Jon 6:44 - Yesus Aqa Anjam Bole

⁴⁴ Ijo Abu na e qariŋbonaq mandamq aiem. Tamo bei aqa segi areqalo na ijoq bqa keresai. Ijo Abu na are bulyetim ijoq bqas. Yim diŋo bati qa e na olo subq na tigeltqai.

Jon 6:44 ပူးပေါင်းရင်းမြစ်များ

Matyu 12:34

Niŋgi tamo uge. Niŋgi amal uge bul. Niŋgi kiersib anjam bole maroqnqab? Tamo naŋgo areqalo naŋgo are miligiq di unu qaji di naŋgo medabuq na branteqnu.

Matyu 16:17

Pita na kamba Yesus degsi minjnaqa a na minjej, “O Saimon, Jona aqa ŋiri, ni tulaŋ areboleboleimeme. Di kiyaqa? Ino anjam merbonum di mandam tamo bei na babtosiq mermosai. Ijo Abu laŋ qureq di unu qaji a segi na anjam di babtosiq mermqo.

Jon 12:32

E bini mandamq endi unum. Ariya bunuqna jeu tamo naŋgi na e soqtbosib goge gaintbqab. Yimqa bati deqa e na tamo uŋgasari kalil naŋgi metnjritqa naŋgi e qa bqab.”

Jon 5:44

Niŋgi nuŋgo segi was naŋgoq dena ñam koba oqajqa are qaleqnub. Ariya Qotei a segi qujai unu. Niŋgi aqaq dena ñam koba oqajqa are qalosaieqnub. Niŋgi kumbra degyeqnub deqa niŋgi kiersib e qa nuŋgo areqalo siŋgilatqab? Di keresai.

Jon 6:43

Onaqa Yesus na kamba minjrej, “Niŋgi segi segi anjam koba e qa maroqnaib.

Jon 6:45

Qotei aqa medabu o qaji tamo naŋgi nami anjam endegsib neŋgreŋyeb unu, ‘Qotei a na tamo uŋgasari kalil naŋgi aqa kumbra osornjroqnim naŋgi a qa qalieoqnqab.’ Deqa tamo uŋgasari kalil ijo Abu aqa anjam quoqnsib a qa qalieeqnub qaji naŋgi ijoq beqnub.

Jon 6:65

Osiqa minjrej, “Tamo naŋgi di e qa naŋgo areqalo siŋgilatosaieqnub. Utru deqa e niŋgi merŋgonum, ‘Qotei na tamo bei siŋgila yqasai di a ijoq bqa keresai.’”

Jon 8:43

“Kiyaqa niŋgi ijo anjam endi poiŋgosai? Utru endegsi merŋgwai. Niŋgi ijo anjam quqwa keresai deqa.

Filipai 1:29

Niŋgi quiye. Qotei na niŋgi giltŋgej deqa niŋgi Kristus aqa wau ojeqnub. Niŋgi a qa nuŋgo areqalo siŋgilatqajqa deqa segi niŋgi giltŋgosai. Niŋgi aqa ñam qa jaqatiŋ oqajqa deqa ti niŋgi giltŋgej.

Kolosi 2:12

Niŋgi yanso eb bati deqa niŋgi Kristus beteryosib a ti moieb. Onaqa Qotei na niŋgi Kristus ombla subq atej. Ariya Qotei na Kristus olo subq na tigeltej aqa kumbra di niŋgi nuŋgo areqaloq di siŋgilateb deqa a na niŋgi dego Kristus ombla subq na tigeltŋgej unub.