Jon 7:19 - Yesus Aqa Anjam Bole

¹⁹ “Nami Moses na niŋgi dal anjam eŋgej. Ariya nuŋgo ambleq di tamo bei a dal anjam di dauryosaieqnu. Kiyaqa niŋgi e lubsib moiotbqa mareqnub?”

Jon 7:19 ပူးပေါင်းရင်းမြစ်များ

Matyu 12:14

Onaqa Farisi naŋgi Yesus aqa kumbra di unsibqa naŋgi Qotei tal uratosib oqedosib naŋgi gam kiersib Yesus qalib moiqajqa deqa qairoqneb.

Matyu 21:38

Aieqnaqa wau taqato tamo naŋgi a unsibqa naŋgi segi segi qairosib mareb, ‘Tamo a bqo endi wau lanja aqa segi ŋiri. A na aqa abu aqa iŋgi iŋgi kalil oqas. Deqa iga a qalsim moiotosimqa wau endi iga na oqom.’

Mak 11:18

Onaqa atra tamo kokba ti dal anjam qalie tamo naŋgi ti Yesus aqa anjam di qusibqa naŋgi a qa ulaosib a qalib moiqajqa gam ŋamoqneb. Di kiyaqa? Tamo uŋgasari kalil naŋgi Yesus aqa anjam quqwajqa tulaŋ arearetnjroqnej deqa.

Mak 3:4

Degsi minjnaqa tigelosiqa Yesus aqa areq gileqnaqa Yesus na Farisi naŋgi nenemnjrej, “Iga yori bati qa kumbra bole yqom kio kumbra uge yqom kio? Tamo bei a padalqa laqnimqa iga na aqaryaiyonam a bole sqas di kere kio iga na uratonam a padalqas di kere kio? Dal anjam a kiersi marqo? Niŋgi merbiye.” Onaqa Farisi naŋgi kamba olo anjam bei Yesus minjosai. Naŋgi mequmesoqneb.

Mak 3:6

Onaqa Farisi naŋgi Yesus aqa maŋwa di unsibqa naŋgi a qa minjiŋ oqetnjrnaqa Qotei tal uratosib oqedosib Herot aqa wau tamo naŋgi ti koba na koroosib naŋgi gam kiersib Yesus qalib moiqajqa deqa qairoqneb.

Jon 1:17

Bole, nami Qotei a Moses aqa baŋ na iga dal anjam egej. Ariya Yesus Kristus aqa wau na Qotei a iga qa are tulaŋ boleiyeqnu. A segi anjam bole qa utru.

Jon 10:39

Onaqa naŋgi Yesus aqa anjam di qusib a ojqa yonab a naŋgi alelnjrsiqa ulaŋej.

Jon 11:53

Ariya bati deqa Juda tamo kokba naŋgi Yesus qalib moiqajqa anjam gereiyoqneb.

Jon 5:16

Onaqa Juda tamo kokba naŋgi Yesus ugeugeiyqajqa maroqneb. Di kiyaqa? A maŋwa di yori bati qa yoqnej deqa.

Jon 5:18

Onaqa Juda tamo kokba naŋgi Yesus aqa anjam di qusibqa naŋgi a qalib moiqajqa naŋgo areqalo torei siŋgilaeb. Di kiyaqa? A yori bati segi gentosai. A dego marej, “Qotei a ijo Abu.” Aqa anjam dena a segi qa marej, “Aqo Qotei wo ombla kerekere.” Utru deqa naŋgi Yesus qalib moiqajqa naŋgo areqalo torei siŋgilaeb.

Jon 5:45

“E ijo Abu aqa ŋamgalaq dia nuŋgo une qa pegiŋgwai edegaib. Nuŋgo une qa pegiŋgwajqa tamo qujai agi Moses. Niŋgi are qaleqnub, Moses a na niŋgi aqaryaiŋgwas. Di sai.

Jon 7:1

Bati bei Yesus a Galili sawaq dia laqnej. A Judia sawaq dia laqajqa uratej. Di kiyaqa? Juda tamo kokba naŋgi a qalib moiqajqa maroqneb deqa.

Jon 7:25

Ariya bati deqa tamo uŋgasari qudei Jerusalem di soqneb qaji naŋgi Yesus aqa kumbra di unsibqa naŋgi segi segi endegsib maroqneb, “Yesus a kio Juda tamo kokba naŋgi na qalib moiqajqa mareqnub?

Aposel 7:38

Moses qujai dena Israel tamo uŋgasari naŋgi joqsiq wadau sawaq dia korooqneb. Di gago moma naŋgi. Moses qujai di Sainai manaq oqsiqa dia laŋ aŋgro na anjam minjej qaji a ombla soqneb. Sosibqa Moses na ŋambile gaigai sqajqa anjam Qotei aqaq dena yaiyosiqa gago moma naŋgi enjrej.

Galesia 3:19

A laŋa yqa minjej deqa a bunuqna kiyaqa olo dal anjam atej? E marqai. A gago une boleq atqa osiq deqa dal anjam atej. A endegsi are qalej. Dal anjam a soqnim bati deqa Abraham aqa moma qujai a qa nami marej qaji di brantqas. A deqa are qalsiq dal anjam atej. Dal anjam di Qotei na aqa laŋ aŋgro naŋgi enjrnaqa Moses a Qotei ti Israel naŋgi ti naŋgo ambleq di tigelesonaqa laŋ aŋgro naŋgi dena dal anjam di palontosib Moses minjnabqa a na kamba iga egej.

Galesia 6:13

Tamo naŋgi muluŋ aieqnub qaji naŋgi di Qotei aqa dal anjam geregere dauryosaieqnub. Ariya naŋgi niŋgi muluŋ breiŋgwa are qaleqnub. Osib dena naŋgi ñam koba oqajqa deqa.