E Qotei aqa Ŋiri.’ E degsi maronumqa niŋgi kiyaqa merbonub, ‘Ni Qotei aqa sawa osim maronum, “E segi Qotei?” ’

Jon 12:49

E ijo segi areqalo na anjam endi marosaieqnum. Ijo Abu e qariŋbej qaji a na anjam merbeqnaqa quoqnsim agi mareqnum.

Jon 14:10

E ijo Abu beteryejunum a dego e beterbejunu di ni poimosai kio? Anjam e na niŋgi merŋgeqnum qaji endi ijo segi areqalo na marosai. Ijo Abu na e beterbesosiqa aqa wau ojeqnu.

Jon 14:31

Ariya ijo areqalo agiende. Tamo uŋgasari mandamq endi unub qaji naŋgi endegsib qalieqab, e na ijo Abu tulaŋ qalaqalaiyeqnum deqa aqa anjam kalil a na e merbeqnu qaji di e olo dauryeqnum. Ariya niŋgi tigelab iga gilqom.”

Jon 16:3

Naŋgi aqo ijo Abu wo qa qaliesai deqa naŋgi na niŋgi degŋgwab.

Jon 17:25

O Abu, ino kumbra kalil tulaŋ tiŋtiŋo. Mandam endeqa tamo uŋgasari naŋgi ni qa qaliesai. Ariya e ni qa qalie. Ijo segi tamo uŋgasari naŋgi dego ni qa qalie. Deqa naŋgi qalieonub, ni na e qariŋbonam bem.

Jon 17:3

Ŋambile gaigai sqajqa kumbra agiende. Tamo ŋambile gaigai sqab qaji naŋgi ni qa qalieqab. Agi ni segi Qotei bole. E Yesus Kristus qa dego naŋgi qalieqab. Agi ni na e qariŋbonam bem.

Jon 3:2

A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”

Jon 3:33

Tamo naŋgi Yesus aqa anjam ojeqnub qaji naŋgi a qa naŋgo areqalo siŋgilatoqnsib mareqnub, “Bole, Qotei a anjam bole qa utru.” Naŋgi degsib mareqnub.

Jon 5:32

Ariya tamo bei unu agi Qotei. A na dego ijo wau ti ijo kumbra ti ubtsiq mareqnu. E qalieonum, anjam a mareqnu qaji di anjam bole.

Jon 5:43

E ijo Abu aqa ñam na bonamqa niŋgi ijo anjam osai. Tamo bei aqa segi ñam na bqas di niŋgi aqa anjam oqujatqab.

Jon 6:42

Yomuoqnsib maroqneb, “Tamo di Yesus. A Josep aqa ŋiri. Aqa ai wo abu wo naŋgi qa iga qalie. A kiyaqa marqo, ‘E laŋ qure uratosim mandamq aiem’?”

Jon 7:14

Ariya yori bati gilsiq ambleqyonaqa Yesus a segi brantosiqa atra tal miligiq gilsiq dia tamo uŋgasari naŋgi Qotei aqa anjam palontosiq minjroqnej.

Jon 8:14

Onaqa Yesus na kamba minjrej, “Di bole. E ijo segi kumbra qa anjam mareqnum. Ariya tamo naŋgi ijo anjam quetbqa kere. Di kiyaqa? E qabe na bem di e segi qalie bole. E qabitsiy puluosiy olo oqwai di dego e qalie. Ariya e qabe na bem di niŋgi qaliesai. E qabitsiy puluosiy olo oqwai di dego niŋgi qaliesai.

Jon 8:16

Ariya e na tamo naŋgo kumbra qa naŋgi peginjrqai di tamo naŋgi ijo anjam quetbqa kere. Di kiyaqa? E segi na tamo naŋgi peginjrosaieqnum. Ijo Abu e qariŋbej qaji a ombla na wauoqnsim tamo naŋgi peginjreqnum.

Jon 8:19

Onaqa Farisi naŋgi na Yesus nenemyeb, “Ino Abu qabi unu?” Onaqa Yesus na kamba minjrej, “Niŋgi e qa qaliesai deqa ijo Abu qa dego niŋgi qaliesai. Niŋgi e qa qalie qamu niŋgi ijo Abu qa dego qalie qamu.”

Jon 8:26

E nuŋgo kumbra qa anjam gargekoba merŋgwajqa ijo areqaloq di unu. Deqa e nuŋgo kumbra qa niŋgi pegiŋgwai. Ariya ijo Abu e qariŋbej qaji a anjam bole qa utru. Deqa anjam kalil a na merbeqnu qaji di e quoqnsim tamo uŋgasari mandamq endi unub qaji naŋgi minjreqnum.” Yesus a na naŋgi degsi minjrej.

Jon 8:42

Onaqa Yesus na minjrej, “Qotei a nuŋgo Abu qamu niŋgi e qalaqalaibonub qamu. Di kiyaqa? E Qotei aqaq dena bem deqa. E ijo segi areqalo na bosai. Qotei na e qariŋbonaq bem.

Jon 9:29

Iga qalie, nami Qotei a bole Moses anjam minjoqnej. Ariya Yesus a qabe na kio bej di iga qaliesai.”

Aposel 17:23

E nuŋgo qure ambleq dia walweloqnsimqa nuŋgo atra bijal kalil uneleŋosim gilsim atra bijal bei dego unonum. Atra bijal di aqa quraq di anjam endegsi neŋgreŋyonab sonaq unonum, ‘Atra bijal endi qotei bei iga qaliesai qaji aqa atra bijal.’ O Atens tamo uŋgasari niŋgi ijo anjam endi quiye. E Qotei deqa merŋgwai. A Qotei bole. Niŋgi a qa qaliesai. Niŋgi a qa laŋa loueqnub.

Rom 1:28

Naŋgi Qotei aqa sorgomq di sqajqa are qalosaieqnub deqa Qotei a na naŋgi uratnjreqnaqa naŋgi naŋgo segi areqalo uge uge dauryoqnsib kumbra uge uge yeqnub.

Rom 3:4

O was qu, iga degsi marqasai. Iga endegsi marqom. Tamo kalil naŋgi gisaŋ tamo. Ariya Qotei a segi qujai gisaŋ tamo sai. A anjam bole segi gaigai mareqnu. Agi Qotei aqa anjam bei nami endegsib neŋgreŋyeb unu, “O Qotei, ni gaigai kumbra tiŋtiŋ na e pegibeqnum. Ariya tamo qudei naŋgi na ni pegimqa maribqa ni na olo naŋgi buŋnjrsim ni une saiqoji sqam.”

2 Korin 1:18

Qotei a na aqa segi anjam kalil dauryeqnu deqa e dego anjam bole segi niŋgi merŋgeqnum. Deqa e laŋa odoqnsim olo saidosaieqnum.

2 Korin 4:6

Tulaŋ nami Qotei a iŋgi iŋgi kalil gereiyqa osiqa a endegsi marej, “Ambruq dena suwaŋ brantqas.” Ariya bunuqna Qotei aqa suwaŋ di iga qa bosiqa gago are miligi suwantetgej deqa iga Kristus aqa ulatamu uneqnum. Dena iga suwaŋ bole unsimqa Qotei aqa riaŋ ti aqa siŋgila ti geregere poigeqnu.

Taitus 1:2

E na naŋgi aqaryainjritqa naŋgi ŋambile qa tariŋoqnsib sqajqa deqa e waueqnum. Ŋambile di agi Qotei na naŋgi enjrimqa naŋgi ŋambile gaigai sqab. Tulaŋ nami Qotei a iŋgi iŋgi kalil atosaisosiqa a na ŋambile di iga egwajqa marej. A bole marej. A gisaŋosaieqnu.

Hibru 6:18

Deqa Qotei aqa kumbra aiyel unu. A na aqa anjam di Abraham minjej. Osiqa aqa anjam di siŋgilatej. Aqa kumbra aiyel di unu deqa a na aqa anjam di olo bulyqa keresai. A gisaŋqa keresai dego. Deqa iga tamo uŋgasari Qotei aqa areq gileqnum qaji iga aqa anjam deqa are qaloqnsim gago are siŋgilatoqnsim iŋgi bole bole Qotei a nami iga egwa marej qaji di oqajqa tariŋesqom.

1 Jon 5:10

Tamo bei a Qotei aqa Ŋiri qa aqa areqalo siŋgilatqas di aqa Ŋiri qa anjam dego aqa are miligiq di siŋgilatim sqas. Ariya tamo bei a Qotei aqa anjam aqa areqaloq di siŋgilatqasai di a na Qotei aqa ñam ugetosim Qotei a gisaŋ tamo qa minjobulqas. Di kiyaqa? A Qotei aqa Ŋiri qa anjam Qotei na iga mergeqnu qaji di aqa areqaloq di siŋgilatosai deqa.