Jon 5:36 - Yesus Aqa Anjam Bole

³⁶ “Ariya anjam e palonteqnum qaji dena Jon tulaŋ buŋyejunu. Wau kalil ijo Abu na e yosiy kobotqajqa ebej qaji wau dena Jon aqa wau tulaŋ buŋyejunu. E wau di yeqnum deqa tamo uŋgasari naŋgi unoqnsib endegsi poinjreqnu, ijo Abu na e qariŋbonaq bem.

Jon 5:36 ပူးပေါင်းရင်းမြစ်များ

Matyu 11:4

Onaqa Yesus na kamba minjrej, “Anjam nuŋgo dabkala na queqnub qaji ti kumbra nuŋgo ŋamdamu na uneqnub qaji ti deqa aisib Jon geregere saiyosib minjiye.

Luk 2:49

Onaqa Yesus na minjrej, “Niŋgi kiyaqa e qa ŋamoqnab? E ijo Abu aqa talq endi unum. Niŋgi di qaliesai kio?”

Jon 10:25

Onaqa Yesus na kamba minjrej, “E nami niŋgi merŋgonum, ‘E Kristus.’ Merŋgonumqa niŋgi quonub ugeiŋgwo. Wau kalil e ijo Abu aqa ñam na yeqnum qaji di niŋgi geregere tenemtoqniye. Tenemtosib endegsi poiŋgwas, ‘Bole, Yesus a Kristus.’

Jon 11:37

Onaqa Juda tamo qudei naŋgi Yesus qa yomuosib mareb, “Yesus a nami tamo ŋam qandimo boletnjroqnej. A kiyaqa Lasarus boletosai? Amqa a moiqasai.”

Jon 15:24

E wau bunuj tamo bei na nami yosaioqnej qaji di naŋgo ambleq di yosai qamu naŋgi une saiqoji qamu. Ariya e naŋgo ambleq di wau bunuj yeqnamqa naŋgi unoqneb. Deqa naŋgi na aqo ijo Abu wo jeutgeqnub.

Jon 17:4

“Ino ñam koba ti ino siŋgila ti di e na tamo uŋgasari mandamq endi unub qaji naŋgi osornjroqnem. Osim wau kalil ni na e yqajqa ebem qaji agi yekritem.

Jon 2:23

Ariya Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati brantonaqa Yesus a Jerusalem di sosiqa Qotei aqa maŋwa gargekoba babteqnaqa tamo uŋgasari tulaŋ gargekoba naŋgi unoqnsibqa aqa ñam qa naŋgo areqalo siŋgilatoqneb.

Jon 3:17

Qotei a na tamo uŋgasari mandamq endi unub qaji naŋgo kumbra qa naŋgi peginjrqajqa deqa are qalsiq aqa Ŋiri naŋgoq qariŋyosai. A na naŋgi eleŋam naŋgi padalaib deqa are qalsiq aqa Ŋiri qariŋyonaq mandamq aiej.

Jon 3:2

A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”

Jon 4:34

Onaqa Yesus na minjrej, “E na ijo Abu e qariŋbej qaji aqa areqalo dauryosiy aqa wau kobotqai. Ijo iŋgi uyo bole agide.

Jon 5:32

Ariya tamo bei unu agi Qotei. A na dego ijo wau ti ijo kumbra ti ubtsiq mareqnu. E qalieonum, anjam a mareqnu qaji di anjam bole.

Aposel 2:22

“Deqa Israel tamo uŋgasari, niŋgi ijo anjam endi quiye. Niŋgi qalie, Qotei na Yesus Nasaret qaji a qariŋyonaq mandamq aisiqa kumbra gargekoba nuŋgo ambleq di yoqnej. Kumbra yeqnaqa niŋgi unoqnsib maroqneb, ‘Bole, Qotei na Yesus qariŋyonaq bej.’

1 Jon 5:9

Tamo bei na iga anjam mergwas di iga qusim bole qa marqom. Ariya anjam Qotei na iga mergeqnu qaji di aqa anjam tiŋtiŋ. Anjam dena tamo naŋgo anjam tulaŋ buŋyejunu. Anjam Qotei na iga mergeqnu qaji di aqa segi Ŋiri qa anjam.