Jon 6:68 - Yesus Aqa Anjam Bole

⁶⁸ Onaqa Saimon Pita na minjej, “O Tamo Koba, iga ni uratmosim tamo yai aqaq gilqom? Ni segi qujai ŋambile gaigai sqajqa anjam mergeqnum.

Jon 6:68 ပူးပေါင်းရင်းမြစ်များ

Matyu 16:16

Onaqa Saimon Pita na minjej, “Ni Kristus. Ni Qotei ŋambile gaigai unu qaji aqa segi Ŋiri qujai.”

Mak 8:29

Onaqa Yesus na olo nenemnjrej, “Niŋgi segi e nuboqnsib niŋgi e qa kiersib mareqnub?” Onaqa Pita na minjej, “Ni segi qujai Kristus Qotei na qariŋmej qaji.”

Luk 9:20

Onaqa Yesus a naŋgi olo nenemnjrej, “Niŋgi segi e nuboqnsib niŋgi e qa kiersib mareqnub?” Onaqa Pita na minjej, “Ni Kristus, Qotei aqa segi Ŋiri qujai.”

Jon 12:49

E ijo segi areqalo na anjam endi marosaieqnum. Ijo Abu e qariŋbej qaji a na anjam merbeqnaqa quoqnsim agi mareqnum.

Jon 12:50

E qalieonum, ijo Abu Qotei aqa anjam di ŋambile gaigai sqajqa anjam. Deqa anjam kalil e mareqnum qaji endi ijo Abu na e merbeqnaq quoqnsim agi mareqnum.”

Jon 17:8

Anjam kalil ni na e merboqnem qaji di e na kamba naŋgi minjreqnam naŋgi quoqnsib endegsi poinjrej, e nami ni ombla sosim dena bem. Deqa naŋgi e qa naŋgo areqalo siŋgilatosib qalieeb, ni na e qariŋbonam bem.

Jon 5:24

“Niŋgi quiye. E bole merŋgwai. Tamo a ijo anjam qusim ijo Abu e qariŋbej qaji a qa aqa areqalo siŋgilatqas di a ŋambile gaigai sqas. Deqa e aqa une qa a pegiyqasai. A moio gam uratqo deqa a olo ŋambile unu.

Jon 6:40

Ijo Abu aqa areqalo endegsi unu. Tamo kalil e Qotei aqa Ŋiri nubsib e qa naŋgo areqalo siŋgilatqab qaji naŋgi ŋambile gaigai sqab. Diŋo bati qa e na naŋgi olo subq na tigeltnjrqai.”

Jon 6:63

Qotei aqa Mondor a segi na tamo uŋgasari naŋgi ŋambile enjreqnu. Nuŋgo segi jejamu na niŋgi aqaryaiŋwa keresai. Ijo anjam kalil e na merŋgeqnum qaji di Mondor aqa anjam. Anjam dena niŋgi ŋambile oqab.

Aposel 13:26

“O ijo was niŋgi quiye. Qotei na iga Abraham aqa moma iga ti niŋgi sawa bei bei qaji tamo Qotei aqa sorgomq di unub qaji niŋgi ti oqajqa deqa marsiq Yesus aqa anjam qariŋyqo gagoq bqo.

Aposel 4:12

Niŋgi quiye. Tamo bei aqa ñam na Qotei na iga oqasai. Iga oqajqa tamo bei saiqoji. Qotei na tamo bei iga osorgosai bolesai. Yesus aqa ñam na qujai Qotei na iga oqas. Amqa iga padalqasai. Sawa bei beiq dia dego tamo bei na iga oqajqa di sosai.”

Aposel 5:20

“Niŋgi gilsib atra tal miligiq dia tigelosib tamo uŋgasari naŋgi ŋambile gaigai sqajqa anjam di palontosib minjroqniye.”

Aposel 7:38

Moses qujai dena Israel tamo uŋgasari naŋgi joqsiq wadau sawaq dia korooqneb. Di gago moma naŋgi. Moses qujai di Sainai manaq oqsiqa dia laŋ aŋgro na anjam minjej qaji a ombla soqneb. Sosibqa Moses na ŋambile gaigai sqajqa anjam Qotei aqaq dena yaiyosiqa gago moma naŋgi enjrej.

Aposel 8:37

Onaqa Filip na minjej, “Ni are bulyosim ino areqalo kalil Yesus qa siŋgilatqam di e ni yansmqai.” Onaqa minjej, “E ijo areqalo Yesus Kristus qa siŋgilatosim poibqo, a Qotei aqa Ŋiri.”