Jon 7:20 - Yesus Aqa Anjam Bole

²⁰ Onaqa tamo uŋgasari naŋgi na kamba Yesus minjeb, “Mondor uge inoq di unu. Yai naŋgi na ni lumsib moiotmqa mareqnub?”

Jon 7:20 ပူးပေါင်းရင်းမြစ်များ

Matyu 10:25

Aŋgro a kobaqujaosimqa di aqa abu ombla kerekereqab. Kaŋgal tamo a powo koba osimqa di aqa tamo koba ombla kerekereqab. Jeu tamo naŋgi na tal aqa abu a ñam Belsebul waiyeqnub. Deqa iga qalieonum, naŋgi na aqa aŋgro naŋgi ñam tulaŋ ugedamu wainjrqab.”

Matyu 12:24

Naŋgi degsib mareqnabqa Farisi naŋgi qusibqa saidnjrsib minjreb, “Sai. Mondor uge naŋgo gate koba Belsebul a Yesus aqa jejamuq di unu. Deqa siŋgila dena Yesus na mondor uge naŋgi winjreqnu.”

Matyu 9:34

Onaqa Farisi naŋgi Yesus aqa maŋwa di unsib maroqneb, “Mondor uge naŋgo gate koba Satan a Yesus aqa jejamuq di unu. Deqa siŋgila dena Yesus na mondor uge naŋgi winjreqnu.”

Mak 3:30

Yesus a na dal anjam qalie tamo naŋgi anjam degsi minjrej. Di kiyaqa? Naŋgi maroqneb, “Yesus a mondor uge ti.”

Jon 10:20

Osib tamo gargekoba naŋgi endegsib mareb, “Yesus a mondor uge ti unu. Deqa a tulaŋ nanariqo. Niŋgi kiyaqa aqa anjam queqnub?”

Jon 8:48

Onaqa Juda naŋgi Yesus aqa anjam di qusibqa minjeb, “Iga bole maronum, ni Samaria qaji tamo. Mondor uge inoq di unu.”

Jon 8:49

Onaqa Yesus na kamba minjrej, “Mondor uge ijoq di sosai. E ijo Abu aqa ñam soqteqnum. Ariya niŋgi na olo ijo ñam ugetetbeqnub.

Jon 8:52

Onaqa Juda naŋgi na minjeb, “Endego iga qalieonum, mondor uge inoq di unu. Abraham a moiej. Qotei aqa medabu o qaji tamo kalil naŋgi dego moreŋekriteb. Ariya ni maronum, ‘Tamo bei na ijo anjam qusim dauryqas di a olo moiqa keresai.’

Aposel 26:24

Pol a anjam degsi marsiq gileqnaqa Festus na aqa anjam gentosiqa leleŋosiq minjej, “Pol, ni nanarionum. Ino qalie kobaquja dena ni tulaŋ nanaritmqo.”