Jon 6:71 - Yesus Aqa Anjam Bole

⁷¹ Yesus a Saimon Iskariot aqa ŋiri Judas qa degsi marej. Yesus aqa aŋgro 12-pela naŋgi deqaji bei agi Judas. A na bunuqna Yesus ojsim jeu tamo naŋgo baŋq di atqas qaji.

Jon 6:71 ပူးပေါင်းရင်းမြစ်များ

Matyu 10:2

Aqa aŋgro 12-pela siŋgila enjrej qaji naŋgo ñam agiende. Bei Saimon. Aqa ñam bei Yesus na Pita waiyej. Naŋgi aqa was Andru wo. Bei Sebedi aqa ŋiri Jems wo aqa was Jon wo.

Matyu 10:4

Bei Saimon agi Rom naŋgi winjrqajqa maroqnej qaji. Ariya bei Judas Iskariot agi Yesus osiqa jeu tamo naŋgo baŋq di atej qaji a di. Yesus aqa aŋgro 12-pela naŋgo ñam agide.

Mak 14:10

Onaqa Judas Iskariot a tigelosiqa atra tamo kokba naŋgoq gilej. Judas a Yesus aqa aŋgro 12-pela naŋgi deqaji bei. A naŋgoq gilsiqa minjrej, “E Yesus osiy nuŋgo baŋq di atitqa niŋgi na qalqab.”

Jon 12:4

Onaqa Yesus aqa aŋgro bei aqa ñam Judas Iskariot bunuqna Yesus osim jeu tamo naŋgo baŋq di atqas qaji a Maria aqa kumbra di unsiqa ŋiriŋosiq marej,

Jon 13:2

Ariya bilaqtonaqa a na aqa aŋgro naŋgi joqsiqa koba na awoosib iŋgi uyoqneb. Iŋgi uyeqnabqa Satan a Judas Iskariot aqa are miligiq aisiqa Judas na Yesus osim jeu tamo naŋgo baŋq di atqajqa areqalo di tigeltetej. Judas a Saimon Iskariot aqa ŋiri.

Jon 13:26

Onaqa Yesus na minjej, “Aŋgro e na endego bem osiy quiq di tuqtosiy anaiyqai qaji a na e osim jeu tamo naŋgo baŋq di atqas.” Degsi minjsiqa bem quiq di tuqtosiq Saimon Iskariot aqa ŋiri Judas anaiyej.

Jon 2:2

Yesus aqa aŋgro naŋgi ti dego metnjrnab koro deq gileb.

Jon 20:24

Yesus a naŋgoq di brantej di Tomas a naŋgi koba na sosai. Tomas a Yesus aqa aŋgro 12-pela deqaji bei. Aqa ñam bei Didimus.

Jon 6:64

Ariya niŋgi qudei e qa nuŋgo areqalo siŋgilatosaieqnub.” Yesus a naŋgi degsi minjrej. Di kiyaqa? Aqa aŋgro yai naŋgi a qa naŋgo areqalo siŋgilatqasai di a nami qalieej. Tamo yai na Yesus ojsim jeu tamo naŋgo baŋq di atqas qaji di dego a nami qalieej.

Jon 6:70

Onaqa Yesus na minjrej, “E segi na ijo aŋgro 12-pela niŋgi giltŋgem. Ariya nuŋgo ambleq di ijo aŋgro bei a mondor uge ti unu.”

Aposel 2:23

Qotei na tamo di osiq nuŋgo baŋq di atej. A nami kumbra degyqa are qalsiq deqa anjam keretej. Onaqa niŋgi na Yesus osib tamo uge naŋgo baŋq di atnabqa naŋgi na osib ŋamburbasq di qalnab moiej. Nuŋgo kumbra dena niŋgi segi na Yesus qalsib moioteb.

Jut 1:4

Jeu tamo qudei naŋgi uliosib nuŋgo ambleq aieb. Qotei a nami naŋgi qa marej, “Mondoŋ e na naŋgo une qa peginjrsiy padaltnjrqai.” Es was qu, jeu tamo naŋgi di Qotei qoreiyeqnub. Qotei a iga qa are tulaŋ boleiyeqnu aqa anjam di jeu tamo naŋgi dena olo bulbulyoqnsib mareqnub, “Qotei a iga qa laŋa are boleiyeqnu. Deqa uŋgum, iga kumbra uge uge yoqnqom.” Degsib maroqnsib gago Gate Koba Yesus Kristus dego qoreiyeqnub.