Jon 5:25 - Yesus Aqa Anjam Bole

²⁵ “Niŋgi quiye. E bole merŋgwai. Bati bei brantqas agi brantqo. Deqa tamo uŋgasari moreŋo qaji naŋgi ijo kakoro qusib dena naŋgi ŋambile oqab. Di kiyaqa? E Qotei aqa Ŋiri deqa.

Jon 5:25 ပူးပေါင်းရင်းမြစ်များ

Luk 15:24

Iga degyqom. Di kiyaqa? Ijo aŋgro yala a moiobulosiq agi olo ŋambile sosiq bqo deqa. A loumej agi gagoq di brantqo.’ Degsi minjrnaqa naŋgi urur ti gilsib bulmakau goisib koba na awoosib areboleboleinjrnaq soqneb.

Luk 15:32

Ariya bini iga maruro atsimqa areboleboleigeqnu. Di kiyaqa? Ino was a moiobulosiq agi olo ŋambile sosiq bqo deqa. A loumej agi gagoq di olo brantqo.’”

Luk 9:60

Onaqa Yesus na minjej, “Uŋgum. Tamo moio qaji naŋgi segi na tamo moio qaji naŋgi subq ateleŋoqnqab. Ariya ni sawa sawaq giloqnsimqa Qotei a tamo uŋgasari naŋgo Mandor Koba sosiq naŋgi taqatnjreqnu anjam di minjroqnsim laqne.”

Jon 13:1

Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati koba jojomonaqa Yesus a endegsi qalieej, “E mandam endi so bati koboqo. E moisiy ijo Abu aqaq olo oqwa bati brantqo.” A degsi qalieosiq deqa aqa segi tamo uŋgasari mandamq di soqneb qaji naŋgi tulaŋ qalaqalainjroqnsiq gilsi gilsiq aqa moiqa bati itej.

Jon 17:1

Yesus a na aqa aŋgro naŋgi anjam degsi minjrsiq koboonaqa laŋ goge tarosiqa Qotei endegsi pailyej, “O Abu, bati brantqo. E ino segi Aŋgro deqa ni na e ñam koba ebime. Yim e kamba dego ni ñam koba emqai.

Jon 4:21

Onaqa Yesus na minjej, “Uŋa, ni ijo anjam endi qusim poimeme. Bati bei brantimqa manaq endia niŋgi Abu qa louoqnqasai. Jerusalem dia dego niŋgi Abu qa louoqnqasai.

Jon 4:23

Ariya bati bei brantqas agi brantqo. Tamo naŋgi ijo Abu qa louqa oqnsib aqa Mondor Bole na ti kumbra bole na ti a qa louoqnqab di naŋgi bole na louqab. Yim ijo Abu a naŋgi qa tulaŋ areboleboleiyqas.

Jon 5:21

Ijo Abu na tamo moreŋo qaji naŋgi olo ŋambile enjroqnsiqa subq na tigeltnjreqnu. Deqa e Qotei aqa Ŋiri e kamba dego ijo segi areqalo na tamo naŋgi ŋambile enjreqnum.

Jon 5:28

Niŋgi ijo anjam di qusib deqa are koba qalaib. Bati bei brantimqa tamo uŋgasari kalil subq di unub qaji naŋgi ijo kakoro quqwab.

Jon 6:60

Onaqa Yesus aqa aŋgro naŋgi aqa anjam di qusibqa naŋgi segi segi gargekoba endegsib maroqneb, “Anjam di gulube koba. Tamo yai a anjam di poiyqa kere?”

Jon 8:43

“Kiyaqa niŋgi ijo anjam endi poiŋgosai? Utru endegsi merŋgwai. Niŋgi ijo anjam quqwa keresai deqa.

Jon 8:47

Qotei aqa aŋgro naŋgi aqa anjam kalil queqnub. Niŋgi Qotei aqa aŋgro sai deqa niŋgi aqa anjam quosaieqnub.”

Jon 9:27

Onaqa a na kamba minjrej, “E nami merŋgonum niŋgi ijo anjam quetbosai. Kiyaqa ololo merŋgit quqwab? Niŋgi dego Yesus aqa aŋgro sqajqa deqa e nenembeqnub e?”

Rom 6:4

Iga yanso osim dena iga Kristus beteryosim a koba na moiobulem. Deqa Abu Qotei na iga Kristus koba na subq atej. Osiqa aqa siŋgila kobaquja na olo Kristus subq na tigeltej. Deqa iga dego a ti ŋambile bunuj em. Deqa iga kumbra bole dauryoqnqom.

Efesus 2:1

Nami niŋgi une yoqnsib laqneb deqa niŋgi moreŋesoqneb. Niŋgi moio tamo buleb.

Efesus 5:14

Suwaŋ dena iŋgi qudei boleq ateqnaqa iŋgi di suwaŋobuleqnu. Agi anjam bei endegsi unu, “Ni tamo ŋeiejunum qaji ni olo subq na tigel. Yim Kristus a na ni suwaŋ emqas.”

Kolosi 2:13

Nami niŋgi une ti sosib deqa niŋgi kumbra uge uge yoqneb. Niŋgi nuŋgo areqalo namij aqa kumbra dauryoqneb dena nuŋgo qunuŋ moreŋesoqneb. Ariya Qotei na niŋgi olo Kristus koba na ŋambile eŋgsiqa nuŋgo une kalil kobotetŋgej.

Uli Anjam 3:1

Yesus a na e degsi merbsiqa olo endegsi merbej, “Sardis qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsim neŋgreŋyosim aqaq qariŋye, ‘E Yesus. E Qotei aqa Mondor 7-pela ejunum. E bongar 7-pela dego ojejunum. E na anjam endi ni qa qariŋyonum. Kumbra kalil ni yeqnum qaji di e qalieonum. Ino kumbra di bolesai. Naŋgi ni qa mareqnub, “Ni ŋambile ti.” Di sai. Ni moiem.