Jon 6:32 - Yesus Aqa Anjam Bole

³² Onaqa Yesus na kamba minjrej, “Niŋgi quiye. E bole merŋgwai. Moses a na laŋ qure qa bem di niŋgi anaiŋgosaioqnej. Ijo Abu a segi na laŋ qure qa bem bole niŋgi anaiŋgeqnu.

Jon 6:32 ပူးပေါင်းရင်းမြစ်များ

Jon 1:9

Puloŋ di puloŋ bole. A mandamq aisiqa tamo uŋgasari kalil naŋgi suwantnjreqnu.

Jon 15:1

Osiqa Yesus a olo anjam endegsi minjrej, “E segi wain ŋamtaŋ bole. Ijo Abu a wain wau qa lanja.

Jon 6:33

Bem bole Qotei na niŋgi eŋgeqnu qaji di laŋ qureq dena mandamq aisiq tamo uŋgasari mandamq endi unub qaji naŋgi ŋambile enjreqnu.”

Jon 6:35

Onaqa Yesus na minjrej, “E segi ŋambile qa bem bole. Deqa tamo bei a ijoq bqas di a bunu mamyqasai. Tamo bei a e qa aqa areqalo siŋgilatqas di a bunu ya qaryqasai dego.

Jon 6:41

Onaqa Juda tamo kokba naŋgi Yesus aqa anjam di qusibqa naŋgi a qa ugeosib a qa yomuoqneb. Di kiyaqa? A marej, “E segi bem bole laŋ qure uratosim mandamq aiem qaji.” Deqa naŋgi a qa yomuoqneb.

Jon 6:50

Ariya e segi qujai bem bole laŋ qure uratosim mandamq aiem qaji. Tamo uŋgasari naŋgi bem di uyqab di naŋgi moreŋqasai.

Jon 6:55

Di kiyaqa? Ijo jejamu di iŋgi uyo bole. Ijo leŋ di ya uyo bole.

Jon 6:58

E segi bem bole laŋ qure uratosim mandamq aiem qaji. Nami nuŋgo moma naŋgi laŋ qure qa bem uyoqneb. Ariya bunuqna naŋgi kalil moreŋekriteb. E segi bem uyo bole. Deqa tamo naŋgi bem bole di uyqab di naŋgi moreŋqasai. Naŋgi ŋambile gaigai sqab.”

Galesia 4:4

Ariya bati Qotei a nami atej qaji di brantonaqa a na aqa Ŋiri Yesus qariŋyonaq mandamq aiej. Aisiq aqa ai na ŋambabtonaqa a tamo brantosiqa dal anjam aqa sorgomq di soqnej.

1 Jon 5:20

Iga qalie, Qotei aqa Ŋiri a bosiq iga powo egej. Yim iga Qotei qa bole qalieqajqa deqa. Iga Qotei beteryejunum. Iga aqa Ŋiri Yesus Kristus dego beteryejunum. Yesus a segi Qotei bole. A segi ŋambile gaigai sqajqa utru.