Jon 7:26 - Yesus Aqa Anjam Bole

²⁶ Niŋgi uniye. A boleq na anjam mareqnaqa naŋgi a anjam bei minjosaieqnub. Naŋgi qalieonub kio, tamo di a Kristus?

Jon 7:26 ပူးပေါင်းရင်းမြစ်များ

Matyu 22:16

Qairosib anjam kereonaq naŋgo aŋgro qudei Herot aqa wau tamo qudei ti qariŋnjrnab Yesus aqa areq bosib gisaŋyosib minjeb, “O Qalie Tamo Koba, iga qalie, ni anjam bole maro qaji tamo. Ni anjam bole segi tamo uŋgasari naŋgi minjroqnsim Qotei aqa kumbra osornjreqnum. Ni tamo bei ulaiyosaieqnum. Ni tamo ñam ti naŋgi anjam bei minjroqnsim olo tamo ñam saiqoji naŋgi anjam bei minjrosaieqnum. Ni anjam qujai tamo kalil naŋgi minjreqnum.

Luk 23:13

Onaqa Pailat na atra tamo kokba ti Juda gate kokba ti tamo uŋgasari kalil naŋgi ti metnjrnaqa aqa areq bosib koroonabqa endegsi minjrej, “Niŋgi Yesus osib ijo areq di tigeltosib merbonub, ‘Tamo endena tamo uŋgasari naŋgi kumbra uge uge yqajqa deqa areqalo tigeltetnjreqnu.’ Ariya niŋgi quiye. Yesus a segi ijo areq di tigelesonaqa aqa kumbra deqa e na geregere nenemyonumqa niŋgi quonub. Ariya anjam kalil niŋgi aqa jejamuq di qameqnub qaji di e quonum ugeibqo. E aqa jejamuq di une bei itosai.

Luk 7:30

Ariya Farisi naŋgi ti dal anjam qalie tamo naŋgi ti Jon na yansnjrqa urateb deqa naŋgi gam bole Qotei na osornjrej qaji di qoreiyeb.

Jon 12:42

Bole, Juda tamo kokba gargekoba naŋgi are bulyosib Yesus qa naŋgo areqalo siŋgilateb. Ariya naŋgi Farisi naŋgi ulainjrsib deqa naŋgi boleq na Yesus aqa ñam marosaioqneb. Naŋgi are qaleb, “Iga boleq na Yesus aqa ñam marqom di Farisi naŋgi na iga Qotei tal miligiq gilqa saidgwab.”

Jon 18:20

Onaqa Yesus na kamba minjej, “E boleq na tamo uŋgasari naŋgi ijo anjam minjroqnem. E bati gaigai Juda naŋgo Qotei tal miligiq dia, atra tal miligiq dia, naŋgo koro sawaq dia ijo anjam palontosim minjroqnem. E uliosim anjam minjrosaioqnem.

Jon 3:1

Jerusalem dia tamo bei soqnej aqa ñam Nikodemus. A Farisi tamo. A Juda naŋgo gate bei.

Jon 4:29

“Niŋgi bosib tamo di uniye. E kumbra nami yoqnem qaji di a na ubtekritqo. Tamo di Kristus kio?”

Jon 7:25

Ariya bati deqa tamo uŋgasari qudei Jerusalem di soqneb qaji naŋgi Yesus aqa kumbra di unsibqa naŋgi segi segi endegsib maroqneb, “Yesus a kio Juda tamo kokba naŋgi na qalib moiqajqa mareqnub?

Jon 7:31

Bati deqa tamo uŋgasari gargekoba naŋgi Yesus qa naŋgo areqalo siŋgilateb. Osib mareb, “Kristus a bosim Qotei aqa maŋwa gargekoba tamo endena babteqnu qaji di buŋyqa keresai.”

Jon 7:48

Niŋgi uniye. Juda tamo koba bei Yesus qa aqa areqalo siŋgilatosai. Farisi tamo bei dego Yesus qa aqa areqalo siŋgilatosai. Sai bolesai.

Jon 9:22

Aqa ai wo abu wo naŋgi Juda tamo kokba naŋgi ulainjrsib deqa anjam degsib minjreb. Juda tamo kokba naŋgi nami maroqneb, “Tamo bei na marqas, ‘Yesus a bole Kristus,’ degsi marimqa tamo di iga taqalq waiyonam a bunu olo Qotei tal miligiq gilqasai.”

Aposel 4:13

Pita wo Jon wo naŋgi siŋgila na tigelosib anjam di maroqneb naŋgi ulaosai. Deqa Juda tamo kokba naŋgi are koba qaloqneb. Di kiyaqa? Naŋgi qalieeb, naŋgi aiyel nami skul beiq gilosai. Naŋgi tamo laŋaj. Degsib qalieosib mareb, “Naŋgi aiyel nami Yesus ombla laqneb deqa anjam siŋgila na mareqnub.”

Filipai 1:14

E tonto talq endia unum deqa Kristen was gargekoba naŋgi kamba siŋgilaoqnsib Tamo Koba Qotei qa naŋgo areqalo siŋgilateqnub. Osib deqa naŋgi ulaosaieqnub. Naŋgi Qotei aqa anjam siŋgila na mareqnub.