Jon 6:62 - Yesus Aqa Anjam Bole

⁶² Qure e Tamo Aŋgro nami soqnem qaji deq olo oqitqa niŋgi e nubsibqa kiersib are qalqab?

Jon 6:62 ပူးပေါင်းရင်းမြစ်များ

Matyu 8:20

Onaqa Yesus na minjej, “Bauŋ juwaŋ naŋgi tal ti. Agi sub miligiq di ŋereŋeqnub. Qebari naŋgi simi ti. Deqa naŋgi simiq di ŋereŋeqnub. Ariya e Tamo Aŋgro ŋeiqajqa tal saiqoji. Deqa ni e daurbqajqa gulube koba.”

Mak 16:19

Tamo Koba Yesus a na aqa aŋgro naŋgi anjam degsi minjrnaqa Qotei na laŋ qureq osi oqnaqa aqa baŋ woq di awoej.

Luk 24:51

Pailyeqnaqa Qotei na a metonaq naŋgi uratnjrsiqa laŋ qureq oqej.

Jon 16:28

Nami e ijo Abu ombla sosim dena mandamq aiem. Bini e olo mandam uratosiy aqaq olo oqwai.”

Jon 17:11

“E inoq olo bqai. Deqa e mandamq endia olo sqasai. Ariya ijo segi tamo uŋgasari naŋgi mandamq endi sqab. O Abu, ino kumbra kalil boledamu. Ni segi qujai une saiqoji. Ino segi ñam koba ni na ebem qaji ñam dena ni na ijo segi tamo uŋgasari naŋgi geregere taqatnjroqnime. Amqa aqo aiyel are qujaitejunum dego kere naŋgi kamba dego are qujaitosib sqab.

Jon 3:13

Tamo bei a laŋ qureq oqosai. E Tamo Aŋgro e segi qujai laŋ qureq dena mandamq aiem.

Jon 6:27

Jejamu qa iŋgi a koboqas. Niŋgi iŋgi deqa wauaib. Iŋgi gaigai sqas qaji deqa niŋgi wauoiye. Iŋgi dena niŋgi ŋambile gaigai sqab. Ŋambile gaigai sqajqa iŋgi di e Tamo Aŋgro na niŋgi anaiŋgwai. Ijo Abu Qotei na e giltbej deqa e na iŋgi di anaiŋgwai.”

Jon 6:42

Yomuoqnsib maroqneb, “Tamo di Yesus. A Josep aqa ŋiri. Aqa ai wo abu wo naŋgi qa iga qalie. A kiyaqa marqo, ‘E laŋ qure uratosim mandamq aiem’?”

Jon 6:53

Onaqa Yesus na kamba minjrej, “Niŋgi quiye. E bole merŋgwai. E Tamo Aŋgro. Deqa niŋgi ijo jejamu ti ijo leŋ ti uyqasai di niŋgi ŋambile gaigai sqasai.

Aposel 1:9

Yesus a na aqa aŋgro naŋgi anjam degsi minjrsiqa a mandam uratosiq laŋ goge oqeqnaq naŋgi a koqyesoqneb. Onaqa laŋbi na a kabutonaqa naŋgi a olo unosai.

1 Pita 3:22

Onaqa Kristus a laŋ qureq oqej deqa bini a Qotei aqa baŋ woq di awejunu. Deqa laŋ aŋgro naŋgi ti laŋ qaji mondor kokba ti laŋ qaji siŋgila ti kalil naŋgi Kristus aqa sorgomq di unub.