Jon 7:15 - Yesus Aqa Anjam Bole

¹⁵ Onaqa Juda tamo kokba naŋgi Yesus aqa anjam di qusibqa naŋgi are koba qaloqnsib segi segi maroqneb, “Yesus a powo kobaquja di qabe na osiqa anjam mareqnu? A nami skul beiq gilosai.”

Jon 7:15 ပူးပေါင်းရင်းမြစ်များ

Matyu 13:54

Osiqa aqa segi qure utruq gilej. Gilsiq di sonaqa yori batiej. Deqa a Juda naŋgo Qotei tal miligiq gilsiqa tamo uŋgasari gargekoba sonabqa tigelosiqa Qotei aqa anjam palontosiq minjroqnej. Minjreqnaqa tamo uŋgasari naŋgi aqa anjam qusibqa naŋgi tulaŋ prugeleŋosib maroqneb, “Yesus a powo qabe na osiqa anjam siŋgila endeqaji palontosiq mergeqnu? A kiersim maŋwa endeqaji babteleŋeqnu?

Matyu 22:22

Onaqa naŋgi Yesus aqa anjam di qusibqa naŋgi tulaŋ prugeleŋeb. Osib naŋgi Yesus uratosib jaraieb.

Matyu 22:33

Onaqa tamo uŋgasari kalil naŋgi Yesus aqa anjam di qusibqa naŋgi tulaŋ prugeleŋeb.

Luk 2:47

Aqa powo tulaŋ kobaquja. Deqa a dal anjam qalie tamo naŋgo anjam qusiq kamba anjam bole bole minjreqnaqa tamo uŋgasari naŋgi qusibqa tulaŋ prugeleŋoqneb.

Luk 4:22

Degsi minjrnaqa naŋgi kalil aqa anjam di qusibqa naŋgi areboleboleinjrnaqa mareb, “Yesus aqa anjam di bolequja.” Naŋgi degsi marsibqa olo areqalo kobaiyoqnsib maroqneb, “Yesus a Josep aqa ŋiri. Deqa a powo qabe na osiqa anjam bole endeqaji palontosiq mergeqnu?”

Jon 1:19

Bati bei Juda tamo kokba naŋgi na atra tamo kokba ti Livai naŋgi ti qariŋnjrnabqa naŋgi Jerusalem qure uratosib Jon aqa areq gilsib nenemyeb, “Ni tamo yai?”

Jon 7:11

Ariya yori bati di brantonaqa Juda tamo kokba naŋgi Jerusalem dia Yesus qa ŋamoqneb. Ŋamosib maroqneb, “Yesus a qabi unu?”

Jon 7:13

Naŋgi degsib maroqneb. Ariya naŋgi Juda tamo kokba naŋgi ulainjrsib deqa naŋgi a qa boleq na anjam marosaioqneb.

Jon 7:46

Onaqa qaja tamo naŋgi na kamba minjreb, “Iga Yesus aqa anjam quonum di anjam bolequja maroqnaj. Tamo bei nami anjam deqaji marosaioqnej. Deqa iga a ojosai.”

Aposel 26:24

Pol a anjam degsi marsiq gileqnaqa Festus na aqa anjam gentosiqa leleŋosiq minjej, “Pol, ni nanarionum. Ino qalie kobaquja dena ni tulaŋ nanaritmqo.”

Aposel 4:13

Pita wo Jon wo naŋgi siŋgila na tigelosib anjam di maroqneb naŋgi ulaosai. Deqa Juda tamo kokba naŋgi are koba qaloqneb. Di kiyaqa? Naŋgi qalieeb, naŋgi aiyel nami skul beiq gilosai. Naŋgi tamo laŋaj. Degsib qalieosib mareb, “Naŋgi aiyel nami Yesus ombla laqneb deqa anjam siŋgila na mareqnub.”