Jon 6:64 - Yesus Aqa Anjam Bole

⁶⁴ Ariya niŋgi qudei e qa nuŋgo areqalo siŋgilatosaieqnub.” Yesus a naŋgi degsi minjrej. Di kiyaqa? Aqa aŋgro yai naŋgi a qa naŋgo areqalo siŋgilatqasai di a nami qalieej. Tamo yai na Yesus ojsim jeu tamo naŋgo baŋq di atqas qaji di dego a nami qalieej.

Jon 6:64 ပူးပေါင်းရင်းမြစ်များ

Matyu 10:4

Bei Saimon agi Rom naŋgi winjrqajqa maroqnej qaji. Ariya bei Judas Iskariot agi Yesus osiqa jeu tamo naŋgo baŋq di atej qaji a di. Yesus aqa aŋgro 12-pela naŋgo ñam agide.

Jon 10:26

Niŋgi ijo kaja sai deqa niŋgi e qa nuŋgo areqalo siŋgilatosaieqnub.

Jon 18:4

Gulube kalil Yesus aqaq di brantqas qaji di a nami qaliesoqnej. Deqa jeu tamo naŋgi aqaq bonabqa a naŋgo areq gilsiqa nenemnjrej, “Niŋgi yai qa bonub?”

Jon 5:42

Ariya e niŋgi qa qalieonum. Nuŋgo are miligiq dia niŋgi Qotei qalaqalaiyosaieqnub.

Jon 6:36

“E niŋgi merŋgonum, niŋgi gaigai nuŋgo ŋamdamu na e nubeqnub. Ariya niŋgi e qa nuŋgo areqalo siŋgilatosaieqnub.

Jon 6:60

Onaqa Yesus aqa aŋgro naŋgi aqa anjam di qusibqa naŋgi segi segi gargekoba endegsib maroqneb, “Anjam di gulube koba. Tamo yai a anjam di poiyqa kere?”

Jon 6:61

Degsib maroqnsib Yesus qa yomueqnabqa aqa are miligiq di qalieosiqa minjrej, “Ijo anjam dena nuŋgo areqalo ugetetŋgwo e?

Jon 6:66

Yesus a anjam degsi marnaqa aqa aŋgro gargekoba naŋgi a dauryqa uratosib jaraieb.

Jon 8:23

Onaqa Yesus na olo minjrej, “Niŋgi mandam tamo. E laŋ goge qaji tamo. Niŋgi mandam endeqaji tamo. E mandam endeqaji tamo sai.

Jon 8:55

Ariya niŋgi a qa qaliesai. Ariya e segi a qa qalie. E a qa qaliesai degsi marqai di e niŋgi bul gisaŋ tamo sqai. E a qa qalieosim deqa agi aqa anjam dauryeqnum.

Aposel 15:18

Tamo Koba Qotei aqa anjam di a nami babtej agi bini olo babtosiq mareqnu.’ Qotei aqa medabu o qaji tamo bei a nami anjam degsi neŋgreŋyej.

Rom 8:29

Tamo naŋgi Qotei na nami oqa marej qaji naŋgi di a na giltnjrej dego. Yim naŋgi aqa Aŋgro Yesus a bulosib aqa segi kumbra bole dauryqajqa deqa. Gam dena Qotei aqa aŋgro gargekoba naŋgi brantoqnib Kristus a naŋgo was matu sqas.

2 Timoti 2:19

Ariya Qotei aqa segi tamo uŋgasari naŋgi tal aqa ai bulosib siŋgila na tigelejunub. Tal aqa aiq di Qotei a anjam endegsi neŋgreŋyej, “Tamo Koba Qotei a aqa segi tamo uŋgasari naŋgi qa qalie bole.” Anjam bei dego tal aqa aiq di endegsi neŋgreŋyej, “Tamo kalil Qotei aqa ñam ti unub qaji naŋgi kumbra uge kalil qoreiyoqnebe.”

Hibru 4:13

Iŋgi bei a Qotei qa uliqa keresai. Iŋgi iŋgi kalil Qotei na gereinjrej qaji di a na ŋam atsiq geregere uneqnu. Deqa mondoŋ a na qujai gago kumbra kalil qa iga pegigwas.