Jon 5:27 - Yesus Aqa Anjam Bole

²⁷ E Tamo Aŋgro. Deqa ijo Abu na e ñam ebej. Ñam dena e na tamo uŋgasari naŋgo kumbra qa peginjrqai.

Jon 5:27 ပူးပေါင်းရင်းမြစ်များ

Matyu 9:6

Ariya e Tamo Aŋgro e mandamq endia siŋgila ti unum deqa e na tamo naŋgo une kobotetnjrqa kere. Niŋgi degsib qalieqajqa deqa e na tamo di boletqai.” Yesus a na naŋgi degsi minjrsiqa tamo jejamu laiyej qaji di koqyosiqa minjej, “Ni tigelosim ino sapera osim ino talq gile.”

Jon 5:22

Ijo Abu na tamo naŋgo une qa naŋgi peginjrosaieqnu. E aqa segi Ŋiri deqa a na wau di e ebej. Deqa e na tamo naŋgo une qa naŋgi peginjreqnum.

Jon 9:39

Onaqa Yesus a marej, “E tamo uŋgasari naŋgo kumbra qa naŋgi peginjrqajqa deqa mandamq aiem. Deqa tamo ŋam qandimo unub qaji naŋgi olo ŋam poinjrqas. Tamo ŋamdamu bole ateqnub qaji naŋgi olo ŋam qandimnjrqas.”

Aposel 10:42

Yesus a na nami iga endegsi mergej, ‘Niŋgi na tamo uŋgasari naŋgi e qa endegsib minjroqniye, “Yesus a segi qujai Qotei na giltej qaji. Deqa mondoŋ a na qujai tamo ŋambile unub qaji ti tamo nami moreŋeb qaji naŋgi ti naŋgo une qa peginjrsim naŋgi ŋamyuoq wainjrqas.” ’ Yesus a na nami iga degsi mergej.

Aposel 17:31

Qotei a na bati atej unu. Bati di brantimqa a na tamo uŋgasari kalil naŋgo une qa peginjrqas. Aqa segi kumbra bole na ti aqa Ŋiri Yesus Kristus giltej qaji aqa baŋ na ti naŋgo une qa peginjrqas. Tamo uŋgasari naŋgi di qalieqajqa deqa Qotei na Yesus subq na olo tigeltej.”

1 Korin 15:25

Kristus a degyqas. Di kiyaqa? A Mandor Koba sosim gilsim gilsim diŋo bati brantimqa Qotei na aqa jeu tamo kalil naŋgi eleŋosim aqa sorgomq di atim a na naŋgi taqatnjresqas.

Hibru 1:2

Ariya bini bati endi diŋo bati jojomqo deqa Qotei na aqa Ŋiri Yesus aqa medabu na iga anjam mergeqnu. Qotei na aqa Ŋiri Yesus giltej deqa a na iŋgi iŋgi kalil oqas. Aqa baŋ na Qotei na mandam atej unu.

1 Pita 3:22

Onaqa Kristus a laŋ qureq oqej deqa bini a Qotei aqa baŋ woq di awejunu. Deqa laŋ aŋgro naŋgi ti laŋ qaji mondor kokba ti laŋ qaji siŋgila ti kalil naŋgi Kristus aqa sorgomq di unub.