Jon 4:39 - Yesus Aqa Anjam Bole

³⁹ Bati deqa uŋa na Samaria tamo uŋgasari gargekoba qure dia soqneb qaji naŋgi Yesus qa sainjrnaq qusibqa Yesus qa naŋgo areqalo siŋgilateb. Di kiyaqa? Uŋa na endegsi minjrej, “Tamo dena e kumbra nami yoqnem qaji di ubtekritqo.”

Jon 4:39 ပူးပေါင်းရင်းမြစ်များ

Matyu 10:5

Osiqa aŋgro 12-pela naŋgi di qariŋnjrsiqa minjrej, “Niŋgi qure qureq giloqniye. Ariya niŋgi tamo sawa bei bei qaji naŋgoq giloqnaib. Samaria naŋgo qureq dego giloqnaib.

Jon 1:37

Degsi minjrnaqa naŋgi aiyel Jon dauryqa uratosib Yesus dauryosib gileb.

Jon 11:45

Bati deqa Juda tamo uŋgasari Maria aqa talq dia are latetoqneb qaji naŋgi Yesus aqa siŋgila di unsibqa naŋgo ambleq di tamo gargekoba naŋgi Yesus qa naŋgo areqalo siŋgilateb.

Jon 4:29

“Niŋgi bosib tamo di uniye. E kumbra nami yoqnem qaji di a na ubtekritqo. Tamo di Kristus kio?”

Jon 4:30

Degsi minjrnaqa naŋgi qure uratosib Yesus unqajqa beb.

Jon 4:38

E niŋgi qariŋgonumqa gilsib wau niŋgi na wauosai qaji dena iŋgi eleŋonub. Tamo qudei naŋgi waukobaeb. Niŋgi laŋa gilsib iŋgi eleŋonub.”

Jon 4:40

Degsi minjrnaq qusibqa Yesus aqa areq gilsib minjeb, “Ni gago qureq endia iga koba na sqom.” Degsi minjnabqa Yesus a bati aiyel naŋgo qureq dia soqnej.

Jon 4:42

Osib uŋa di minjeb, “Ni na bosim Yesus qa anjam mergonum qusim gago areqaloq di sonaq olo a segi na mergwo qusim turtsim gago areqalo a qa torei siŋgilatonum. Osim endegsi poigwo, ‘Bole, Yesus a na qujai tamo uŋgasari mandamq endi unub qaji naŋgi oqas.’”

Jon 4:5

Aisiq Samaria naŋgo qure kiñala bei aqa ñam Sikar di brantej. Qure qalaq dia mandam taqal bei soqnej. Mandam taqal di Jekop a nami aqa ŋiri Josep yej.