Jon 5:46 - Yesus Aqa Anjam Bole

⁴⁶ Niŋgi Moses aqa anjam nuŋgo areqaloq di siŋgilatonub qamu ijo anjam dego nuŋgo areqaloq di siŋgilatonub qamu. Di kiyaqa? Moses a e qa anjam neŋgreŋyej deqa.

Jon 5:46 ပူးပေါင်းရင်းမြစ်များ

Luk 24:27

Yesus a naŋgi degsi minjrsiqa a segi qa anjam kalil nami neŋgreŋyeleŋeb qaji di sainjrsiq Moses aqaq dena utru atsiq gilsiq Qotei aqa medabu o qaji tamo naŋgo anjam kalil nami a qa neŋgreŋyeleŋeb qaji di geregere plaltosiq minjroqnej.

Jon 1:45

Ariya Filip a mati olo aisiqa Nataniel itosiq minjej, “Ni au. Iga tamo a qa nami Moses a dal anjam neŋgreŋyej qaji a unonum. Qotei aqa medabu o qaji tamo naŋgi dego a qa osib neŋgreŋyeleŋeb. Tamo di Yesus Nasaret qure qaji. A Josep aqa ŋiri.”

Jon 5:47

Ariya niŋgi Moses aqa anjam nami neŋgreŋyej qaji di nuŋgo areqaloq di siŋgilatosaieqnub. Deqa niŋgi kiersib ijo anjam dego nuŋgo areqaloq di siŋgilatqab? Di keresai.”

Aposel 26:22

Ariya naŋgi degsib marsib e moiotbosai. Di kiyaqa? Qotei a nami e taqatboqnej agi bini e bole unum. Deqa bini e tamo kokba ti tamo laŋaj ti naŋgo ulatamuq endia tigelesosim Qotei aqa anjam palontosim minjreqnum. E anjam bei palontosaieqnum. Nami Qotei aqa medabu o tamo naŋgi Moses ombla na kumbra bunuqna branteleŋqas qaji di ubtsib neŋgreŋyoqneb. Anjam di segi e bini palonteqnum.

Rom 10:4

Iga qalie, Kristus na Moses aqa dal anjam kalil keretekritej. Aqa kumbra dena tamo uŋgasari kalil a qa naŋgo areqalo siŋgilateqnub qaji naŋgi Qotei aqa ŋamgalaq di tamo bole une saiqoji sqab.

Galesia 2:19

Ariya dal anjam a na e moio qa gamq di waibej. Osiqa e moiotbej. Gam dena e bini Qotei ombla ŋambile unum. E Kristus ombla na ŋamburbasq di gaiŋosim moiem.

Galesia 3:10

Ariya tamo qudei naŋgi endegsib are qaleqnub, “Iga dal anjam dauryqom gam dena iga Qotei aqa ŋamgalaq di tamo bole une saiqoji sqom.” O was qu, tamo naŋgi di Qotei na padaltnjrqas. Di kiyaqa? Qotei aqa anjam bei nami endegsib neŋgreŋyeb unu, “Tamo bei a Qotei aqa dal anjam kalil neŋgreŋq di unu qaji di dauryekritosim ariya qujai bole qujai grotqas di Qotei na a padaltqas.”

Galesia 3:13

Ariya dal anjam a marqo, iga dal anjam kalil torei dauryqasai di Qotei na iga tamo uge qa marsim padaltgwas. Ariya Kristus a na iga aqaryaigwa marsiq deqa a gago sawa osiqa a segi Qotei aqa ŋamgalaq di tamo uge bulosiqa iga qa padalej. Agi Qotei aqa anjam bei nami endegsib neŋgreŋyeb unu, “Tamo kalil ŋamtaŋ goge di gaiŋejunub qaji naŋgi di Qotei na tamo uge qa marsim padaltnjrqas.”

Galesia 3:24

Dal anjam a gago abu bul sosiqa iga Kristus aqa areq joqsi gilej. Yim iga Kristus qa gago areqalo siŋgilatim Qotei na iga tamo bole une saiqoji qa mergwajqa deqa.