Jon 6:30 - Yesus Aqa Anjam Bole

^30-31 Onaqa naŋgi Yesus aqa anjam di qusibqa olo nenemyeb, “Ni Qotei aqa maŋwa kie babtim iga unsim ni qa gago areqalo siŋgilatqom? Nami gago moma naŋgi wadau sawaq di sosib laŋ qure qa bem uyoqneb. Agi Qotei aqa anjam bei nami endegsib neŋgreŋyeb unu, ‘A na laŋ qure qa bem tamo uŋgasari naŋgi anainjreqnaq uyoqneb.’ Degsib neŋgreŋyeb. Ariya ni wau kie yim iga unsim ni qa poigim gago areqalo ni qa siŋgilatqom?”

Jon 6:30 ပူးပေါင်းရင်းမြစ်များ

Mak 15:32

A mareqnu, ‘E segi Kristus. E Israel naŋgo Mandor Koba.’ Aqa anjam di boleamqa a na aqa segi jejamu aqaryaiyosim ŋamburbas uratosim mandamq aiimqa iga unsim marqom, ‘Bole.’” Onaqa bajiŋ tamo aiyel Yesus aqa areq di gaintnjreb qaji naŋgi dego Yesus degsib misiliŋ anjam minjoqneb.

Mak 8:11

Onaqa bati bei Farisi qudei naŋgi Yesus aqa areq bosibqa a anjam bei grotimqa qusib a ojqajqa deqa a ombla anjam na qoteb. Osib gisaŋyosib minjeb, “Ni endego Qotei aqa maŋwa bei babtimqa iga unsim dena poigwas, ni Qotei aqa wau ojeqnum.”

Jon 10:38

Ariya e Qotei aqa wau yeqnum. Deqa niŋgi ijo anjam quib ugeiŋgim niŋgi ijo wau uniye. Unsib poiŋgwas, bole, e Qotei aqa Ŋiri. Osib dena niŋgi geregere qalieqab, ijo Abu na e beterbejunu. E na ijo Abu beteryejunum.”

Jon 12:37

Yesus a Qotei aqa maŋwa gargekoba naŋgo ŋamgalaq di yoqnej. Yeqnaqa naŋgi unoqnsib deqa naŋgo areqalo siŋgilatosai.

Jon 2:18

Yesus a na tamo naŋgi di winjrnaqa Juda tamo kokba naŋgi unsibqa deqa nenemyeb, “Ni Qotei aqa siŋgila kie babtimqa iga unsim dena poigwas, ‘Bole, Qotei na ni qariŋmqoqa bosim tamo naŋgi di winjronum’?”

Jon 6:14

Tamo uŋgasari kalil naŋgi Yesus aqa maŋwa di unsib deqa maroqneb, “Bole, Qotei aqa medabu o tamo nami Qotei na qariŋyim bqajqa marej qaji agi a di.”

Jon 6:2

Nami Yesus a Qotei aqa maŋwa gargekoba babteqnaqa tamo uŋgasari tulaŋ gargekoba naŋgi unoqneb. Agi a na tamo ma ti soqneb qaji naŋgi boletnjreqnaqa tamo uŋgasari naŋgi unoqneb. Deqa Yesus a ya agu taqal beiq gileqnaqa naŋgi a dauryosib giloqneb.

Jon 6:36

“E niŋgi merŋgonum, niŋgi gaigai nuŋgo ŋamdamu na e nubeqnub. Ariya niŋgi e qa nuŋgo areqalo siŋgilatosaieqnub.

Aposel 4:30

Ni na iga siŋgila egoqnimqa iga ino segi wau tamo bole Yesus aqa ñam na tamo uŋgasari naŋgi boletnjroqnimqa naŋgo ma kobooqnqas. Iga ino maŋwa yoqnimqa tamo uŋgasari naŋgi unoqnsib Yesus qa poinjroqnimqa ino ñam soqtoqnqab.”

1 Korin 1:22

Juda naŋgi Qotei aqa maŋwa unqajqa mareqnub. Grik naŋgi powo oqajqa tulaŋ siŋgilaeqnub.

Hibru 2:4

Qotei na maŋwa ti siŋgila ti babtoqnsiqa aqa segi areqalo dauryosiq aqa Mondor Bole aqa kumbra segi segi jeisiq tamo uŋgasari naŋgi enjroqnej. Kumbra dena naŋgi osornjrej, Qotei aqa Ŋiri aqa anjam di bole kalil.