Jon 6:15 - Yesus Aqa Anjam Bole

¹⁵ Onaqa Yesus a naŋgo anjam di qusiqa endegsi qalieej, tamo uŋgasari kalil naŋgi bosib a ojsib a naŋgo Mandor Koba sqajqa minjqab. Yesus a degsi qalieosiqa naŋgi a mandor koba ataib deqa a sawa di uratosiqa a segi manaq oqsiq di soqnej.

Jon 6:15 ပူးပေါင်းရင်းမြစ်များ

Matyu 5:1

Onaqa Yesus a tamo uŋgasari kalil di unjrsiqa a naŋgi uratnjrsiqa manaq oqsiq di awesonaqa aqa segi aŋgro naŋgi bosib aqa areq di koroesoqneb.

Mak 11:9

Onaqa Yesus a donki quraq di awoosiq walweleqnaqa tamo uŋgasari namooqneb qaji naŋgi ti bunuoqneb qaji naŋgi ti tulaŋ koba leleŋoqnsibqa maroqneb, “O Tamo Koba Qotei, iga ni qa tulaŋ areboleboleigwo. Tamo a bqo endi ino ñam na bqo. Deqa ni na a osim tulaŋ geregereiyime.

Luk 19:38

“Tamo a bqo endi Tamo Koba Qotei aqa ñam na bqo. A gago Mandor Koba. Deqa Qotei na a tulaŋ geregereiyoqnqas. Deqa iga Qotei laŋ qureq di unu qaji aqa ñam soqtoqnqom! A na gago are latetgeqnu.” Yesus aqa aŋgro naŋgi degoqnsib leleŋ ti Yesus dauryoqneb.

Jon 18:36

Onaqa Yesus na minjej, “Mandam endeqa mandor kokba naŋgi na tamo taqatnjreqnub e naŋgi unub dego sai. E mandam endeqaji mandor sai. Tamo e na taqatnjreqnum qaji naŋgi dego mandam endeqaji tamo sai. E mandam endeqaji mandor qamu Juda tamo kokba naŋgi e ojeqnab qamu ijo wau tamo naŋgi ti qotonub qamu.”

Jon 5:41

“E mandam tamo naŋgoq dena ñam koba oqajqa e deqa are qalsim anjam endi marosaieqnum.

Jon 6:22

Nebeonaqa tamo uŋgasari qudei naŋgi ya agu taqal beiq di soqneb. Naŋgi qalie, ya bilaq qobuŋ qujai segi dia tiryosiq soqnej. Qobuŋ bei dia sosai. Yesus aqa aŋgro naŋgi segi qobuŋ di gogetosib gileb. Yesus a naŋgi koba na qobuŋ di gogetosai.

Jon 6:3

Onaqa bati di Yesus a na aqa aŋgro naŋgi joqsiqa koba na manaq oqsibqa mana goge dia awesoqneb.

Hibru 4:13

Iŋgi bei a Qotei qa uliqa keresai. Iŋgi iŋgi kalil Qotei na gereinjrej qaji di a na ŋam atsiq geregere uneqnu. Deqa mondoŋ a na qujai gago kumbra kalil qa iga pegigwas.