Jon 4:48 - Yesus Aqa Anjam Bole

⁴⁸ Onaqa Yesus na qaja tamo di minjej, “Nuŋgo segi ŋamdamu na ijo maŋwa bei unqasai di niŋgi e qa nuŋgo areqalo siŋgilatqasai.”

Jon 4:48 ပူးပေါင်းရင်းမြစ်များ

Matyu 16:1

Onaqa Farisi naŋgi ti Sadyusi naŋgi ti Yesus aqa areq bosibqa a anjam bei grotimqa qusib naŋgi a ojqajqa deqa gisaŋyosib minjeb, “Ni endego Qotei aqa maŋwa bei babtimqa iga unsim dena poigwas, ni Qotei aqa wau ojeqnum.”

Matyu 24:24

Di kiyaqa? Tamo qudei naŋgi bosib gisaŋosib marqab, ‘E Kristus.’ Qudei naŋgi marqab, ‘E Qotei aqa medabu o qaji tamo bole.’ Degsib maroqnsib maŋwa kokba gargekoba babtoqnqab. Naŋgo maŋwa dena naŋgi na tamo uŋgasari kalil naŋgi ugeugeinjrqajqa deqa wauoqnqab. Osib Qotei aqa segi tamo uŋgasari nami giltnjrej qaji naŋgi dego ugeugeinjrqajqa wauoqnqab.

Mak 13:22

Tamo qudei naŋgi bosib gisaŋosib marqab, ‘E Kristus.’ Qudei naŋgi marqab, ‘E Qotei aqa medabu o qaji tamo bole.’ Degsib maroqnsib maŋwa kokba gargekoba babtoqnqab. Naŋgo maŋwa dena naŋgi na tamo uŋgasari kalil naŋgi ugeugeinjrqajqa deqa wauoqnqab. Osib Qotei aqa segi tamo uŋgasari nami giltnjrej qaji naŋgi dego ugeugeinjrqajqa wauoqnqab.

Luk 10:18

Onaqa Yesus na minjrej, “Kola minjal urur mandamq aieqnu dego kere Satan a urur laŋ goge dena uloŋosiq aieqnaq e unonum.

Luk 16:31

“Onaqa Abraham na minjej, ‘Tamo naŋgi Moses aqa dal anjam ti Qotei aqa medabu o qaji tamo naŋgo anjam ti qusib are bulyqasai di tamo bei a subq na tigelosim naŋgi anjam minjrqas di dego naŋgi qusib are bulyqasai.’”

Jon 12:37

Yesus a Qotei aqa maŋwa gargekoba naŋgo ŋamgalaq di yoqnej. Yeqnaqa naŋgi unoqnsib deqa naŋgo areqalo siŋgilatosai.

Jon 15:24

E wau bunuj tamo bei na nami yosaioqnej qaji di naŋgo ambleq di yosai qamu naŋgi une saiqoji qamu. Ariya e naŋgo ambleq di wau bunuj yeqnamqa naŋgi unoqneb. Deqa naŋgi na aqo ijo Abu wo jeutgeqnub.

Jon 2:18

Yesus a na tamo naŋgi di winjrnaqa Juda tamo kokba naŋgi unsibqa deqa nenemyeb, “Ni Qotei aqa siŋgila kie babtimqa iga unsim dena poigwas, ‘Bole, Qotei na ni qariŋmqoqa bosim tamo naŋgi di winjronum’?”

Jon 20:29

Onaqa Yesus na olo Tomas minjej, “Ni ino ŋamdamu na e nubsim deqa ino areqalo e qa siŋgilatonum e? Ariya tamo uŋgasari naŋgo ŋamdamu na e nubosaieqnub qaji naŋgi e qa naŋgo areqalo siŋgilatqab di naŋgi tulaŋ areboleboleinjrqas.”

Jon 4:49

Onaqa qaja tamo dena olo Yesus minjej, “O Tamo Koba, ni urur au. Ijo aŋgro a moio uge.”

Aposel 14:3

Deqa naŋgi aiyel Aikoniam qureq dia sokobaiyosib Tamo Koba Qotei a tamo uŋgasari naŋgi qa are tulaŋ boleiyeqnu anjam di minjroqneb. Naŋgi aiyel ulaosai. Tamo Koba Qotei na naŋgi aiyel siŋgila enjreqnaqa naŋgi maŋwa gargekoba yoqneb. Naŋgo kumbra dena Tamo Koba Qotei na tamo uŋgasari naŋgi osornjroqnej, naŋgo aiyel anjam di bole.

Aposel 15:12

Pita a na naŋgi anjam degsi minjrnaqa naŋgi kalil aqa anjam di qusibqa naŋgi mequmesoqneb. Onaqa Barnabas wo Pol wo naŋgi kamba tigelosib Qotei na nami naŋgi aiyel siŋgilatnjreqnaqa naŋgi sawa bei bei qaji tamo naŋgo ambleq dia maŋwa gargekoba yoqneb deqa naŋgi sainjrnab queb.

Aposel 2:19

Laŋ goge dia e na maŋwa gargekoba yoqnqai. Mandamq dia dego maŋwa gargekoba yoqnqai. Leŋ ti ŋamyuo ti qurem koba ti qariŋyit mandamq aiqas.

Aposel 2:22

“Deqa Israel tamo uŋgasari, niŋgi ijo anjam endi quiye. Niŋgi qalie, Qotei na Yesus Nasaret qaji a qariŋyonaq mandamq aisiqa kumbra gargekoba nuŋgo ambleq di yoqnej. Kumbra yeqnaqa niŋgi unoqnsib maroqneb, ‘Bole, Qotei na Yesus qariŋyonaq bej.’

Aposel 2:43

Qotei na Yesus aqa aŋgro 12-pela naŋgi siŋgila enjreqnaqa naŋgi maŋwa gargekoba yoqneb. Onaqa Yesus aqa tamo uŋgasari naŋgi kalil maŋwa di unoqnsib Qotei aqa ñam soqtoqneb.

Aposel 4:30

Ni na iga siŋgila egoqnimqa iga ino segi wau tamo bole Yesus aqa ñam na tamo uŋgasari naŋgi boletnjroqnimqa naŋgo ma kobooqnqas. Iga ino maŋwa yoqnimqa tamo uŋgasari naŋgi unoqnsib Yesus qa poinjroqnimqa ino ñam soqtoqnqab.”

Aposel 5:12

Bati deqa Qotei na Yesus aqa aŋgro 12-pela naŋgi siŋgila enjreqnaqa naŋgi maŋwa gargekoba yeqnabqa tamo uŋgasari naŋgi unoqneb. Tamo uŋgasari Yesus qa naŋgo areqalo siŋgilateb qaji naŋgi kalil are qujaitoqnsibqa Juda naŋgo atra tal meq dia korooqnsibqa Qotei qa louoqneb. Tal me di aqa ñam Solomon aqa Tal Me.

Aposel 6:8

Qotei a Stiven qa are tulaŋ boleiyoqnsiq deqa a siŋgila yeqnaqa a na tamo uŋgasari kalil Jerusalem di soqneb qaji naŋgo ŋamgalaq dia maŋwa gargekoba yoqnej.

Aposel 7:36

Moses qujai dena Isip sawaq aisiq dia maŋwa gargekoba yoqnej. Osiqa Israel naŋgi joqsiqa Isip sawa uratosib wadau sawaq gileb. Gilsib Yuwal Lentq dia Moses na maŋwa gargekoba yeqnaqa wausau 40 koboej.

1 Korin 1:22

Juda naŋgi Qotei aqa maŋwa unqajqa mareqnub. Grik naŋgi powo oqajqa tulaŋ siŋgilaeqnub.

2 Korin 12:12

Agi e nuŋgo ambleq di sosimqa e maŋwa gargekoba babteqnam dena niŋgi qalieeb, Qotei na e qariŋbej. Agi e siŋgila na tigeloqnsim gulube qoboiyeqnam dena maŋwa ti wau siŋgila ti gargekoba nuŋgo ambleq di brantoqnej. Kumbra dena niŋgi osorŋgej, e Qotei aqa wau tamo bole.

2 Tesalonaika 2:9

Dal anjam gotraŋyo qaji tamo di a Satan aqa siŋgila ti bosim aqa gisaŋ kumbra na maŋwa gargekoba tamo uŋgasari naŋgi osornjroqnqas.

Hibru 2:4

Qotei na maŋwa ti siŋgila ti babtoqnsiqa aqa segi areqalo dauryosiq aqa Mondor Bole aqa kumbra segi segi jeisiq tamo uŋgasari naŋgi enjroqnej. Kumbra dena naŋgi osornjrej, Qotei aqa Ŋiri aqa anjam di bole kalil.